ಜೆಡಿಎಸ್ ಮ್ಯಾಜಿಕ್ ನಂಬರ್ ದಾಟುವುದು ಖಂಡಿತ: ಕುಮಾರಸ್ವಾಮಿ

ರಾಮನಗರ, ಮೇ 12: "ಜೆಡಿಎಸ್ ಪಕ್ಷವು ಸರ್ಕಾರ ರಚನೆಗೆ ಅಗತ್ಯವಿರುವ ಮ್ಯಾಜಿಕ್ ನಂಬರ್(113) ಅನ್ನು ದಾಟಲಿದೆ ಎಂಬ ವಿಶ್ವಾಸವಿದೆ" ಎಂದು ಜೆಡಿಎಸ್ ರಾಜ್ಯಾಧ್ಯಕ್ಷ, ಮಾಜಿ ಮುಖ್ಯಮಂತ್ರಿ ಎಚ್ ಡಿ ಕುಮಾರಸ್ವಾಮಿ ಹೇಳಿದ್ದಾರೆ.

ರಾಮನಗರ ಕ್ಷೇತ್ರದ ಜೆಡಿಎಸ್ ಅಭ್ಯರ್ಥಿಯೂ ಆಗಿರುವ ಅವರು, ರಾಮನಗರದ ಕೇತನಾಗನಹಳ್ಳಿಯ ಮತಗಟ್ಟೆ ಸಂಖ್ಯೆ 232 ರಲ್ಲಿ ಮತಚಲಾಯಿಸಿದರು. ಮತದಾನದ ನಂತರ ಪತ್ರಕರೊಂದಿಗೆ ಮಾತನಾಡಿದ ಅವರು, ಜೆಡಿಎಸ್ ಪಕ್ಷವು ಸರ್ಕಾರ ರಚನೆಗೆ ಅಗತ್ಯವಿರುವ ಮ್ಯಾಜಿಕ್ ನಂಬರ್ ಅನ್ನು ದಾಟುತ್ತದೆ. ಮತ್ತು ಸ್ವಂತ ಬಲದಿಂದ ಅಧಿಕಾರಕ್ಕೆ ಬರುತ್ತದೆ ಎಂಬ ವಿಶ್ವಾಸವಿದೆ" ಎಂದರು.

HD Kumaraswamy and wife Anitha after casting their vote in Ramanagara. Kumaraswamy says, 'We are confident that JDS will cross the magic number on its own' #KarnatakaElections2018 pic.twitter.com/ARk584lQfR

— ANI (@ANI) May 12, 2018

ಕುಮಾರಸ್ವಾಮಿ ಅವರಿಗೆ ಮತ್ನಿ ಅನಿತಾ ಕುಮಾರಸ್ವಾಮಿ ಅವರು ಸಹ ಸಾಥ್ ನೀಡಿದ್ದರು. ಚನ್ನಪಟ್ಟಣ ಕ್ಷೇತ್ರದಿಂದಲೂ ಜೆಡಿಎಸ್ ಅಭ್ಯರ್ಥಿಯಾಗಿ ಕುಮಾರಸ್ವಾಮಿ ಸ್ಪರ್ಧಿಸುತ್ತಿದ್ದು ಅವರು ಜೆಡಿಎಸ್ ಮುಖ್ಯಮಂತ್ರಿ ಅಭ್ಯರ್ಥಿಯೂ ಹೌದು.

ಇಂದು ಬೆಳಿಗ್ಗೆ ಹಾಸನದ ಹೊಳೆನರಸಿಪುರದಲ್ಲಿ ಮತಚಲಾಯಿಸಿದ ಮಾಜಿ ಪ್ರಧಾನಿ ಎಚ್ ಡಿ ದೇವೇಗೌಡರು ಸಹ ಜೆಡಿಎಸ್ ಪಕ್ಷವೇ ಈ ಬಾರಿ ಸರ್ಕಾರ ರಚಿಸುತ್ತದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದರು.

English summary

Karnataka assembly elections 2018: JDS state president HD Kumaraswamy and wife Anitha cast their vote in Ramanagara. Kumaraswamy says, 'We are confident that JDS will cross the magic number on its own'