ಡಿಂಚಕ್ ಪೂಜಾ ವಿರುದ್ಧ ದೆಹಲಿ ಪೊಲೀಸರಿಂದ ಕ್ರಮ?

ನವದೆಹಲಿ, ಜೂನ್ 29: ಸಾಮಾಜಿಕ ಜಾಲ ತಾಣಗಳ ಹೊಸ ಸೆನ್ಸೆಷನ್ ಡಿಂಚಕ್ ಪೂಜಾ ಈಗ ಸಮಸ್ಯೆಯಲ್ಲಿ ಸಿಲುಕಿದ್ದಾರೆ.
ತಮ್ಮ ಕರಾಬ್ ಗಾಯನದ ಮೂಲಕ ಎಲ್ಲರ ಗಮನ ಸೆಳೆದಿರುವ ಪೂಜಾ ಅವರ ಹೊಸ ವಿಡಿಯೋ ಸಾಂಗ್ ವಿವಾದಕ್ಕೆ ಕಾರಣವಾಗಿದೆ.

ಹೆಲ್ಮೆಟ್ ಇಲ್ಲದೆ ಸ್ಕೂಟರ್ ಸವಾರಿ ಮಾಡಿ ಟ್ರಾಫಿಕ್ ನಿಯಮ ಉಲ್ಲಂಘಿಸಿದ್ದಾರೆ ಎಂದು ಪೂಜಾ ವಿರುದ್ಧ ದೂರು ನೀಡಲಾಗಿದೆ. ಟ್ವಿಟ್ಟರ್ ಮೂಲಕ ನೀಡಿದ ದೂರನ್ನು ಗಂಭೀರವಾಗಿ ಪರಿಗಣಿಸಿರುವ ಪೊಲೀಸರು, ಕ್ರಮ ಕೈಗೊಳ್ಳುವ ಭರವಸೆ ನೀಡಿದ್ದಾರೆ.

'ದಿಲೋಂಕಾ ಶೂಟರ್ ಸ್ಕೂಟರ್' ಅಂತಾ ಹಾಡು ಹೇಳ್ಕೊಂಡು ಹೆಲ್ಮೆಟ್ ಕೂಡ ಹಾಕದೇ ಅಡ್ಡಾದಿಡ್ಡಿ ಗಾಡಿ ಓಡಿಸಿರೋ ಡಿಂಚಕ್ ಪೂಜಾಗೆ ಬಂಧನ ಭೀತಿ ಎದುರಾಗಿದೆ.

@dtptraffic @DelhiPolice आपके संदर्भ में ये मोहतरमा बिना हेलमेट स्कूटर चला रही है और ख़ूब शोर करके गाने गा रही है । pic.twitter.com/osz56KsSpM

— Mohit singh (@mohit_news24) June 27, 2017

ಹೆಲ್ಮೆಟ್ ಇಲ್ಲದಿದ್ದರೆ ದಂಡ ಹಾಕಬಹುದಲ್ಲ, ಬಂಧನ ಏಕೆ ಎಂಬ ಪ್ರಶ್ನೆ ಏಳುವುದು ಸಹಜ.

जहग सूरजमल विहार समय दिन के 3 बजके दस मिनेट दिन 24 जून 2017 धन्यवाद

— Mohit singh (@mohit_news24) June 27, 2017

ಡಿಂಚಕ್ ಪೂಜಾ ಈಗ ಸೆಲೆಬ್ರಿಟಿಯಾಗಿದ್ದಾಳೆ. ಆಕೆ ರಿಲೀಸ್ ಮೂಡಿರುವ ಮೂರು ಮ್ಯೂಸಿಕ್ ವಿಡಿಯೋಗಳು ಭರ್ಜರಿ ಬೆಳೆ ತಂದಿವೆ. ಯೂಟ್ಯೂಬ್ ನಲ್ಲಿ ಟ್ರೆಂಡಿಂಗ್ ಲಿಸ್ಟ್ ನಲ್ಲಿ ಸ್ಥಾನ ಪಡೆದಿವೆ. ಸೆಲ್ಫಿ ಹಾಡು 18,402,494 ಬಾರಿ ಯೂಟ್ಯೂಬಿನಲ್ಲಿ ವೀಕ್ಷಣೆ ಪಡೆದಿದೆ.ದಿಲೋಂಕಾ ಶೂಟರ್ ಸ್ಕೂಟರ್ ಈಗಾಗಲೆ 3,942,855 ಬಾರಿ ವೀಕ್ಷಣೆ ಪಡೆದಿದೆ.

ಈ ಪರಿ ಕ್ರೇಜ್ ಹುಟ್ಟು ಹಾಕಿರುವ ಪೂಜಾ ಅವರನ್ನು ಹಿಂಬಾಲಿಸುವ ಆಕೆಯ ಫ್ಯಾನ್ಸ್ ಕೂಡಾ ಟ್ರಾಫಿಕ್ ನಿಯಮ ಉಲ್ಲಂಘನೆ ಮಾಡುವ ನಿರೀಕ್ಷೆಯಿದೆ. ಹೀಗಾಗಿ ಆಕೆಯನ್ನು ಬಂಧಿಸಿ ವಿಚಾರಣೆಗೊಳಪಡಿಸುವ ಸಾಧ್ಯತೆಯಿದೆ.

English summary

Dhinchak Pooja is in trouble for not wearling helmet while driving a scooter. "Dilon ka Scooter' Dhinchak Pooja is seen on a scooter without a helmet and flouting safety rules.