ಅರಸೀಕೆರೆ ಬಳಿ ರೈಲ್ವೆ ಕಾಮಗಾರಿ: ಯಾವ್ಯಾವ ರೈಲು ಸಂಚಾರ ರದ್ದು

ಮೈಸೂರು, ನವೆಂಬರ್ 27: ಮೈಸೂರು ವಿಭಾಗದ ಅರಸೀಕೆರೆ ವ್ಯಾಪ್ತಿಯಲ್ಲಿ ರೈಲ್ವೆ ಹಳಿ ಕಾಮಗಾರಿ ನಡೆಯುತ್ತಿರುವ ಹಿನ್ನೆಲೆಯಲ್ಲಿ ಹಲವು ರೈಲುಗಳ ಸಂಚಾರ ರದ್ದಾಗಿದೆ.

ನವೆಂಬರ್ 27ರ ಹುಬ್ಬಳ್ಳಿ-ಅರಸೀಕೆರೆ ಪ್ಯಾಸೆಂಜರ್ ರೈಲು, ರ ಅರಸೀಕೆರೆ-ಹುಬ್ಬಳ್ಳಿ ಪ್ಯಾಸೆಂಜರ್ ರೈಲು, 28ರ ಅರಸೀಕೆರೆ-ಮೈಸೂರು ಪ್ಯಾಸೆಂಜರ್ ರೈಲು, 27ರ ಮೈಸೂರು-ಅರಸೀಕೆರೆ ಪ್ಯಾಸೆಂಜರ್ ರೈಲು ಮತ್ತು 28ರ ಅರಸೀಕೆರೆ-ಮೈಸೂರು ಪ್ಯಾಸೆಂಜರ್ ರೈಲುಗಳ ಸಂಚಾರ ರದ್ದಾಗಲಿದೆ.

ಇನ್ನು 27ರ ಕೆಎಸ್‌ಆರ್ ಬೆಂಗಳೂರು-ಅರಸೀಕೆರೆ ಪ್ಯಾಸೆಂಜರ್ ರೈಲು ಅಮ್ಮಸಂದ್ರ- ಅರಸೀಕೆರೆ ಮಧ್ಯೆ, 28ರ ಅರಸೀಕೆರೆ-ಕೆಎಸ್‌ಆರ್ ಬೆಂಗಳೂರು ಪ್ಯಾಸೆಂಜರ್ ರೈಲು-ಅರಸೀಕೆರೆ-ಅಮ್ಮಸಂದ್ರ ಮಧ್ಯೆ ಸಂಚಾರ ರದ್ದಾಗಲಿದೆ.

27ರ ಚಿಕ್ಕಮಗಳೂರು-ಯಶವಂತಪುರ-ಚಿಕ್ಕಮಗಳೂರು ಪ್ಯಾಸೆಂಜರ್ ರೈಲು ಸಂಚಾರ ಕಡೂರು-ಯಶವಂತಪುರ-ಕಡೂರು ಮಧ್ಯೆ, 27ರ ಹುಬ್ಬಳ್ಳಿ-ಮೈಸೂರು-ಹುಬ್ಬಳ್ಳಿ ವಿಶ್ವಮಾನವ ಎಕ್ಸ್‌ಪ್ರೆಸ್ ರೈಲು ತುಮಕೂರು-ಬೀರೂರು-ತುಮಕೂರು ಮಧ್ಯೆ ಭಾಗಶಃ ರೈಲು ಸಂಚಾರ ರದ್ದಾಗುವ ಸಾಧ್ಯತೆ ಇದೆ.

ನವೆಂಬರ್ 28 ರಿಂದ ಡಿಸೆಂಬರ್ 10ರ ತನಕ 13 ದಿನಗಳ ಕಾಲ ಚಿಕ್ಕಜಾಜೂರ-ಚಿತ್ರದುರ್ಗ-ಚಿಕ್ಕಜಾಜೂರ ಪ್ಯಾಸೆಂಜರ್ (56519/56520) ರೈಲಿನ ಸಂಚಾರ ರದ್ದಾಗಲಿದೆ.

English summary

Following track maintenance work in Arasikere section, many trains were canceled or diverted between Hubali- Mysore and Bangalore-Hubli route on November 27 and 28.