ನರೇಂದ್ರ ಮೋದಿ 'ಡ್ರಗ್ ಅಡಿಕ್ಟ್' ಎಂದ ಎಎಪಿ ಮುಖಂಡ
ನವದೆಹಲಿ, ಮೇ 6: ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಅವರು ತಮ್ಮ ಅಂತ್ಯದ ವೇಳೆಯಲ್ಲಿ ನಂಬರ್ ಒನ್ ಭ್ರಷ್ಟಾಚಾರಿಯಾಗಿದ್ದರು ಎಂದು ಟೀಕಿಸಿದ್ದ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಟೀಕಿಸಿರುವ ಭರದಲ್ಲಿ ಎಎಪಿಯ ವಕ್ತಾರ ಮತ್ತು ರಾಜ್ಯಸಭಾ ಸದಸ್ಯ ಸಂಜಯ್ ಸಿಂಗ್ ವಿವಾದಕ್ಕೀಡಾಗಿದ್ದಾರೆ.
ಲೋಕಸಭಾ ಚುನಾವಣೆ 2019 | ವಿಶೇಷ ಪುಟ | ಗ್ಯಾಲರಿ
ಪ್ರಧಾನಿ ನರೇಂದ್ರ ಮೋದಿ ಅವರನ್ನು 'ಮಾದಕ ದ್ರವ್ಯ ವ್ಯಸನಿ' ಎಂದು ಟೀಕಿಸಿರುವ ಸಂಜಯ್ ಸಿಂಗ್, ಮಾದಕ ವಸ್ತು ಸೇವಿಸಿ ಭಾಷಣ ಮಾಡಿದ ಮೋದಿ ಅವರ ವಿರುದ್ಧ ಚುನಾವಣಾ ಆಯೋಗ ತನಿಖೆ ನಡೆಸಬೇಕು ಎಂದು ಒತ್ತಾಯಿಸಿದ್ದಾರೆ.
'ಮೃತ ವ್ಯಕ್ತಿಯ ಕುರಿತು ಇಂತಹ ಕೆಟ್ಟ ಹೇಳಿಕೆಗಳನ್ನು ನೋಡುವುದು ಡ್ರಗ್ ಅಡಿಕ್ಟ್ ಮೋದಿ ಅವರಂತಹ ವ್ಯಕ್ತಿಯಿಂದ ಮಾತ್ರ ಸಾಧ್ಯ. ಮಾದಕದ್ರವ್ಯಗಳ ಮಾರಾಟವನ್ನು ಚುನಾವಣಾ ಆಯೋಗ ನಿರ್ಬಂಧಿಸಬೇಕು. ಮತ್ತು ಮಾದಕ ದ್ರವ್ಯಗಳ ಪ್ರಭಾವಕ್ಕೆ ಒಳಗಾಗಿ ಭಾಷಣ ಮಾಡುತ್ತಿರುವ ಮೋದಿ ಅವರ ವಿರುದ್ಧ ತನಿಖೆ ನಡೆಸಬೇಕು' ಎಂದು ಅವರು ಟ್ವೀಟ್ ಮಾಡಿದ್ದಾರೆ.
ಸಂಜಯ್ ಸಿಂಗ್ ಅವರ ಹೇಳಿಕೆ ಭಾರಿ ವಿವಾದ ಸೃಷ್ಟಿಸಿದ್ದು, ವ್ಯಾಪಕ ಖಂಡನೆ ವ್ಯಕ್ತವಾಗಿದೆ.
'ನಿಮ್ಮ ತಂದೆಯವರ ಆಪ್ತರು ಅವರನ್ನು 'ಮಿಸ್ಟರ್ ಕ್ಲೀನ್' ಎಂದು ಕರೆಯುತ್ತಿದ್ದರು. ಆದರೆ, ಅವರ ಜೀವನ ನಂಬರ್ ಒನ್ ಭ್ರಷ್ಟಾಚಾರಿಯಾಗಿ ಅಂತ್ಯಕಂಡಿತು. ನಿಂದನೆಗಳ ಮೂಲಕ ನೀವು ಮೋದಿ ಅವರ 50 ವರ್ಷದ ಸುದೀರ್ಘ ಹೋರಾಟವನ್ನು ಪುಡಿಮಾಡಲಾರಿರಿ. ನನ್ನ ವರ್ಚಸ್ಸನ್ನು ಹಾಳು ಮಾಡುವ ಮೂಲಕ ಮತ್ತು ನನ್ನನ್ನು ಸಣ್ಣದಾಗಿ ಚಿತ್ರಿಸುವ ಮೂಲಕ ಈ ವ್ಯಕ್ತಿಗಳು ದೇಶದಲ್ಲಿ ಅಸ್ಥಿರ ಹಾಗೂ ದುರ್ಬಲ ಸರ್ಕಾರವನ್ನು ರಚಿಸಲು ಬಯಸಿದ್ದಾರೆ' ಎಂದು ಮೋದಿ ಹೇಳಿದ್ದರು.
Click it and Unblock the Notifications
Sign in with Google