ವಾಯು ಗಡಿ ಉಲ್ಲಂಘಿಸಿ ಬಂದ ವಿಮಾನವನ್ನು ಇಳಿಸಿದ ಭಾರತ

ನವದೆಹಲಿ, ಮೇ 10: ಪಾಕಿಸ್ತಾನದ ಕರಾಚಿಯಿಂದ ಹೊರಟಿದ್ದ ಸರಕು ಸಾಗಣೆ ವಿಮಾನವು ಭಾರತದ ವಾಯುಗಡಿ ಉಲ್ಲಂಘಿಸಿ ಒಳ ಪ್ರವೇಶಿಸಿದ್ದಕ್ಕೆ ಭಾರತೀಯ ವಾಯುಪಡೆ ಅದನ್ನು ಬಲವಂತವಾಗಿ ಇಳಿಸಿದೆ.

ಜಾರ್ಜಿಯಾಕ್ಕೆ ಹೊರಟಿದ್ದ ಸರಕು ಸಾಗಣೆ ವಿಮಾನವು ಮಧ್ಯಾಹ್ನ 3.15ರ ಸುಮಾರಿಗೆ ಉತ್ತರ ಗುಜರಾತ್ ವಲಯದಲ್ಲಿ ಭಾರತೀಯ ವಾಯುನೆಲೆಯನ್ನು ಪ್ರವೇಶಿಸಿರುವುದನ್ನು ಭಾರತೀಯ ವಾಯುಪಡೆಯ ರೇಡಾರ್‌ಗಳು ಪತ್ತೆಹಚ್ಚಿದ್ದವು.

ಕೂಡಲೇ ಕಾರ್ಯಪ್ರವೃತ್ತಗೊಂಡ ವಾಯುಪಡೆ ಎರಡು ಸುಖೋಯ್ ಸು-30 ಯುದ್ಧವಿಮಾನಗಳನ್ನು ಕಳುಹಿಸಿ ವಿಮಾನವನ್ನು ಜೈಪುರದಲ್ಲಿ ಕೆಳಕ್ಕಿಳಿಸುವಂತೆ ಮಾಡಿತು.

ಭಾರತೀಯ ವಾಯುಪಡೆ ರವಾನಿಸಿದ ರೇಡಿಯೋ ಕರೆಗಳನ್ನು ವಿಮಾನದ ಸಿಬ್ಬಂದಿ ಸ್ವೀಕರಿಸಲಿಲ್ಲ. ಅಲ್ಲದೆ ಮಾರ್ಗ ಬದಲಾವಣೆಗೊಂಡು 27 ಸಾವಿರ ಅಡಿ ಎತ್ತರದಲ್ಲಿ ಹಾರಾಟ ನಡೆಸುತ್ತಿತ್ತು. ಕೊನೆಗೆ ವಾಯುಪಡೆ ಬಲವಂತವಾಗಿ ಕೆಳಕ್ಕಿಳಿಸಿತು.

#WATCH: Indian Air Force fighter jets force an Antonov AN-12 heavy cargo plane coming from Pakistani Air space to land at Jaipur airport. Questioning of pilots on. pic.twitter.com/esuGbtu9Tl

— ANI (@ANI) 10 May 2019

ಈ ವಿಮಾನವು ಎಲ್ಲ ಅಗತ್ಯ ಅನುಮತಿಗಳನ್ನು ಹೊಂದಿತ್ತು. ಆದರೆ, ಮುಂಬೈ ಮತ್ತು ಅಹಮದಾಬಾದ್ ಎಟಿಸಿಗಳನ್ನು ಸಂಪರ್ಕಿಸಬೇಕಿತ್ತು. ಅದರ ಬದಲಾಗಿ ಭಾರತೀಯ ವಾಯುನೆಲೆಯೊಳಗೆ ಹಾರಾಟ ನಡೆಸಿತ್ತು.

English summary

IAF jets forces land a cargo plane took off from Karachi diverted from its plan and entered Indian air space.