KCET 2026 ನೋಂದಣಿ ಅಪ್ಡೇಟ್ಸ್‌: ಇಲ್ಲಿದೆ ಅರ್ಜಿ ಪ್ರಕ್ರಿಯೆ, ಅರ್ಹತೆ, ಪರೀಕ್ಷಾ ದಿನಾಂಕ ಮತ್ತು ಸಂಪೂರ್ಣ ವೇಳಾಪಟ್ಟಿ

KCET 2026: ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ (KEA)ವು KCET 2026 ನೋಂದಣಿ ಪ್ರಕ್ರಿಯೆಯನ್ನು ಶುಕ್ರವಾರ (ಜನವರಿ 16, 2026)ರಿಂದ ಆರಂಭಿಸಿದೆ. ಎಂಜಿನಿಯರಿಂಗ್, ಫಾರ್ಮಸಿ, ಕೃಷಿ ಹಾಗೂ ಪಶುವೈದ್ಯಕೀಯ ವಿಜ್ಞಾನ ಸೇರಿದಂತೆ ವಿವಿಧ ಪದವಿ ಪೂರ್ವ (UG) ಕೋರ್ಸ್‌ಗಳಿಗೆ ಪ್ರವೇಶ ಪಡೆಯಲು ಬಯಸುವ ಅಭ್ಯರ್ಥಿಗಳು cetonline.karnataka.gov.in/kea ವೆಬ್‌ಸೈಟ್ ಮೂಲಕ ಅರ್ಜಿ ಸಲ್ಲಿಸಬಹುದು.

ಕೆಸಿಇಟಿ 2026 ಪರೀಕ್ಷೆಯ ನೋಂದಣಿ ಲಿಂಕ್ ಈಗ ಸಕ್ರಿಯವಾಗಿದೆ. ಕೆಇಎ ನಿಗದಿಪಡಿಸಿದ ಅರ್ಹತಾ ಮಾನದಂಡಗಳನ್ನು ಪಾಲಿಸುವ ಅಭ್ಯರ್ಥಿಗಳು ಮಾರ್ಚ್ 15, 2026ರ ವರೆಗೆ ಅರ್ಜಿ ಸಲ್ಲಿಸಬಹುದು. ಕೆಸಿಇಟಿ 2026 ಪರೀಕ್ಷಾ ದಿನಾಂಕಗಳನ್ನು ಈಗಾಗಲೇ ಪ್ರಕಸಿಲಾಗಿದೆ. ಅದರಂತೆಯೇ ಪ್ರವೇಶ ಪರೀಕ್ಷೆಯನ್ನು ಮೇ 25 ಮತ್ತು 26, 2026ರಂದು ನಡೆಸಲಾಗುತ್ತದೆ.

ಅರ್ಜಿ ಸಲ್ಲಿಸಲು ಅರ್ಹತೆಗಳ ವಿವರ: ಯುಜಿಸಿಇಟಿ 2026 ಅರ್ಜಿ ನಮೂನೆಯನ್ನು ಭರ್ತಿ ಮಾಡಲು, ವಿದ್ಯಾರ್ಥಿಗಳು ಭೌತಶಾಸ್ತ್ರ ಮತ್ತು ಗಣಿತ ವಿಷಯಗಳು ಕಡ್ಡಾಯವಾಗಿವೆ. ದ್ವಿತೀಯ ಪಿಯುಸಿ/12ನೇ ತರಗತಿ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿರಬೇಕು. ಕನಿಷ್ಠ 45% (ಮೀಸಲಾತಿ ವರ್ಗಗಳಿಗೆ 40%) ಅಂಕಗಳನ್ನು ಪಡೆದಿರಬೇಕು.

ನೋಂದಣಿಗೆ ಗಮನದಲ್ಲಿಡಬೇಕಾದ ಪ್ರಮುಖ ಅಂಶಗಳು

* KCET 2026 ಅರ್ಜಿಯನ್ನು cetonline.karnataka.gov.in/kea ಅಧಿಕೃತ ವೆಬ್‌ಸೈಟ್ ಮೂಲಕವೇ ಸಲ್ಲಿಸಬೇಕು.
* ವಯಸ್ಸು, ವಿದ್ಯಾರ್ಹತೆ, ವಿಷಯಗಳು ಹಾಗೂ ಕರ್ನಾಟಕ ನಿವಾಸ ಪ್ರಮಾಣಪತ್ರ ಸೇರಿದಂತೆ KEA ನಿಗದಿಪಡಿಸಿದ ಎಲ್ಲಾ ಅರ್ಹತಾ ಷರತ್ತುಗಳನ್ನು ಮುಂಚಿತವಾಗಿ ಪರಿಶೀಲಿಸಿ.
* ಅಭ್ಯರ್ಥಿಯ ಹೆಸರು, ಜನ್ಮ ದಿನಾಂಕ, ಪೋಷಕರ ಹೆಸರು ಇತ್ಯಾದಿಗಳನ್ನು ಎಸ್‌ಎಸ್‌ಎಲ್‌ಸಿ/ಪಿಯುಸಿ ದಾಖಲಾತಿಗಳ ಪ್ರಕಾರವೇ ಭರ್ತಿ ಮಾಡಿ. ತಪ್ಪು ಮಾಹಿತಿ ನೀಡಿದರೆ, ಅರ್ಜಿ ತಿರಸ್ಕೃತವಾಗುವ ಸಾಧ್ಯತೆ ಇದೆ.
* ಫೋಟೋ, ಸಹಿ ಹಾಗೂ ಅಗತ್ಯ ಪ್ರಮಾಣಪತ್ರಗಳನ್ನು ನಿಗದಿತ ಗಾತ್ರ ಮತ್ತು ಫಾರ್ಮೇಟ್‌ನಲ್ಲಿ ಅಪ್‌ಲೋಡ್ ಮಾಡಿ.
* ನೀವು ಪ್ರವೇಶ ಪಡೆಯಲು ಬಯಸುವ ಕೋರ್ಸ್‌ಗಳು (ಎಂಜಿನಿಯರಿಂಗ್, ಫಾರ್ಮಸಿ, ಕೃಷಿ, ಪಶುವೈದ್ಯಕೀಯ) ಹಾಗೂ ಪರೀಕ್ಷಾ ವಿಷಯಗಳನ್ನು ಎಚ್ಚರಿಕೆಯಿಂದ ಆಯ್ಕೆ ಮಾಡಿ.
* ಅರ್ಜಿ ಶುಲ್ಕವನ್ನು ಆನ್‌ಲೈನ್/ಆಫ್‌ಲೈನ್ ವಿಧಾನದಲ್ಲಿ ನಿಗದಿತ ಅವಧಿಯೊಳಗೆ ಪಾವತಿಸಿ. ಪಾವತಿ ದೃಢೀಕರಣವನ್ನು ಖಚಿತಪಡಿಸಿಕೊಳ್ಳಿ.
* ಫಾರ್ಮ್ ಸಲ್ಲಿಸುವ ಮೊದಲು ಎಲ್ಲಾ ವಿವರಗಳನ್ನು ಮತ್ತೊಮ್ಮೆ ಪರಿಶೀಲಿಸಿ. ಫೈನಲ್ ಸಬ್ಮಿಷನ್ ಬಳಿಕ ತಿದ್ದುಪಡಿ ಮಾಡಲು ಅವಕಾಶ ಕಡಿಮೆ ಇರಬಹುದು.
* ಅರ್ಜಿ ಸಲ್ಲಿಸಿದ ನಂತರ ಅಪ್ಲಿಕೇಶನ್ ಸಂಖ್ಯೆ ಮತ್ತು ದೃಢೀಕರಣ ಪುಟದ ಪ್ರಿಂಟ್‌ಔಟ್/ಪಿಡಿಎಫ್ ಅನ್ನು ಡೌನ್‌ಲೋಡ್‌ ಮಾಡಿಟ್ಟುಕೊಳ್ಳಿ.
* ಪರೀಕ್ಷಾ ದಿನಾಂಕ, ಅಡ್ಮಿಟ್ ಕಾರ್ಡ್, ದಾಖಲೆ ಪರಿಶೀಲನೆ ಮತ್ತು ಕೌನ್ಸೆಲಿಂಗ್ ಕುರಿತು ಕೆಇಎ ನೀಡುವ ಅಧಿಕೃತ ಸೂಚನೆಗಳನ್ನು ನಿಯಮಿತವಾಗಿ ಪರಿಶೀಲಿಸಿ.

ಅರ್ಜಿಸಲ್ಲಿಕೆ ಹಾಗೂ ಮಾಹಿತಿ ಪರಿಶೀಲನೆಗಾಗಿ cetonline.karnataka.gov.in ಅಧಿಕೃತ ವೆಬ್‌ಸೈಟ್‌ ಬಳಸಬೇಕು. ಯು.ಆರ್‌.ಎಲ್‌ ಅನ್ನು ಸರಿಯಾಗಿ ಪರಿಶೀಲಿಸಿದ ಬಳಿಕವೇ ವಿವರಗಳನ್ನು ನಮೂದಿಸಿ. ಈ ಸಮಯದಲ್ಲಿ ಸೈಬರ್ ವಂಚನೆ ಮಾಡುವ ಉದ್ದೇಶದಿಂದ ಅನೇಕ ನಕಲಿ ಲಿಂಕ್‌ಗಳು ಸಕ್ರಿಯವಾಗುತ್ತವೆ. ಇಂತಹ ಲಿಂಕ್‌ಗಳ ಮೂಲಕ ವೈಯಕ್ತಿಕ ಮಾಹಿತಿ ಅಥವಾ ಪಾವತಿ ವಿವರಗಳನ್ನು ನೀಡದಂತೆ ಎಚ್ಚರಿಕೆ ವಹಿಸುವುದು ಅತ್ಯಂತ ಮುಖ್ಯವಾಗಿರುತ್ತದೆ.

ಅಧಿಕೃತ ವೆಬ್‌ಸೈಟ್ ಜೊತೆಗೆ, ವಿದ್ಯಾರ್ಥಿಗಳು ನಿಖರ ಮಾಹಿತಿಗಾಗಿ ಹಾಗೂ ಕೆಸಿಇಟಿ ಪರೀಕ್ಷೆಗೆ ಸಂಬಂಧಿಸಿದ ಅಪ್‌ಡೇಟ್‌ಗಳಿಗಾಗಿ shiksha.com ವೆಬ್‌ಸೈಟ್‌ನ ಮೇಲೂ ವಿಶ್ವಾಸ ಇರಿಸಬಹುದು. ಪರೀಕ್ಷಾ ಅಧಿಸೂಚನೆಗಳು, ದಿನಾಂಕಗಳು, ಮಾರ್ಗಸೂಚಿಗಳು ಸೇರಿದಂತೆ ಅಗತ್ಯ ಮಾಹಿತಿಯನ್ನು ಪಡೆಯಲು ಇದು ಸಹಾಯಕವಾಗಿದೆ.

ಪರೀಕ್ಷೆ ವಿವರಗಳು

* ಪರೀಕ್ಷೆಯ ಹೆಸರು - ಕರ್ನಾಟಕ ಸಾಮಾನ್ಯ ಪ್ರವೇಶ ಪರೀಕ್ಷೆ (KCET/UGCET) 2026
* ನಿರ್ವಾಹಕ ಮಂಡಳಿ - ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ (ಕೆಇಎ)
* ಅಧಿಕೃತ ಜಾಲತಾಣ - cetonline.karnataka.gov.in
* ನೀಡಲಾಗುವ ಕೋರ್ಸ್‌ಗಳು - ಎಂಜಿನಿಯರಿಂಗ್, ಫಾರ್ಮಸಿ, ಕೃಷಿ, ಪಶುವೈದ್ಯಕೀಯ, ಯೋಗ ಮತ್ತು ಪ್ರಕೃತಿ ಚಿಕಿತ್ಸೆ
* ಪರೀಕ್ಷಾ ಮಾದರಿ - ಆಫ್‌ಲೈನ್
* ಪರೀಕ್ಷೆಯು Objective ಮಾದರಿಯ MCQ ಪ್ರಶ್ನೆಗಳನ್ನು ಒಳಗೊಂಡಿರುತ್ತದೆ.
* ಪ್ರತಿ ವಿಷಯಕ್ಕೆ 60 ಅಂಕಗಳನ್ನು ನಿಗದಿಪಡಿಸಲಾಗಿದೆ. (ಭೌತಶಾಸ್ತ್ರ, ರಸಾಯನಶಾಸ್ತ್ರ ಗಣಿತ / ಜೀವಶಾಸ್ತ್ರ)
* ಒಟ್ಟು ಅಂಕಗಳು - 180 (ಪ್ರತಿ ವಿಷಯಕ್ಕೆ 60)
* ಅವಧಿ - ಪ್ರತಿ ವಿಷಯ ಅವಧಿಗೆ 80 ನಿಮಿಷಗಳು
* ಪ್ರತಿ ವಿಷಯದ ಪರೀಕ್ಷಾ ಸೆಷನ್‌ಗೆ 80 ನಿಮಿಷಗಳ ಕಾಲಾವಕಾಶ ನಿಗದಿಪಡಿಸಲಾಗಿದೆ.
* ಪ್ರತಿ ಸರಿಯಾದ ಉತ್ತರಕ್ಕೆ 1 ಅಂಕ ನೀಡಲಾಗುತ್ತದೆ (ತಪ್ಪು ಉತ್ತರಗಳಿಗೆ ಅಂಕ ಕಡಿತ ಇರುವುದಿಲ್ಲ).

KCET 2026 ವೇಳಾಪಟ್ಟಿ

* ಕೆಸಿಇಟಿ 2026 ಅಧಿಸೂಚನೆ ಬಿಡುಗಡೆ - ಜನವರಿ 2, 2026
* ಕೆಸಿಇಟಿ 2026 ಆನ್‌ಲೈನ್ ಅರ್ಜಿ ಸಲ್ಲಿಕೆ ಆರಂಭ - ಜನವರಿ 17, 2026
* ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ - ಫೆಬ್ರವರಿ 16, 2026
* ವಿಳಂಬ ಶುಲ್ಕದೊಂದಿಗೆ KCET 2026 ಅರ್ಜಿ ಸಲ್ಲಿಸುವ ಕೊನೆಯ ದಿನಾಂಕ: ಫೆಬ್ರವರಿ 18, 2026
* ಪ್ರವೇಶ ಪತ್ರ ಬಿಡುಗಡೆ - ಮೇ 2026ರ ಮೊದಲ ವಾರ
* ಮುಖ್ಯ ಪರೀಕ್ಷೆ: ಮೇ 25 ಮತ್ತು 26, 2026
* ಕೆಸಿಇಟಿ 2026 ಉತ್ತರ ಕೀ ಬಿಡುಗಡೆ - ಏಪ್ರಿಲ್/ಮೇ 2026
* ಫಲಿತಾಂಶ ಬಿಡುಗಡೆ - ಜೂನ್ 30, 2026
* ಕೆಸಿಇಟಿ 2026 ಕೌನ್ಸೆಲಿಂಗ್ ಆರಂಭ - ಜೂನ್ 2026

English summary

KEA has commenced the KCET 2026 registration process from January 16, 2026. Eligible candidates seeking admission to UG courses such as Engineering, Pharmacy, Agriculture, Veterinary Science, Yoga and Naturopathy can apply through the official website cetonline.karnataka.gov.in/kea.