ಕೇರಳದಲ್ಲಿ ಮತ್ತೊಂದು ಅಮಾನವೀಯ ಕೃತ್ಯ: ನಾಯಿಗೆ ಇದೆಂತಾ ಶಿಕ್ಷೆ?

ತಿರುವನಂತಪುರಂ, ಜೂನ್ 11: ಕಳೆದ ಕೆಲವು ದಿನಗಳಿಂದ ಪ್ರಾಣಿಗಳ ಮೇಲೆ ಹಲ್ಲೆ, ಹಿಂಸೆ ನೀಡುತ್ತಿರುವ ಘಟನೆಗಳು ಹೆಚ್ಚು ವರದಿಯಾಗುತ್ತಿದೆ. ಕೇರಳದ ಪಾಲಕ್ಕಡ್ ಜಿಲ್ಲೆಯಲ್ಲಿ ಅನಾನಸ್ ಹಣ್ಣಿನಲ್ಲಿ ಸ್ಪೋಟಕ ತುಂಬಿಸಿ ಆನೆಗೆ ತಿನ್ನಿಸಿದ ಘಟನೆ ರಾಷ್ಟ್ರವ್ಯಾಪಿ ಸದ್ದು ಮಾಡಿತ್ತು.

ಅದಾದ ಬೆನ್ನಲ್ಲೆ ಹಿಮಾಚಲ ಪ್ರದೇಶದಲ್ಲಿ ಗರ್ಭಿಣಿ ಹಸುವಿಗೆ ಸ್ಪೋಟಕ ತಿನ್ನಿಸಿರುವ ಘಟನೆಯೂ ತಡವಾಗಿ ಬೆಳಕಿಗೆ ಬಂದಿತ್ತು. ಇದೀಗ, ಕೇರಳದಲ್ಲಿ ನಾಯಿಗೆ ಬಾಯಿಗೆ ಟೇಪ್ ಸುತ್ತಿ ಹಿಂಸೆ ನೀಡಿರುವ ಕೃತ್ಯ ವರದಿಯಾಗಿದೆ.

ತ್ರಿಶೂರ್ ಜಿಲ್ಲೆಯ ಒಲ್ಲೂರು ಪ್ರದೇಶದ ಬೀದಿಯಲ್ಲಿ ಯಾರೋ ದುಷ್ಕರ್ಮಿಗಳು ನಾಯಿ ಬಾಯಿಗೆ ಟೇಪ್ (ಇನ್ಸುಲೇಶನ್ ಟೇಪ್) ಸುತ್ತಿ ರಸ್ತೆಯಲ್ಲಿ ಬಿಟ್ಟು ಹೋಗಿದ್ದಾರೆ.

Kerala: Volunteers of People for Animal Welfare Services rescued a dog that had its mouth sealed with insulation tape around it for two weeks in Ollur of Thrissur district. The dog has now been shifted to an animal shelter home. (10/6) pic.twitter.com/6St0KFneMd

— ANI (@ANI) June 10, 2020

ಎರಡು ವಾರದಿಂದ ಈ ನಾಯಿ ಊಟ, ನೀರು ಕುಡಿಯದೇ ಕಷ್ಟಪಟ್ಟಿದೆ. ಇದನ್ನು ಕಂಡ ಕೆಲವು ಪ್ರಾಣಿಪ್ರಿಯರು ಪ್ರಾಣಿ ರಕ್ಷಣೆ ತಂಡಕ್ಕೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಬಂದ ಪ್ರಾಣಿ ರಕ್ಷಕ ಸಿಬ್ಬಂದಿ ನಾಯಿಯನ್ನು ರಕ್ಷಿಸಿದ್ದಾರೆ.

'ಬಹಳ ಗಟ್ಟಿಯಲ್ಲಿ ಟೇಸ್ ಸುತ್ತಿದ್ದರಿಂದ ಶ್ವಾನಕ್ಕೆ ಗಂಭೀರವಾಗಿ ಗಾಯವಾಗಿತ್ತು. ಇದರಿಂದ ನಾಯಿ ಮೂಳೆ ಹಾಗೂ ಚರ್ಮಕ್ಕೆ ಪೆಟ್ಟಾಗಿದೆ. ಟೇಪ್ ಬಿಡಿಸಿಕೊಳ್ಳುವ ಪ್ರಯತ್ನದಲ್ಲಿ ನಾಯಿಗೆ ಹೆಚ್ಚು ನೋವು ಅನುಭವಿಸಿದೆ' ಎಂದು ಪ್ರಾಣಿ ರಕ್ಷಣೆ ಸಿಬ್ಬಂದಿ ಹೇಳಿದ್ದಾರೆ.

English summary

Volunteers of People for Animal Welfare Services rescued a dog that had its mouth sealed with insulation tape around it for two weeks in Ollur of Thrissur district.