• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಉತ್ತರ ಅಮೆರಿಕಾದಲ್ಲಿ ಅಕ್ಕ-ಪುನೀತ್ ಸ್ಟಾರ್ ನೈಟ್

By * ಶಾಮ್
|
ಬೆಂಗಳೂರು, ಜೂ. 13 : ಬರುವ ಸೆಪ್ಟೆಂಬರ್ ನಲ್ಲಿ ಉತ್ತರ ಅಮೆರಿಕಾದಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಸ್ಟಾರ್ ನೈಟ್ ನಡೆಯಲಿದೆ. ಪುನೀತ್ ಮತ್ತು ಇತರ 60 ಮಂದಿ ಕನ್ನಡ ಚಲನಚಿತ್ರ ನಟನಟಿಯರು ತಂಡೋಪತಂಡವಾಗಿ ಅಮೆರಿಕನ್ನಡಿಗರಿಗೆ ಚಲನಚಿತ್ರ ರಸಸಂಜೆಯ ರಸಗವಳ ಉಣ ಬಡಿಸಲು ಸಜ್ಜಾಗುತ್ತಿದ್ದಾರೆ.

ಉತ್ತರ ಅಮೆರಿಕ ಕನ್ನಡ ಕೂಟಗಳ ಆಗರ ಆಯೋಜಿಸುತ್ತಿರುವ ಕನ್ನಡ ನಟನಟಿ ನೃತ್ಯ ಕಲಾವಿದರ ಅಮೆರಿಕಾ ಜೈತ್ರಯಾತ್ರೆಗೆ ಸರ್ವ ಸಿದ್ಧತೆಗಳು ಭರದಿಂದ ಸಾಗಿವೆ ಎಂದು ಅಕ್ಕ ನಿರ್ದೇಶಕ ಮಂಡಳಿಯ ಛೇರ್ ಮನ್ ಅಮರ್ ನಾಥ್ ಗೌಡ ಭಾನುವಾರ ಬೆಂಗಳೂರಿನಲ್ಲಿ ದಟ್ಸ್ ಕನ್ನಡ ಪ್ರತಿನಿಧಿಗೆ ತಿಳಿಸಿದರು.

ಎರಡು ವರ್ಷಕ್ಕೊಮ್ಮೆ, ಅಂದರೆ ಸರಿ ವರ್ಷ ಸಂಖ್ಯೆಯಲ್ಲಿ ಅಕ್ಕ ವಿಶ್ವ ಕನ್ನಡ ಸಮ್ಮೇಳನ ನಡೆಯುವುದು ಪದ್ದತಿ. ಆದರೆ ನಡುವಿನ ಬೆಸ ಸಂಖ್ಯೆಯ ವರ್ಷದಲ್ಲಿ ಒಂದು ಬೃಹತ್ ಮಟ್ಟದ ಕನ್ನಡ ಕಾರ್ಯಕ್ರಮ ಹಮ್ಮಿಕೊಳ್ಳಬೇಕೆನ್ನುವುದೇ ಅಕ್ಕ ಆಶ್ರಯದ ಚಲನಚಿತ್ರ ರಸಸಂಜೆಯ ಉದ್ದೇಶ ಎಂದು ಅಮರ್ ನಾಥ್ ವಿವರಿಸಿದರು.

ಸ್ಟಾರ್ ನೈಟ್ ಏರ್ಪಾಟಾಗುವುದು ಅಮೆರಿಕಾದ ಬೇಸಿಗೆ ಕಾಲ ಮುಗಿಯುವ ವೇಳೆ. ಅಂದರೆ ಲೇಬರ್ ಡೇ ದೀರ್ಘ ವಾರಾಂತ್ಯ ರಜಾಕಾಲ. ಈ ಬಾರಿ ಲೇಬರ್ ಡೇ ರಜಾ ಯಥಾಪ್ರಕಾರ 5 ಸೆಪ್ಟೆಂಬರ್, ಸೋಮವಾರ. ರಜಾ ಕಾಲದ ಕನ್ನಡ ಮಜಾ ಅನುಭವಿಸಲು ಅಮೆರಿಕನ್ನಡಿಗರಿಗೆ ಇದೊಂದು ಸುವರ್ಣಾವಕಾಶ ಎಂದು ಅಕ್ಕದ ಅಧಿಕಾರಿ ಹೇಳಿದರು.

ಅಮೆರಿಕಾದ ಪೂರ್ವ ಕರಾವಳಿ ಅಂದರೆ ನ್ಯೂ ಜೆರ್ಸಿಯಲ್ಲಿ ಒಂದು ಹಾಗೂ ಪಶ್ಚಿಮ ಕರಾವಳಿ ಸ್ಯಾನ್ ಫ್ರಾನ್ಸಿಸ್ ಕೊ ಬೇ ಏರಿಯಾದಲ್ಲಿ ಇನ್ನೊಂದು ಕಾರ್ಯಕ್ರಮ ಇರುತ್ತದೆ. ಇವೆಂಟ್ ಮ್ಯಾನೇಜ್ಮೆಂಟ್ ಸಂಸ್ಥೆ ಈಗಾಗಲೇ ಅಮೆರಿಕಾ ಪ್ರವಾಸ ಕೈಗೊಂಡಿದ್ದು ಸೂಕ್ತ ಸಭಾಂಗಣಗಳ ಶಾರ್ಟ್ ಲಿಸ್ಟ್ ಮಾಡಿದೆ.

ಸ್ಟಾರ್ ನೈಟ್ ನಡೆಯುವ ಮುನ್ನಾದಿನ ಸಂಜೆ ಕನ್ನಡ ಚಲನಚಿತ್ರ ನಟನಟಿಯರೊಂದಿಗೆ ಡಿನ್ನರ್ ಇರುತ್ತದೆ. ಇದು ಪೇಯ್ಡ್ ಡಿನ್ನರ್ ಆಗಿದ್ದು ಸಂಗ್ರಹವಾಗುವ ಹಣ ಅಕ್ಕದ ದತ್ತಿ ನಿಧಿ ವತಿಯಿಂದ ಆಯೋಜಿಸಲಾಗುವ ಕರ್ನಾಟಕ ಸಮಾಜ ಕಲ್ಯಾಣ ಕಾರ್ಯಕ್ರಮಗಳಿಗೆ ವಿನಿಯೋಗ ಆಗುತ್ತದೆ ಎಂದು ಗೌಡರು ತಿಳಿಸಿದರು.

ಮಹತ್ವಾಕಾಂಕ್ಷೆಯ ಈ ಕಾರ್ಯಕ್ರಮದ ಮುಖ್ಯ ಉದ್ದೇಶ ಉತ್ತರ ಅಮೆರಿಕಾದಲ್ಲಿ ಕನ್ನಡ ಚಲನಚಿತ್ರಗಳ ಅಭಿರುಚಿಯನ್ನು ಉತ್ತು ಬಿತ್ತುವುದು ಹಾಗೂ ಕನ್ನಡ ಚಿತ್ರಗಳಿಗೆ ಅಮೆರಿಕಾ ಮಾರುಕಟ್ಟೆ ಬೆಳೆಯಲು ಕಿಂಡಿ ತೆರೆಯುವುದಾಗಿರುತ್ತದೆ. ಸ್ಟಾರ್ ನೈಟ್ ಕಾರ್ಯಕ್ರಮದ ಇತರ ಎಲ್ಲ ವಿವರಗಳನ್ನು ಸದ್ಯದಲ್ಲೇ ಪ್ರಕಟಿಸಲಾಗುವುದು ಎಂದು ಅಮರ್ ನಾಥ್ ಗೌಡ ತಿಳಿಸಿದರು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
AKKA has organized Puneet Rajkumar star night in New Jersey and San Francisco bay area in September 2011. More than 60 Kannada movie artists are participating in this mega show. AKKA director Amarnath Gowda informed about this event in Bangalore.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more