ಸೇಡಿನ ಹುಚ್ಚು: ಅಂಬೆಗಾಲಿಡುವ ಮಗುವನ್ನು ಕೊಂದ 8 ರ ಹುಡುಗ
ನವದೆಹಲಿ, ಏಪ್ರಿಲ್ 30: ತನ್ನ ತಮ್ಮನಿಗೆ ಹೊಡೆದ ಹುಡುಗಿಯ ವಿರುದ್ಧ ಸೇಡು ತೀರಿಸಿಕೊಳ್ಳುವ ಸಲುವಾಗಿ ಆಕೆಯ ತಂಗಿಯನ್ನೇ ಎಂಟು ವರ್ಷ ವಯಸ್ಸಿನ ಹುಡೂಗನೊಬ್ಬ ಕೊಂದ ಘಟನೆ ರಾಜಧಾನಿ ದೆಹಲಿಯಲ್ಲಿ ನಡೆದಿದೆ.
ಆಟವಾಡುತ್ತಿದ್ದ ಸಮಯದಲ್ಲಿ ಬಾಲಕಿಯೊಬ್ಬಳು ತನಗಿಂತ ಕಿರಿಯ ವಯಸ್ಸಿನ ಮಗುವಿಗೆ ಹೊಡೆದಿದ್ದಳು. ಇದರಿಂದ ಕೋಪಗೊಂಡ ಆ ಮಗುವಿನ ಎಂಟು ವರ್ಷದ ಅಣ್ಣ ಬಾಲಕಿಯ ಮನೆಗೆ ತೆರಳಿ, ಅಲ್ಲಿ ಆಟವಾಡುತ್ತಿದ್ದ ಆಕೆಯ ಒಂದು ವರ್ಷ ವಯಸ್ಸಿನ ಪುಟ್ಟ ತಂಗಿಯನ್ನು ಅಪಹರಿಸಿದ್ದಾನೆ.
ಮಗು ನಾಪತ್ತೆಯಾಗಿರುವ ಕುರಿತು ತಂದೆ-ತಾಯಿ ನೀಡಿದ ದೂರಿನನ್ವಯ ತನಿಖೆ ನಡೆಸಿದ ಪೊಲೀಸರಿಗೆ, ಚರಂಡಿಯಲ್ಲಿ ಮಗುವಿನ ಶವ ಸಿಕ್ಕಿದೆ. ಅದೇ ಸಮಯದಲ್ಲಿ ಪಕ್ಕದ ಮನೆಯ ಬಾಲಕನೂ ನಾಪತ್ತೆಯಾಗಿದ್ದರಿಂದ ಅನುಮಾನಗೊಂಡ ಪೊಲೀಸರು ಆತನನ್ನು ಪತ್ತೆಹಚ್ಚಿ, ವಿಚಾರಣೆ ನಡೆಸಿದಾಗ ಆ ಮಗುವನ್ನು ತಾನೇ ಕೊಂದಿದ್ದಾಗಿ ಆತ ಒಪ್ಪಿಕೊಂಡಿದ್ದಾನೆ.
Click it and Unblock the Notifications
Sign in with Google