ಕರ್ನಾಟಕ ಚುನಾವಣೆ: ಮಾಳವೀಯ ಟ್ವೀಟ್ ವಿವಾದಕ್ಕೆ ಬಿಜೆಪಿ ಸ್ಪಷ್ಟೀಕರಣ

ನವದೆಹಲಿ, ಮಾರ್ಚ್ 27: ಬಿಜೆಪಿ ಐಟಿ ಸೆಲ್ ಮುಖ್ಯಸ್ಥ ಅಮಿತ್ ಮಾಳವೀಯ ಅವರು ಚುನಾವಣಾ ಆಯೋಗಕ್ಕೂ ಮೊದಲೇ ಕರ್ನಾಟಕ ವಿಧಾನಸಭಾ ಚುನಾವಣೆಯ ದಿನಾಂಕ ಘೋಷಿಸಿದ್ದರು ಎಂಬ ವಿವಾದಕ್ಕೆ ಸಂಬಂಧಿಸಿದಂತೆ ಬಿಜೆಪಿ ಸ್ಪಷ್ಟೀಕರಣ ನೀಡದಿದೆ.

"ಅಮಿತ್ ಮಾಳವೀಯ ಅವರ ಟ್ವೀಟ್ ಟಿವಿ ಚಾನೆಲ್ ವೊಂದರ ಸುದ್ದಿಯನ್ನು ಆಧಾರವಾಗಿಟ್ಟುಕೊಂಡು ಮಾಡಿದ್ದು. ಇದರಲ್ಲಿ ಚುನಾವಣಾ ಆಯೋಗದ ಘನತೆಯನ್ನು ಕಳೆಯುವಂಥದ್ದೂ ಏನೂ ಇಲ್ಲ. ಕರ್ನಾಟಕದ ಮುಖಂಡರೊಬ್ಬರೂ ಇದೇ ಸಮಯದಲ್ಲಿ ಚುನಾವಣಾ ದಿನಾಂಕವನ್ನು ಟ್ವೀಟ್ ಮಾಡಿದ್ದರು. ಹಾಗೆಂದು ನಾವು ಮಾಳವೀಯ ಅವರು ಮಾಡಿದ್ದು ಸರಿ ಎಂದು ಸಮರ್ಥಿಸಿಕೊಳ್ಳುತ್ತಿಲ್ಲ" ಎಂದ ಬಿಜೆಪಿ ಮುಖಂಡ ಮುಕ್ತಾರ್ ಅಬ್ಬಾಸ್ ನಖ್ವಿ ಹೇಳಿದ್ದಾರೆ.

Amit Malviya's tweet was based on a TV channel's source. It had no intention to undermine the stature of EC. A Karnataka Congress leader had also tweeted the same thing. We agree that he (Malviya) shouldn't have tweeted it: Mukhtar Abbas Naqvi, BJP after meeting with EC officials pic.twitter.com/McqxhsUZCT

— ANI (@ANI) March 27, 2018

ಇಂದು(ಮಾ.27) ಚುನಾವಣಾ ಆಯೋಗ ಕರ್ನಾಟಕ ವಿಧಾನಸಭೆ ಚುನಾವಣೆಯ ದಿನಾಂಕಗಳನ್ನು ಘೋಷಣೆ ಮಾಡಿತ್ತು. ಆದರೆ ಆಯೋಗ ದಿನಾಂಕ ಘೋಷಿಸುವ ಕೆಲವು ಸಮಯ ಮೊದಲೇ ಚುನಾವಣೆಯ ನಿಖರ ದಿನಾಂಕ(ಮೇ 12)ವನ್ನು ಅಮಿತ್ ಮಾಳವೀಯ ಟ್ವೀಟ್ ಮಾಡಿದ್ದರು. ಆದರೆ ಫಲಿತಾಂಶದ ದಿನವನ್ನು ಮೇ 15 ರ ಬದಲಾಗಿ ಮೇ 18 ಎಂದು ತಪ್ಪಾಗಿ ಟ್ವೀಟ್ ಮಾಡಿದ್ದರು.

ಚುನಾವಣಾ ಆಯೋಗ ಯಾವ ಪಕ್ಷ, ಸರ್ಕಾರದ ಭಾಗವೂ ಆಗಿರದ ಒಂದು ಸ್ವತಂತ್ರ ಸಂಸ್ಥೆ. ಆದರೆ ಚುನಾವಣಾ ಆಯೋಗ ಇಂಥ ದಿನವೇ ದಿನಾಂಕ ಘೋಷಿಸುತ್ತದೆ ಎಂದು ಬಿಜೆಪಿ ಐಟಿ ಸೆಲ್ ಮುಖ್ಯಸ್ಥರಿಗೆ ಮೊದಲೇ ಗೊತ್ತಿದ್ದುದು ಹೇಗೆ ಎಂದು ಟ್ವಿಟ್ಟರ್ ನಲ್ಲಿ ಸಾಕಷ್ಟು ವಾದ ವಿವಾದಗಳು ಎದ್ದಿದ್ದವು.

English summary

BJP gives clarification on Amit Malviya tweet on Karnataka assembly elections 2018 dates. "Amit Malviya's tweet was based on a TV channel's source. It had no intention to undermine the stature of EC. A Karnataka Congress leader had also tweeted the same thing. We agree that he (Malviya) shouldn't have tweeted it" says Mukhtar Abbas Naqvi, BJP after meeting with EC officials