ದೆಹಲಿ ಚುನಾವಣೆ: ಚಾಣಕ್ಯ ವರದಿಯಲ್ಲಿ ಯಾರಿಗೆ ಬಹುಮತ?

ನವದೆಹಲಿ, ಫೆ.6: ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಯಾರು ಯಾರಿಗೆ ಬೆಂಬಲ ಸೂಚಿಸುತ್ತಿದ್ದಾರೆ ಎಂಬುದು ಸದ್ಯದ ಚರ್ಚಾ ವಿಷಯವಾಗಿದೆ.

ಶುಕ್ರವಾರ ಮನೆ ಮನೆ ಪ್ರಚಾರ ಮುಗಿದಿದ್ದು ಶನಿವಾರದ ಮತದಾನಕ್ಕೆ ಮತದಾರರು ಸಿದ್ದವಾಗಿದ್ದಾರೆ. ಈ ನಡುವೆ ಬಹು ನಂಬುಗೆಯ ಸಮೀಕ್ಷಾ ಸಂಸ್ಥೆ ಚಾಣಕ್ಯ ತನ್ನ ವರದಿಯಲ್ಲಿ ಬಿಜೆಪಿಗೆ ಬಹುಮತ ಸಿಗಲಿದೆ ಎಂದು ಘೋಷಿಸಿದೆ. [ನಾಲ್ಕು ಸಮೀಕ್ಷೆಗಳಲ್ಲೂ ಎಎಪಿ ಮುಂದೆ]

ಫೆ.7ರಂದು 70ಕ್ಷೇತ್ರಗಳಿಗೆ ಮತದಾನ ನಡೆಯಲಿದ್ದು, ಫೆ.10ರಂದು ಫಲಿತಾಂಶ ಹೊರಬೀಳಲಿದೆ. ಇಲ್ಲಿ ತನಕ ಪ್ರಕಟವಾಗಿರುವ ಸಮೀಕ್ಷೆಗಳ ಪ್ರಕಾರ ಬಿಜೆಪಿ ಹಾಗೂ ಎಎಪಿ ನಡುವೆ ಸಮಬಲದ ಹೋರಾಟ ಕಂಡು ಬಂದಿದೆ. [ಗುಪ್ತಚರ ಇಲಾಖೆ ಸ್ಫೋಟಕ ವರದಿ]

ಆದರೆ, ಕರಾರುವಾಕ್ ಸಮೀಕ್ಷೆ ನೀಡುವಲ್ಲಿ ಹೆಸರುವಾಸಿಯಾಗಿರುವ ಚಾಣಕ್ಷ ಸಂಸ್ಥೆ ತನ್ನ ವರದಿಯಲ್ಲಿ ಬಿಜೆಪಿ 41 ಸ್ಥಾನ ಗೆದ್ದು ಬಹುಮತ ಸಾಧಿಸಲಿದೆ ಎಂದಿದೆ. ಆಮ್ ಆದ್ಮಿ ಪಕ್ಷಕ್ಕೆ 24 ಹಾಗೂ ಕಾಂಗ್ರೆಸ್ಸಿಗೆ 5 ಸ್ಥಾನ ಸಿಗಲಿದೆಯಂತೆ. [ದೆಹಲಿ ಚುನಾವಣೆ 2015: ಅಂಕಿ ಅಂಶ ಪಕ್ಷಿನೋಟ]

ಸಿಎಂ ಸ್ಥಾನ: ಸಿಎಂ ಸ್ಥಾನಕ್ಕಾಗಿ ನಡೆಸಲಾದ ಎಲ್ಲಾ ಸಮೀಕ್ಷೆಗಳಂತೆ ಅರವಿಂದ್ ಕೇಜ್ರಿವಾಲ್ ಅವರು ಕಿರಣ್ ಬೇಡಿ ಅವರಿಗಿಂತ ಮುಂದಿದ್ದಾರೆ. ಇಲ್ಲಿ ತನಕ ಬಂದಿರುವ ಪ್ರಮುಖ ಸಮೀಕ್ಷಾಗಳ ವಿವರ ಈ ಕೋಷ್ಟಕದಲ್ಲಿದೆ.

	ಇಂಡಿಯಾ ಟಿವಿ- ಸಿ ವೋಟರ್	ದಿ ವೀಕ್- ಐಎಂಬಿಆರ್	ಐಬಿಎನ್ 7- ಡೇಟಾ ಮಿನರಲ್	ಜೀ ತಾಲೀಮ್	ನ್ಯೂಸ್ ನೇಷನ್	ಎಬಿಪಿ-ನೀಲ್ಸನ್	ಎಚ್ ಟಿ- ಸಿ ಫೋರ್	ಆಜ್ ತಕ್ - ಸಿಸೆರೋ
ಬಿಜೆಪಿ	37	36	36	32-36	31-35	29	27-32	19-25
ಎಎಪಿ	28	29	27	30-34	30-34	35	36-41	38-46
ಕಾಂಗ್ರೆಸ್	5	4	7	4	3-5	6	2-7	0-2

English summary

Delhi assembly election 2015 is going to be one of the toughest battles for Prime Minister Narendra Modi and his party -- the Bharatiya Janata Party (BJP).Here are the results of several pre-poll surveys conducted by different news channels and agencies.