ಫ್ರಾನ್ಸ್ನಿಂದ ಭಾರತದತ್ತ ಪ್ರಯಾಣಿಸಿದ ರಫೇಲ್ ಯುದ್ಧ ವಿಮಾನಗಳು: ಸೇನೆಗೆ ಮತ್ತಷ್ಟು ಬಲ
ನವದೆಹಲಿ, ಜನವರಿ 27: ವಿಶ್ವದ ಅತ್ಯಂತ ಶಕ್ತಿಶಾಲಿ ಯುದ್ಧ ವಿಮಾನಗಳಲ್ಲಿ ಒಂದಾದ ರಫೇಲ್ ಯುದ್ಧ ವಿಮಾನಗಳು ಬುಧವಾರ ಫ್ರಾನ್ಸ್ನಿಂದ ಭಾರತದ ಕಡೆಗೆ ಹಾರಿವೆ. ಈ ಬಾರಿ ಮೂರು ರಫೇಲ್ ಯುದ್ಧ ವಿಮಾನಗಳು ಭಾರತದತ್ತ ಹೊರಟಿವೆ ಎಂದು ಫ್ರಾನ್ಸ್ನಲ್ಲಿರುವ ಭಾರತೀಯ ರಾಯಭಾರಿ ಕಚೇರಿ ತಿಳಿಸಿದೆ.
ಫ್ರಾನ್ಸ್ನಿಂದ ಹೊರಟಿರುವ ಯುದ್ಧ ವಿಮಾನಗಳು ಎಲ್ಲೂ ಇಳಿಯದೇ ಸತತ ಪ್ರಯಾಣ ಬೆಳಸಲಿದ್ದು, ಯುಎಇ ಎಂಆರ್ಟಿಟಿಯಿಂದ ಮಧ್ಯ-ವಾಯು ಇಂಧನ ತುಂಬಿಸಿಕೊಳ್ಳಲಿದ್ದು, ಭಾರತಕ್ಕೆ ತಡೆರಹಿತ ಹಾರಾಟ ನಡೆಸಲಿದೆ.
ಈಗಾಗಲೇ ಎಂಟು ರಫೇಲ್ ಯುದ್ಧ ವಿಮಾನಗಳು ಭಾರತಕ್ಕೆ ಆಗಮಿಸಿದ್ದು, ತಿಂಗಳ ಅಂತ್ಯದಲ್ಲಿ ಮೂರು ಯುದ್ಧ ವಿಮಾನಗಳು ಭಾರತಕ್ಕೆ ಬರಲಿದೆ ಎಂದು ಈ ಹಿಂದೆ ಭಾರತೀಯ ವಾಯುಪಡೆ ಮುಖ್ಯಸ್ಥ ರಾಕೇಶ್ ಕುಮಾರ್ ಸಿಂಗ್ ಭದೌರಿಯಾ ಹೇಳಿದ್ದರು.
ಭಾರತವು ಸೆಪ್ಟೆಂಬರ್ 2016 ರಲ್ಲಿ ಫ್ರಾನ್ಸ್ನೊಂದಿಗೆ 36 ರಫೇಲ್ ಫೈಟರ್ ಜೆಟ್ಗಳಿಗೆ ಸಹಿ ಹಾಕಿತ್ತು. ಈ ಒಪ್ಪಂದದ ಮೌಲ್ಯ ಸುಮಾರು 59,000 ಕೋಟಿಗಳು ಆಗಿದ್ದು, ಒಪ್ಪಂದದ ಪ್ರಕಾರ ಪ್ರತಿ ವರ್ಷ 12 ವಿಮಾನಗಳನ್ನು ಭಾರತಕ್ಕೆ ತಲುಪಿಸಬೇಕಿದೆ. ಇಲ್ಲಿಯವರೆಗೆ ಎಂಟು ವಿಮಾನಗಳು ಭಾರತದ ವಾಯಸೇನೆಯನ್ನು ಸೇರಿಕೊಂಡಿವೆ.
Click it and Unblock the Notifications
Sign in with Google