2013ರಲ್ಲಿ ಚುನಾವಣೆಗೆ ಅಡ್ಡಿಪಡಿಸಿದ ಶಾಸಕನಿಗೆ 3 ತಿಂಗಳು ಶಿಕ್ಷೆ
ನವದೆಹಲಿ, ಜೂನ್ 25: ದೆಹಲಿಯ 2013ರ ವಿಧಾನಸಭೆ ಚನಾವಣೆ ಸಂದರ್ಭದಲ್ಲಿ ಮತದಾನಕ್ಕೆ ಅಡ್ಡಿಪಡಿಸಿದ ಆರೋಪದ ಮೇಲೆ 2019ರಲ್ಲಿ ಶಾಸಕರೊಬ್ಬರಿಗೆ 3 ತಿಂಗಳು ಜೈಲುಶಿಕ್ಷೆ ವಿಧಿಸಲಾಗಿದೆ.
ಆಮ್ಆದ್ಮಿ ಪಕ್ಷದ ಶಾಸಕ ಮನೋಜ್ ಕುಮಾರ್ಅವರು ಮತದಾನದ ಕೇಂದ್ರದೊಳಗೆ ನುಗ್ಗಿ ಮತದಾನ ಪ್ರಕ್ರಿಯೆಗೆ ಅಡ್ಡಿಯುಂಟು ಮಾಡಿದ್ದರು. ಈ ಘಟನೆ ಕುರಿತಂತೆ ವಿಚಾರಣೆ ನಡೆಸಿದ ಜನಪ್ರತಿನಿಧಿಗಳ ತ್ವರಿತ ನ್ಯಾಯಾಲಯದ ಹೆಚ್ಚುವರಿ ಮುಖ್ಯ ಮೆಟ್ರೋಪಾಲಿಟನ್ಮ್ಯಾಜಿಸ್ಟ್ರೇಟ್ ಸಮರ್ ವಿಶಾಲ್ ಅವರು ಇಂದು ಶಾಸಕ ಮನೋಜ್ ಅವರಿಗೆ 3 ತಿಂಗಳು ಜೈಲುಶಿಕ್ಷೆ ಹಾಗೂ 10 ಸಾವಿರ ರೂ. ದಂಡ ವಿಧಿಸಿದೆ. ಆದರೆ, ಕೋರ್ಟ್ ಆದೇಶವನ್ನು ಪ್ರಶ್ನಿಸಿ, ಮೇಲ್ಮನವಿ ಸಲ್ಲಿಸುವ ಅವಕಾಶ ಇರುತ್ತದೆ.
2013ರ ವಿಧಾನಸಭೆ ಚುನಾವಣೆ ಸಂದರ್ಭದಲ್ಲಿ ದೆಹಲಿಯ ಕಲ್ಯಾಣ್ಪುರಿ ಪ್ರದೇಶದ ಎಂಸಿಡಿ ಮತಗಟ್ಟೆಗೆ ಮುಂದೆ ಮನೋಜ್ ಕುಮಾರ್ ಅವರು 50ಕ್ಕೂ ಅಧಿಕ ಮಂದಿ ಬೆಂಬಲಿಗರೊಂದಿಗೆ ಪ್ರತಿಭಟನೆ ನಡೆಸಿದ್ದರು. ಅಲ್ಲದೆ, ಮತದಾನ ಪ್ರಕ್ರಿಯೆಗೆ ಅಡ್ದಿಪಡಿಸಿ, ಮತಕೇಂದ್ರದೊಳಗೆ ನುಗ್ಗಲು ಯತ್ನಿಸಿದ್ದರು.
ಎಎಪಿ ಅಭ್ಯರ್ಥಿಯಾಗಿದ್ದರೂ ಪ್ರತಿಭಟನೆ ನಡೆಸಿ, ಮತದಾನಕ್ಕೆ ಅಡ್ಡಿಪಡಿಸಿದ ಹಿನ್ನೆಲೆಯಲ್ಲಿ ಎಂಸಿಡಿ ಶಾಲೆ ಮತಗಟ್ಟೆ ಅಧಿಕಾರಿಗಳು, ಮನೋಜ್ ಕುಮಾರ್ ವಿರುದ್ಧ ದೂರು ದಾಖಲಿಸಿದ್ದರು.
ಭಾರತೀಯ ದಂಡ ಸಂಹಿತೆ 186ರ ಪ್ರಕಾರ ಸರ್ಕಾರಿ ಅಧಿಕಾರಿಯ ಕರ್ತವ್ಯಕ್ಕೆ ಅಡ್ಡಿಪಡಿಸಿದ, ಜನಪ್ರತಿನಿಧಿಗಳ ಕಾಯ್ದೆಯ ವಿಧಿ 131ರ ಪ್ರಕಾರ ಮತಗಟ್ಟೆಯ ಬಳಿ ಅನುಚಿತವಾಗಿ ವರ್ತಿಸಿದ ಆರೋಪದಲ್ಲಿ ಮನೋಜ್ ಕುಮಾರ್ಅವರನ್ನು ದೋಷಿ ಎಂದು ಜೂನ್ 11ರಂದು ಘೋಷಿಸಲಾಗಿತ್ತು, ಜೂನ್ 25ರಂದು ಶಿಕ್ಷೆ ಪ್ರಮಾಣ ಪ್ರಕಟಿಸಲಾಗಿದೆ.
ಐಪಿಸಿ ಸೆಕ್ಷನ್ 186, ಜನಪ್ರತಿನಿಧಿಗಳ ಕಾಯ್ದೆಯ ವಿಧಿ 131ರ ಉಲ್ಲಂಘನೆ ಆರೋಪ ಹೊತ್ತುಕೊಂಡಿರುವ ಕೊಂಡ್ಲಿ ವಿಧಾನಸಭಾ ಕ್ಷೇತ್ರದ ಶಾಸಕರಾಗಿರುವ ಮನೋಜ್ ಕುಮಾರ್ಅವರಿಗೆ ಸದ್ಯ ಜನಪ್ರತಿನಿಧಿಗಳ ತ್ವರಿತ ನ್ಯಾಯಾಲಯ ಜಾಮೀನು ಸಿಕ್ಕಿದೆ.
Click it and Unblock the Notifications
Sign in with Google