ಗ್ಯಾಸ್ಟ್ರಿಕ್ ಗೆ ಮಾತ್ರೆ ತೆಗೆದುಕೊಳ್ತೀರಾ..? ಕಿಡ್ನಿ ವೈಫಲ್ಯವಾದೀತು ಜೋಕೆ!
ಮುಂಬೈ, ನವೆಂಬರ್ 06: ಗ್ಯಾಸ್ಟ್ರಿಕ್ ನಿಯಂತ್ರಣಕ್ಕೆ ಬಳಸುವ ಮಾಗತ್ರೆಗಳ ಮೇಲೆ "ಕಿಡ್ನಿ ವೈಫಲ್ಯವಾದೀತು ಎಚ್ಚರ" ಎಂಬ ಒಕ್ಕಣೆಯನ್ನು ನಮೂದಿಸುವಂತೆ ಭಾರತೀಯ ಡ್ರಗ್ಸ್ ಕಂಟ್ರೋಲರ್ ಜನರಲ್ (DCG) ನಿರ್ದೇಶಿಸಿದೆ. ಈ ಕುರಿತು ಎಲ್ಲಾ ರಾಜ್ಯಗಳ ನಿಯಂತ್ರಕ ಮಂಡಳಿಗಳಿಗೆ ಸೂಚನೆ ನೀಡಲಾಗಿದೆ.
ಗ್ಯಾಸ್ಟ್ರಿಕ್ ಗೆಂದು ಬಳಸುವ ಕೆಲವು ಮಾತ್ರೆಗಳ ಅಡ್ಡ ಪರಿಣಾಮದಿಂದಾಗಿ ಕಿಡ್ನಿ ವೈಫಲ್ಯ ಕಂಡುಬರುತ್ತಿರುವುದನ್ನು ಮನಗಂಡ DCG ಈ ನಿರ್ಧಾರ ತೆಗೆದುಕೊಂಡಿದೆ.
ಈ ಮಾತ್ರೆಗಳನ್ನು ತೆಗದುಕೊಳ್ಳುವಂತೆ ಸಲಹೆ ನೀಡುವ ವೈದ್ಯರು ಸಹ, ಚೀಟಿ ನೀಡುವ ಸಮಯದಲ್ಲೇ ಅದರ ಅಡ್ಡ ಪರಿಣಾಮದ ಬಗ್ಗೆ ತಿಳಿಸಬೇಕು ಎಂದು ಅದು ಹೇಳಿದೆ.
ಗ್ಯಾಸ್ಟ್ರಿಕ್, ಎದೆಯುರಿಗೆಂದು ನೀಡುವ ಕಾಯಿಲೆಯನ್ನು ನಿರಂತರವಾಗಿ ಸೇವಿಸುವುದರಿಂದ ಕಿಡ್ನಿ ವೈಫಲ್ಯ, ಮೂತ್ರಕೋಶಕ್ಕೆ ಸಂಬಮಧಿಸಿದ ಸಮಸ್ಯೆ ಮತ್ತು ಗ್ಯಾಸ್ಟ್ರಿಕ್ ಕ್ಯಾನ್ಸರ್ ನಂಥ ಅಪಾಯಕಾರಿ ಸಮಸ್ಯೆ ಉಂಟಾಗಬಹುದು ಎಂದು ಇತ್ತೀಚಿನ ಕೆಲವು ವೈದ್ಯಕೀಯ ನಿಯತಕಾಲಿಕಗಳಲ್ಲಿ ಸಂಶೋಧನಾ ಬರಹಗಳು ಬಂದಿವೆ. ಇವೆಲ್ಲವನ್ನೂ ಪರಿಗಣಿಸಿ, ಮಾತ್ರೆಯ ಹೊರಕವಚದ ಮೇಲೆಯೇ "ಕಿಡ್ನಿ ವೈಫಲ್ಯವಾಗಬಹುದು ಎಚ್ಚರ" ಎಂಬ ಎಚ್ಚರಿಕೆಯ ಸಂದೇಶವನ್ನು ಮುದ್ರಿಸಲು ನಿರ್ದೇಶನ ನೀಡಲಾಗಿದೆ.
ಹಾಗಾದರೆ ಗ್ಯಾಸ್ಟ್ರಿಕ್ ಗೆಂದು ಬಳಸುವ ಜೆಲ್ಯುಸಿಲ್, ಡಿಜೀನ್ ಮುಂತಾದ ಮಾತ್ರಗಳ ಮೇಲೂ ಈ ನಿಯಮ ಪರಿಣಾಮ ಬೀರಬಹುದು.
Click it and Unblock the Notifications
Sign in with Google