ತೀವ್ರ ಕುತೂಹಲ ಕೆರಳಿಸಿರುವ ಬಿಹಾರದ 76 ಕ್ಷೇತ್ರಗಳು!

ಪಾಟ್ನಾ, ನವೆಂಬರ್ 10: ಬಿಹಾರ ವಿಧಾನಸಭೆ ಚುನಾವಣೆಯ ಫಲಿತಾಂಶ ಕ್ಷಣಕ್ಷಣಕ್ಕೂ ಕುತೂಹಲ ಮೂಡಿಸುತ್ತಿದೆ. ಆರಂಭದಲ್ಲಿ ಆರ್‌ಜೆಡಿ ನೇತೃತ್ವದ ಮಹಾಘಟಬಂಧನ್ ಮುನ್ನಡೆ ಸಾಧಿಸಿತ್ತು.

ಆದರೆ ಮತ ಎಣಿಕೆ ಮುಂದುವರೆದಂತೆ ಮಹಾಘಟಬಂಧನ್ ಹಿಂದಿಕ್ಕಿ ಎನ್‌ಡಿಎ ಮೈತ್ರಿಕೂಟ ಮುನ್ನಡೆ ಸಾಧಿಸಿತು. ಈಗ ಸದ್ಯದ ಪ್ರವೃತ್ತಿ ಪ್ರಕಾರ 76 ಕ್ಷೇತ್ರಗಳಲ್ಲಿ 1000 ಕ್ಕಿಂತ ಕಡಿಮೆ ಮತಗಳ ಅಂತರವಿರುವುದು ತೀವ್ರ ಕುತೂಹಲ ಮೂಡಿಸಿದೆ. ಇದರ ಅಂತಿಮ ಫಲಿತಾಂಶ ಯಾವ ಕಡೆ ಬೇಕಾದರೂ ವಾಲಬಹುದು ಅಂದಾಜಿಸಲಾಗಿದೆ.

ಬಿಹಾರದ ಒಟ್ಟು 243 ವಿಧಾನಸಭಾ ಸ್ಥಾನಗಳಲ್ಲಿ ಎನ್‌ಡಿಎ ಮೈತ್ರಿಕೂಟ 132 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದ್ದು, ಅದರಲ್ಲಿ ಬಿಜೆಪಿ 80 ಮತ್ತು ಜೆಡಿಯು 48 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದೆ.

ಮತ್ತೊಂದೆಡೆ ಆರ್‌ಜೆಡಿ ನೇತೃತ್ವದ ಮಹಾಘಟಬಂಧನ್ ಈಗ 95 ಸ್ಥಾನಗಳಲ್ಲಿ ಮುನ್ನಡೆಯಲ್ಲಿದ್ದು, ಆರ್‌ಜೆಡಿ 70, ಕಾಂಗ್ರೆಸ್ 24 ಮತ್ತು ಎಡಪಕ್ಷಗಳು 21 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿವೆ.

ಬಿಹಾರದ ಬಂಕಾ ಕ್ಷೇತ್ರದಲ್ಲಿ ಬಿಜೆಪಿಯ ರಾಮನಾರಾಯಣ್ ಮಂಡಲ 7256 ಮತಗಳೊಂದಿಗೆ ಮುನ್ನಡೆ ಸಾಧಿಸಿದ್ದರೆ, ಕತಿಹಾರ್ ನ ಬಲರಾಂಪುರದಲ್ಲಿ ಸಿಪಿಐ-ಎಂಎಲ್ಎಲ್‌ನ ಮೆಹಬೂಬ್ ಆಲಂ ವಿಕಾಶ್ಶಿಲ್ ಇನ್ಸಾನ್ ಪಕ್ಷ (ವಿಐಪಿ) ವಿರುದ್ಧ 4772 ಮತಗಳನ್ನು ಗಳಿಸಿ ಮುನ್ನಡೆ ಸಾಧಿಸಿದ್ದಾರೆ.

ಸದ್ಯದ ವರದಿಯ ಪ್ರಕಾರ ಬಿಹಾರದ 76 ಕ್ಷೇತ್ರಗಳಲ್ಲಿ ಮುನ್ನಡೆ ಅಭ್ಯರ್ಥಿ ಮತ್ತು ಹಿನ್ನಡೆ ಅಭ್ಯರ್ಥಿಯ ನಡುವಿನ ಅಂತರವು 1000 ಮತಗಳಿಗಿಂತ ಕಡಿಮೆಯಿರುವು ಗಮನಾರ್ಹ ಸಂಗತಿಯಾಗಿದೆ.

English summary

Bihar Assembly Election Results 2020 in Kannada: According to the current trend, there are Margin Less than 1000 on 76 constituencies in Bihar.