ಅತ್ಯಾಚಾರ ಆರೋಪಕ್ಕೆ ಬೇಸತ್ತು ಆತ್ಮಹತ್ಯೆ

ನವದೆಹಲಿ, ಡಿ.20: ಛೇ! ವಿನಾಕಾರಣ ತನ್ನ ಮೇಲೆ ಅತ್ಯಾಚಾರ ಆರೋಪ ಕೇಳಿಬಂದಿದ್ದಕ್ಕೆ ಬೇಸತ್ತು ಉನ್ನತಮಟ್ಟದ ಅಧಿಕಾರಿಯೊಬ್ಬರು ಮೂರನೆಯ ಮಹಡಿಯಿಂದ ಹಾರಿ ದಾರುಣವಾಗಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ದೆಹಲಿಯ ಸರಕಾರೇತರ ಸಂಸ್ಥೆಯೊಂದರ (Institute for Social Democracy NGO) ನಿರ್ದೇಶಕ ಖುರ್ಷಿದ್ ಅನ್ವರ್ ಅವರು ತಮ್ಮ ಮೇಲೆ ಅತ್ಯಾಚಾರವೆಸಗಿದ್ದಾರೆ ಎಂದು ಮಾನವ ಹಕ್ಕುಗಳ ಯುವ ಕಾರ್ಯಕರ್ತೆಯೊಬ್ಬರು ಆಪಾದಿಸಿದ್ದರು.

ಮೃತ ಅನ್ವರ್ ಅವರಿಗೆ ಪತ್ನಿ ಮತ್ತು ಒಬ್ಬ ಪುತ್ರ ಇದ್ದಾರೆ. ಅನ್ವರ್ ಜವಾಹರಲಾಲ ನೆಹರೂ ವಿಶ್ವವಿದ್ಯಾಲಯದ (Jawaharlal Nehru University -JNU) ಪದವೀಧರರಾಗಿದ್ದು, ಅಲಹಾಬಾದ್ ಮೂಲದವರು.

ಪ್ರತಿಷ್ಠಿತ ವಸಂತ ಕುಂಜ್ ಪ್ರದೇಶದಲ್ಲಿ ಏಕಾಂಗಿಯಾಗಿ ವಾಸವಿದ್ದ ಅನ್ವರ್ ಬುಧವಾರ ಬೆಳಗ್ಗೆ ದಾರುಣ ಸಾವುಕಂಡಿದ್ದಾರೆ. ಅವರ ಪತ್ನಿ Jawaharlal Nehru Universityಯಲ್ಲಿ ಪ್ರಾಧ್ಯಾಪಕರಾಗಿದ್ದು, ವಿವಿ ವಸತಿ ಸಮುಚ್ಚಯದಲ್ಲೇ ಪುತ್ರನ ಜತೆಗೆ ವಾಸವಾಗಿದ್ದರು.

'ಅನ್ವರ್ ಅವರ ವಿರುದ್ಧ ಮಂಗಳವಾರ 24 ವರ್ಷದ ಯುವತಿಯೊಬ್ಬಳು ಅತ್ಯಾಚಾರ ಆರೋಪ ಹೊರಿಸಿ, ದೂರು ದಾಖಲಿಸಿದ್ದರು. ಇದರಿಂದ ನೊಂದ ಅನ್ವರ್ ಸಾವನ್ನಪ್ಪಿದ್ದಾರೆ. ಬುಧವಾರ ಬೆಳಗ್ಗೆ 11 ಗಂಟೆಯಲ್ಲಿ ಅನ್ವರ್ ಮಹಡಿಯಿಂದ ಹಾರಿಬಿದ್ದರು.

ತಕ್ಷಣ ಅವರನ್ನು ಫಾರ್ಟಿಸ್ ಆಸ್ಪತ್ರೆಗೆ (Fortis Hospital) ಕೊಂಡೊಯ್ದೆವು. ತದನಂತರ AIIMS Trauma Centre ಗೂ ದಾಖಲಿಸಿದೆವು. ಆದರೆ ಆ ವೇಳೆಗೆ ಅಮಾಯಕ ಅನ್ವರ್ ಅವರ ಪ್ರಾಣಪಕ್ಷಿ ಹಾರಿಹೋಗಿತ್ತು' ಎಂದು ಸ್ಥಳೀಯರು ತಿಳಿಸಿದ್ದಾರೆ.

English summary

Upset over rape allegations Delhi NGO Director Anwar commits suicide. The Director of Delhi-based NGO (Institute for Social Democracy), who faced the charge of rape levelled by a rights activist, committed suicide by jumping from the third floor of his posh Vasant Kunj house in South Delhi on Wednesday morning. Anwar was a native of Allahabad and an alumni of JNU. Anwar is survived by his wife (a professor of Jawaharlal Nehru University) and a son.