ಅಮೆರಿಕದಲ್ಲಿ 6 ವಾರಗಳ ಹಸುಗೂಸು ಕೊರೊನಾ ವೈರಸ್ಗೆ ಬಲಿ
ವಾಷಿಂಗ್ಟನ್, ಏಪ್ರಿಲ್ 2: ಅಮೆರಿಕದಲ್ಲಿ ಕೊರೊನಾ ವೈರಸ್ಗೆ ಆರು ವಾರಗಳ ಕಂದಮ್ಮ ಬಲಿಯಾಗಿದೆ.
Recommended Video
ಅಮೆರಿಕದಲ್ಲಿ ಕೊರೊನಾ ವೈರಸ್ಗೆ ಬಲಿಯಾಗಿದ್ದವರಲ್ಲಿ ಅತಿ ಚಿಕ್ಕ ಮಗು ಇದಾಗಿದೆ. ಅಮೆರಿಕ ಗವರ್ನರ್ ನೆಡ್ ಲೆಮಾಂಟ್ ಟ್ವೀಟ್ ಮಾಡಿದ್ದು, 'ಕಳೆದ ವಾರ ಕೊರೊನಾಗೆ ತುತ್ತಾಗಿದ್ದ ಮಗುವನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದೆ' ಎಂದು ತಿಳಿಸಿದ್ದಾರೆ.
ಮಗುವಿನ ಆರೋಗ್ಯ ಏರುಪೇರಾಗಲು ಕಾರಣ ಏನೆಂಬುದು ಮೊದಲು ಗೊತ್ತಿರಲಿಲ್ಲ, ಬಳಿಕ ನನ್ನೆಯಷ್ಟೇ ಮಗುವಿಗೆ ಕೊರೊನಾ ಇರುವುದು ತಿಳಿದುಬಂದಿತ್ತು.
ಒಂದು ವರ್ಷಕ್ಕಿಂತಲೂ ಕಡಿಮೆ ಇರುವ ಮಗುವಿಗೆ ಕೊರೊನಾ ಬಂದಿದೆ. ಈ ಕುರಿತು ಅಧ್ಯಯನ ಮಾಡುವುದಾಗಿ ವೈದ್ಯರು ತಿಳಿಸಿದ್ದಾರೆ.ಆದರೆ ಸ್ಥಳೀಯ ಮಾಧ್ಯಮಗಳು ಮಗುವಿಗೆ 9 ತಿಂಗಳಾಗಿದೆ ಎಂದು ಹೇಳಿವೆ. ಅಮೆರಿಕದಲ್ಲಿ ಈಗಾಗಲೇ 4,476 ಮಂದಿ ಕೊರೊನಾ ವೈರಸ್ನಿಂದ ಸಾವನ್ನಪ್ಪಿದ್ದಾರೆ.
ನ್ಯೂಯಾರ್ಕ ನಗರವೊಂದರಲ್ಲೇ 2 ಸಾವಿರ ಮಂದಿ ಮೃತಪಟ್ಟಿದ್ದಾರೆ ಎಂಬುದು ತಿಳಿದುಬಂದಿದೆ. ನ್ಯೂಯಾರ್ಕ್ ಹಾಗೂ ನ್ಯೂಜರ್ಸಿಯಲ್ಲಿ ಜನರನ್ನು ಮನೆಯಲ್ಲೇ ಇರುವಂತೆ ಸೂಚಿಸಲಾಗಿದೆ.
ಅಮೆರಿಕದ ನೌಕಾಸೇನೆಯ ಯುದ್ಧ ಹಡಗಿನಲ್ಲಿ ಮಾರಕ ಕೊರೊನಾ ವೈರಸ್ ಕಾಣಿಸಿಕೊಂಡಿದೆ. ಹಡಗಿನಲ್ಲಿರುವ ನೌಕಾಸೇನೆಯ ಸೈನಿಕರಲ್ಲಿ ಕೊರೊನಾ ವೈರಸ್ ಪಾಸಿಟಿವ್ ಪ್ರಕರಣಗಳು ಹೆಚ್ಚಾಗುತ್ತಿವೆ.
ಪರಮಾಣು ಶಸ್ತ್ರಗಳನ್ನು ಹೊತ್ತು ಗಸ್ತು ತಿರುಗುತ್ತಿರುವ ಅಮೆರಿಕ ನೌಕಾಸೇನೆಯ 'ಥಿಯೊಡೋರ್ ರೂಸ್ವೆಲ್ಟ್' ಎಂಬ ಯುದ್ಧ ಹಡಗಿನ ಸೈನಿಕರಲ್ಲಿ ಕೊರೊನಾ ವೈರಸ್ ಕಾಣಿಸಿಕೊಂಡಿದೆ. ಈ ಹಿನ್ನೆಲೆಯಲ್ಲಿ ಹಡಗಿನ ಕ್ಯಾಪ್ಟನ್ ಬ್ರೆಟ್ ಕ್ರೊಜಿಯರ್ ನೌಕಾಪಡೆಯ ಉನ್ನತ ಅಧಿಕಾರಿಗಳಿಗೆ ನಾಲ್ಕು ಪುಟಗಳ ಪತ್ರ ಬರೆದಿದ್ದಾರೆ.
Click it and Unblock the Notifications
Sign in with Google