ಏ.23 : ಮಲ್ಲಿ ಹಾಸ್ಯ ನಾಟಕ ಅಮೆರಿಕ ಅಳಿಯ

ಸುಮಾರು ವರುಷಗಳ ಹಿಂದೆ, ಹೆಣ್ಣು ಹೆತ್ತವರು ನಮ್ಮ ಮಗಳಿಗೆ ಯಾವದಾದರು ಗವರ್ನ್ಮೆಂಟ್ ಕೆಲಸದಲ್ಲಿರೋ ಹುಡುಗ ಸಿಕ್ಕರೆ ಸಾಕು ಅಂತಾ ಇದ್ದರು... ಆಮೇಲೆ ಡಾಕ್ಟರ್, ಇಂಜಿನಿಯರ್ ಬೇಕು ಅನ್ನೋ ಕಾಲ ಬಂತು... ಈಗ ಅಮೇರಿಕಾದಲ್ಲಿ ಗ್ರೀನ್ ಕಾರ್ಡ್ ಇರೋ ಹುಡ್ಗಾನೆ ಬೇಕು ನಮಗೆ ಅನ್ನೋ ಕಾಲ ಬಂದಿದೆ ನೋಡಿ.. ಕಾಲಕ್ಕೆ ತಕ್ಕಂತೆ ಜನಗಳ ಆಸೇನೂ ಬದಲಾಗುತ್ತೆ ಅನ್ನೋದಕ್ಕೆ ಇದು ಒಂದು ಒಳ್ಳೆ ಉದಾಹರಣೆ!

ಮರೆಯದಿರಿ, ಮರೆತು ನಿರಾಶರಾಗದಿರಿ.. ಬನ್ನಿ ನೋಡಲು ಮಲ್ಲಿ ಸಣ್ಣಪ್ಪನವರ ವಿರಚಿತ "ಅಮೆರಿಕ ಅಳಿಯ" ಹಾಸ್ಯಭರಿತ ನಗೆ ನಾಟಕ! ಏಪ್ರಿಲ್ 23ರಂದು ಹೊಯ್ಸಳ ಕನ್ನಡ ಕೂಟ ಏರ್ಪಡಿಸಿರುವ ಯುಗಾದಿ 2011 ಕಾರ್ಯಕ್ರಮದಲ್ಲಿ...

ಸ್ಥಳ : ವಲ್ಲಭಧಾಮ ಮಂದಿರ, 26 ಕ್ರೈಸ್ಟ್ ಚರ್ಚ್, ನ್ಯೂಯಿಂಗ್ ಟನ್, ಕನೆಕ್ಟಿಕಟ್, ಯುಎಸ್
ದಿನಾಂಕ, ಸಮಯ : 23ನೇ ಏಪ್ರಿಲ್ 2011, ಸಂಜೆ 5.30ಕ್ಕೆ

ನಾಟಕ : ಅಮೆರಿಕ ಅಳಿಯ (ಹಾಸ್ಯ ನಾಟಕ)
ನಿರ್ದೇಶನ : ಮಲ್ಲಿ ಸಣ್ಣಪ್ಪನವರ

ಪಾತ್ರವರ್ಗ
ಮಾನಸ ಕಡಗಣ್ಣವರ
ಮಧು ಸಣ್ಣಪ್ಪನವರ
ಮಾನಸ ರಾಮ್
ಅನು ಕುರುವತ್ತಿ
ರಮೇಶ್ ಕಬ್ಬಿನಾಡ್
ಜ್ಯೋತಿ
ನಾಗರಾಜ್ ಮಹೇಶ್ವರಪ್ಪ
ಗಿರೀಶ್ ಕಬ್ಬಿನಾಡ್
ಮಲ್ಲಿ ಸಣ್ಣಪ್ಪನವರ
ಸುಂದರೇಶ್ ನಾಗಭೂಷಣ
ಸದಾನಂದ ಮಸರೂರ
ಸುಮಾ ಸಿ ಬಸಂತ್
ರಘು ಸೋಸಲೆ
ಮಹೇಶ್ ಹುಳಿಕೆರೆ
ರಾಜೇಶ್ ಚೆಲುವ

ನಾಟಕ ನೋಡುವ ಮುನ್ನ ಈ ಕವನ ಓದಿಬಿಡಿ

ಬರುತಿಹರು ಅಮೆರಿಕ ವರಗಳು
ಕಾಣುತ್ತ ಮದುವೆಯ ಕನಸನ್ನ..
ಮೆಚ್ಚಿ ವರಿಸಲು ಆಸೆಯಿಂದ
ನಿಮ್ಮ ಸುಕುಮಾರಿಯನ್ನ!

ತೆಗೆಸಿಡಿ GK ವಾಲೆಯಲ್ಲಿ
ಕನ್ಯೆಯ ಸುಂದರ ಚಿತ್ರವನ್ನ..
ಮೆಚ್ಚಿಸಲು ಬರುವ
ಅಮೆರಿಕಾದ ವರಗಳನ್ನ!

ಹಾರ - ತುರಾಹಿ ಇಲ್ಲದಿದ್ದರೂ
ಪರವಾಗಿಲ್ಲ.. ಮಾಡಬೇಡಿ ಚಿಂತೆಯನ್ನ...
ಆದರೆ ಮರೆಯದಿರಿ ರೆಡಿ ಮಾಡಿ
ಇಡಲು ಉಪ್ಪಿಟ್ಟು, ಅವಲಕ್ಕಿಯನ್ನ!

English summary

A Kannada humor play America Aliya is being enacted by Malli Sannappanavar and team in Connecticut, USA on April 23, during Ugadi celebrations. Hoysala Kannada Koota has organized Ugadi celebrations.