ಕಪ್ಪುಹಣ: 18 ಖಾತೆದಾರರಷ್ಟೇ ತಪ್ಪಿತಸ್ಥರು

ನವದೆಹಲಿ, ಏ.29-ಸುಪ್ರೀಂಕೋರ್ಟ್ ಸೂಚನೆಯ ಮೇರೆಗೆ ಕಪ್ಪು ಹಣ ವಿಷಯದಲ್ಲಿ ಒಂದಷ್ಟು ಖಡಕ್ ಕಾರ್ಯಚರಣೆ ನಡೆಸಿರುವ ಕೇಂದ್ರ ಯುಪಿಎ ಸರಕಾರ ಒಟ್ಟು 26 ಖಾತೆದಾರರ ಹೆಸರುಗಳನ್ನು ಒದಗಿಸಿದೆ. ಆದರೆ ಅವರ ಪೈಕಿ 8 ಮಂದಿ ಮುಗ್ಧರಾಗಿದ್ದು, ಅವರ ಬಳಿ ಕಪ್ಪು ಹಣ ಇರುವುದರ ಬಗ್ಗೆ ಯಾವುದೇ ಮಾಹಿತಿ ಇಲ್ಲ ಎಂದು ಕೋರ್ಟಿಗೆ ಸಲ್ಲಿಸಿರುವ ಮುಚ್ಚಿದ ಲಕೋಟೆಯಲ್ಲಿ ತಿಳಿಸಿದೆ.

ಉಳಿದಂತೆ 18 ಖಾತೆದಾರರ ಬಗ್ಗೆ ಕಾನೂನುಕ್ರಮ ಕೈಗೊಳ್ಳಬಹುದು. 18 ಜನರ ವಿರುದ್ಧ ಸರಕಾರ ಈಗಾಗಲೇ ತನಿಖೆ ಮುಗಿಸಿದ್ದು, ವಿಚಾರಣೆ ಆರಂಭಿಸಲಾಗಿದೆ ಎಂದೂ ಕೇಂದ್ರ ಸರಕಾರ ಮಂಗಳವಾರ ಹೇಳಿದೆ. ಜರ್ಮನ್ ಬ್ಯಾಂಕ್ ಅಧಿಕಾರಿಗಳು ನೀಡಿರುವ ಮಾಹಿತಿಯನ್ನು ಆಧರಸಿ, ಈ ವರದಿ ಸಿದ್ಧಪಡಿಸಲಾಗಿದೆ ಎಂದೂ ಕೇಂದ್ರ ತಿಳಿಸಿದೆ.

ಆದರೆ ತಪ್ಪಿತಸ್ಥರನ್ನು ವಿಚಾರಣೆಗೊಳಪಡಿಸುವ ಸಲುವಾಗಿ ವಿಶೇಷ ತನಿಖಾ ತಂಡ (SIT) ಸ್ಥಾಪಿಸಲು ಕೇಂದ್ರ ನಿರಾಕರಿಸಿದೆ. ಮೂರು ವರ್ಷದ ಹಿಂದೆಯೇ ಸುಪ್ರೀಂಕೋರ್ಟ್ ತತ್ಸಂಬಂಧ ಕೇಂದ್ರಕ್ಕೆ ಸ್ಪಷ್ಟ ಆದೇಶ ನೀಡಿತ್ತು.

ಮುಂದಿನ ವಿಚಾರಣೆ ಗುರುವಾರ 4 ಗಂಟೆಗೆ ನಡೆಯಲಿದೆ. (ಪಿಟಿಐ)

English summary

The Union Government of India on Tuesday submitted names of 26 people in two sealed covers to the Supreme Court. The names were procured from German authorities and the Centre said that there was no proof of wrongdoing against 8 of them. The Centre told the court that investigations had been concluded against the rest 18 and prosecution initiated against them.