ಮೈಸೂರು ದಸರಾ 2023: ಅರಮನೆ ನಗರಿಯತ್ತ ಸೆ.1ರಿಂದ ಗಜಪಡೆ ಪಯಣ, ಸಕಲ ಸಿದ್ಧತೆ

Updated: Tuesday, August 22, 2023, 16:53 [IST]

ಬೆಂಗಳೂರು, ಆಗಸ್ಟ್ 22: ವಿಶ್ವ ವಿಖ್ಯಾತ ಮೈಸೂರು ದಸರಾಗೆ ಒಂದೂವರೆ ತಿಂಗಳಿಗೂ ಅಧಿಕ ಕಾಲ ಬಾಕಿ ಇದೆ. ಈ ಉತ್ಸವದಲ್ಲಿ ಮೆರಗು ನೀಡುವ ಆನೆಗಳು ಸೆಪ್ಟಂಬರ್ 1ರಿಂದ ಮೈಸೂರಿನತ್ತ ಪಯಣ ಆರಂಭಿಸಲಿವೆ. ಈಗಾಗಲೇ ಆನೆಗಳು, ಮಾವುತರಿಗೆ ತಂಗಲು ಶೆಡ್, ಶಿಬಿರಗಳ ನಿರ್ಮಾಣ ಕಾರ್ಯ ನಡೆಯುತ್ತಿದೆ.

ದಸರಾ ಆನೆಗಳು ಮೈಸೂರಿಗೆ ಆಗಮಿಸುವ ಮುನ್ನವೇ ಶಿಬಿರ ನಿರ್ಮಾಣದ ಕೆಲಸಗಳು ಆರಂಭಿಸಲಾಗಿದೆ. ಕೊನೆ ಕ್ಷಣದಲ್ಲಿ ತೊಂದರೆ ಆಗದಂತೆ ಎಚ್ಚರಿಕೆ ವಹಿಸಿದ್ದು, ಕೆಲವು ದಿನಗಳ ಮೊದಲೇ ಶೆಡ್ ನಿರ್ಮಿಸಲಾಗುತ್ತಿದೆ. ಮೈಸೂರು ಅರಮನೆಯಲ್ಲಿ ಜಂಬೂ ಸವಾರಿ ನಡೆಯಲಿದ್ದು, ಒಟ್ಟಾರೆ ಎರಡು ತಿಂಗಳ ಕಾಲ ಅರಮನೆ ನಗರಿಯಲ್ಲಿಯೇ ಬಿಡಾರ ಹೂಡಲಿವೆ.

ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನ ಸಮೀಪದ ವೀರನಹೊಸಹಳ್ಳಿ ಅರಣ್ಯದಲ್ಲಿ ಸೆ.1ರಂದು ಆನೆಗಳ ಗಜಪಯಣ ನಡೆಯಲಿದೆ. ಅರಣ್ಯ ಪ್ರದೇಶದಲ್ಲಿನ ಆಯಾ ಶಿಬಿರಗಳಿಂದ ಆಗಮಿಸುವ ಆನೆಗಳ ಸಾಂಪ್ರದಾಯಿಕ ಸ್ವಾಗತದ ನಂತರ, ಅವುಗಳನ್ನು ಪ್ರತ್ಯೇಕ ಟ್ರಕ್‌ಗಳಲ್ಲಿ ಮೈಸೂರಿಗೆ ಕರೆತರಲಾಗುತ್ತದೆ.

ಮೈಸೂರಿಗೆ ಬರುತ್ತಿದ್ದಂತೆ ಅವುಗಳನ್ನು ಅರಣ್ಯ ಭವನದಲ್ಲಿ ತಾತ್ಕಾಲಿಕವಾಗಿ ಇರಿಸಲಾಗುವುದು. ನಂತರ ಜಂಬೂ ಸವಾರಿಯ ತರಬೇತಿ ಪ್ರಾರಂಭವಾಗುವ ಮುನ್ನ ಅರಮನೆಯಲ್ಲಿ ಔಪಚಾರಿಕವಾಗಿ ಆನೆಗಳ ಸ್ವಾಗತ ಕಾರ್ಯ ನಡೆಯಲಿದೆ.

ಆನೆಗಳ ವಸತಿಗಾಗಿ ಶೆಡ್‌ಗಳ ನಿರ್ಮಾಣ ಕಾರ್ಯ

ಅರಮನೆಗೆ ಬರುವ ಆನೆಗಳ ವಸತಿಗಾಗಿ ಎಂಪರರಿ ಶೆಡ್‌ಗಳು ತಲೆಎತ್ತಲಿವೆ. ಜಂಬೋಸ್‌ನ ಜೊತೆಯಲ್ಲಿ ಬರುವ ಮಾವುತರು, ಕಾವಾಡಿಗಳು ಮತ್ತು ಅವರ ಕುಟುಂಬ ಸದಸ್ಯರಿಗೂ ವಸತಿಗಾಗಿ ಟೆಂಟ್‌ಗಳನ್ನು ನಿರ್ಮಿಸಲಾಗುತ್ತಿದೆ. ಕೊನೆಯ ಕ್ಷಣದ ಸಿದ್ಧತೆಗಳನ್ನು ತಪ್ಪಿಸಲು ಸಾಕಷ್ಟು ಮುಂಚಿತವಾಗಿಯೇ ಕಾಮಗಾರಿಗೆ ಚಾಲನೆ ನೀಡಲಾಗಿದೆ.

ಚಿನ್ನದ ಅಂಬಾರಿ ಹೊತ್ತ ಅಭಿಮನ್ಯು ನೇತೃತ್ವದ 09 ಗಜಪಡೆಯ ಗುಂಪು ಮೈಸೂರಿಗೆ ಆಗಮಿಸಲಿದೆ. ತದನಂತರ 05 ಜಂಬೋಗಳ ಎರಡನೇ ತಂಡ ಆಗಮಿಸಲಿದೆ. 2022ರಲ್ಲಿ ದಸರಾದಲ್ಲಿ ಪಾಲ್ಗೊಂಡಿದ್ದ ಸುಮಾರು ಎಂಟು ಆನೆಗಳು ಈ ಬಾರಿಯು ಪಾಲ್ಗೊಳ್ಳಲಿವೆ.

ಹಳೆಯ ಆನೆಗಳ ಜೊತೆಗೆ ಮೂರು ಹೊಸ ಆನೆಗಳು ತಂಡಕ್ಕೆ ಸೇರ್ಪಡೆಗೊಳ್ಳುವ ನಿರೀಕ್ಷೆ ಇದೆ. ಈ ವರ್ಷ ದಸರಾ ಜಂಬೂಸವಾರಿಗೆ ಬರುವ ಹೆಣ್ಣು ಆನೆಗಳು ಉತ್ಸವಕ್ಕೆ ನಿರೀಕ್ಷಿತ ಆನೆಗಳನ್ನು ತರುವುದನ್ನು ತಪ್ಪಿಸಲು ಗರ್ಭಧಾರಣೆಯ ಪರೀಕ್ಷೆಯನ್ನು ಮಾಡಲಾಗಿದೆ ಎಂದು ಮೂಲಗಳು ತಿಳಿಸಿವೆ.