ಕೊರೊನಾ ಮಾಹಿತಿಗಾಗಿ ಮತ್ತೆ ಮೊಬೈಲ್ ಆ್ಯಪ್ ಆರಂಭಿಸಿದ WHO
ವಾಷಿಂಗ್ಟನ್, ಡಿಸೆಂಬರ್ 25: ವಿಶ್ವ ಆರೋಗ್ಯ ಸಂಸ್ಥೆಯು ಜನರ ಹಿತದೃಷ್ಟಿಯಿಂದ ಕೊರೊನಾ ಕುರಿತ ಸಂಪೂರ್ಣ ಮಾಹಿತಿ ನೀಡುವ ಮೊಬೈಲ್ ಆ್ಯಪ್ ಅನ್ನು ಅಭಿವೃದ್ಧಿಪಡಿಸಿದೆ.
ಈ ಅಪ್ಲಿಕೇಶನ್ ಹೆಸರು ಡಬ್ಲ್ಯುಎಚ್ಓ ಕೋವಿಡ್-19 ಅಪ್ ಡೇಟ್ಸ್(WHO COVID-19 Updates). ಈ ಅಪ್ಲಿಕೇಶನ್ ಕೊರೊನಾ ವೈರಸ್ ಕುರಿತು ಸಂಪೂರ್ಣ ವಿಶ್ವಾಸಾರ್ಹ ಮಾಹಿತಿ ಒಳಗೊಂಡಿರಲಿದೆ. ಆದರೆ, ಇದು ಸಂಪರ್ಕ ಪತ್ತೆ ಹಚ್ಚುವಿಕೆಯಂತಹ ವಿಶೇಷತೆ ಹೊಂದಿಲ್ಲ.
ಕೊರೊನಾ ವೈರಸ್ ಹರಡುವಿಕೆಯ ಬಗ್ಗೆ ತಿಳಿಯಲು, ದೇಶ ಹಾಗೂ ವಿಶ್ವದಾದ್ಯಂತ ನೊಂದಾಯಿತ ಪ್ರಕರಣಗಳ ಸಂಖ್ಯೆಯನ್ನು ಕಾಲ-ಕಾಲಕ್ಕೆ ಮುಖಪುಟದಲ್ಲಿ ಕಾಣಿಸಿಕೊಳ್ಳಲಿದೆ.
ಆರೋಗ್ಯ ವಿಷಯದಲ್ಲಿ ಅನುಸರಿಸಬೇಕಾದ ಸೂಚನೆಗಳನ್ನು ಒಳಗೊಂಡಿರಲಿದೆ. ವಿಶ್ವ ಆರೋಗ್ಯ ಸಂಸ್ಥೆ ಕೋವಿಡ್-19 ಪ್ರತಿಕ್ರಿಯೆ ನಿಧಿಗೆ ದೇಣಿಗೆ ನೀಡಲು ಬಯಸುವವರು ಈ ಆ್ಯಪ್ ಮೂಲಕ ದೇಣಿಗೆ ನೀಡಬಹುದು.
ಈ ವರ್ಷದ ಏಪ್ರಿಲ್ ನಲ್ಲಿಯೇ ಕೊರೊನಾ ವೈರಸ್ ಅಪ್ಲಿಕೇಶನ್ ಪರಿಚಯಿಸಿತಾದರೂ, ಸಾರ್ವಜನಿಕರಿಗೆ ಲಭ್ಯವಿಲ್ಲದ ಕಾರಣ ಆ್ಯಪ್ ಸ್ಟೋರ್ ಗಳು ಅದನ್ನು ತೆಗೆದುಹಾಕಿದ್ದವು.
ಡಬ್ಲ್ಯುಎಚ್ಓ ಕೋವಿಡ್-19 ಅಪ್ ಡೇಟ್ಸ್ ಅಪ್ಲಿಕೇಶನ್ ತಾಜಾ ಸ್ಥಳೀಯ ಮಾಹಿತಿ ಆಧಾರದ ಮೇಲೆ ನೈಜ-ಸಮಯದ ಅಧಿಸೂಚನೆಗಳನ್ನು ಒದಗಿಸಲಿದೆ.
Click it and Unblock the Notifications
Sign in with Google