Father's Day: ನಿಮ್ಮ ತಂದೆಯನ್ನು ಸಂತೋಷಪಡಿಸಲು ಇಲ್ಲಿದೆ ಸಿಂಪಲ್ ಟಿಪ್ಸ್!
ಎಲ್ಲಾ ಮಕ್ಕಳ ಸೂಪರ್ ಹೀರೋ ತಂದೆ. ತಂದೆ ಎನ್ನುವ ಜೀವ ನಮ್ಮ ಜೀವನದ ಆಧಾರ ಸ್ತಂಭ. ಜೀವನದಲ್ಲಿ ಎಡವಿದಾಗ, ಸವಾಲುಗಳನ್ನು ಎದುರಿಸುವಾಗ ಪ್ರತಿ ಹಂತದಲ್ಲೂ ಮಾರ್ಗದರ್ಶನ ನೀಡುವ ಗುರು ತಂದೆ. ನಮ್ಮ ಜೀವನ ವಿಶೇಷ ವ್ಯಕ್ತಿ ತಂದೆಗಾಗಿ ಈ ದಿನ. ಜೂನ್ 18 ಇಂದು ತಂದೆಯಂದಿರ ದಿನ ಆಚರಿಸಲಾಗುತ್ತಿದೆ. ಈ ವಿಶೇಷ ದಿನದಂದು ನಿಮ್ಮ ಜೀವನದ ವಿಶೇಷ ವ್ಯಕ್ತಿಗೆ ವಿಶೇಷ ಉಡುಗೊರೆ ನೀಡಿ.
ಸಾಮಾನ್ಯವಾಗಿ ನಿಮ್ಮ ತಂದೆಯ ಅಭಿರುಚಿಯ ಬಗ್ಗೆ ನಿಮಗೆ ತಿಳಿದಿರುತ್ತದೆ. ಅವರ ಇಷ್ಟದ ಬಣ್ಣ, ಪ್ರಿಯವಾದ ಊಟ, ತಿಂಡಿ, ಅವರಿಗೆ ಖುಷಿ ಕೊಡುವ ಸ್ಥಳಗಳು ಹೀಗೆ ಅನೇಕ ವಿಚಾರಗಳು ನಿಮಗೆ ತಿಳಿದಿರುತ್ತದೆ. ಹೀಗಾಗಿ ತಂದೆಯಂದಿರ ದಿನಕ್ಕೆ ಅವರಿಗೆ ಇಷ್ಟವಾದ ಕೆಲಸಗಳನ್ನು ಮಾಡಿ ಖುಷಿ ಪಡಿಸಿ. ತಂದೆ-ತಾಯಿಯನ್ನು ಪ್ರತಿ ನಿತ್ಯ ಖುಷಿಯಲ್ಲಿರಿಸುವುದು ನಮ್ಮ ಕರ್ತವ್ಯ. ಆದರೆ ಈ ದಿನ ನಿಮ್ಮ ತಂದೆಗಾಗಿ ನೀವು ಏನು ಮಾಡಬಹುದು ಎನ್ನುವುದಕ್ಕೆ ಕೆಲವು ಸಲಹೆಗಳನ್ನು ಇಲ್ಲಿ ನೀಡಲಾಗಿದೆ.
ಮನೆಗೆ ಸಪ್ರೈಸ್ ಭೇಟಿ!
ವಿದ್ಯಾಭ್ಯಾಸಕ್ಕಾಗಿಯೋ ಅಥವಾ ಉದ್ಯೋಗದ ನಿಮಿತ್ತವೋ ನೀವು ನಿಮ್ಮ ಮನೆಯಿಂದ ದೂರವಿದ್ದು, ಹಾಸ್ಟೆಲ್ ಅಥವಾ ಪಿಜಿಯಲ್ಲಿದ್ದರೆ. ನಿಮ್ಮ ತಂದೆಗೆ ತಿಳಿಸಿದೇ ಮನೆಗೆ ಸಪ್ರೈಸ್ ಭೇಟಿ ನೀಡಿ. ನಿಮ್ಮನ್ನು ಮಿಸ್ ಮಾಡಿಕೊಳ್ಳುತ್ತಿದ್ದ ಅವರಿಗೆ ಇದಕ್ಕಿಂತ ಬೆಸ್ಟ್ ಗಿಫ್ಟ್ ಇನ್ನೊಂದಿಲ್ಲ. ನಿಮ್ಮ ತಂದೆಯೊಡನೆ ಸಮಯ ಕಳೆದು ಅನೇಕ ವಿಚಾರಗಳ ಬಗ್ಗೆ ಕುಳಿತು ಮಾತನಾಡಿ. ಅವರಿಗೆ ನಿಮ್ಮ ಆಗಮನವೇ ಅತ್ಯಮೂಲ್ಯ ಉಡುಗೊರೆಯಾಗಿರುತ್ತದೆ.
ಇಷ್ಟವಾದ ಅಡುಗೆ ಮಾಡಿ!
ನಿಮ್ಮ ತಂದೆಯ ಅಭಿರುಚಿಯ ಬಗ್ಗೆ ಸಾಮಾನ್ಯವಾಗಿ ನಿಮಗೆ ತಿಳಿದಿರುತ್ತದೆ. ಅವರಿಗೆ ಯಾವ ರೀತಿಯ ಅಡುಗೆ ಇಷ್ಟ, ಯಾವ ತಿಂಡಿ ಇಷ್ಟ ಎಂದು ತಿಳಿದಿರುತ್ತದೆ. ಹೀಗಾಗಿ ತಂದೆಯಂದಿರ ದಿನದ ವಿಶೇಷವಾಗಿ ನಿಮ್ಮ ತಂದೆಗೆ ಇಷ್ಟವಾದ ಅಡುಗೆ ನೀವೇ ಸ್ವತಃ ಬಡಿಸಿ. ನಿಮ್ಮ ತಂದೆಯೊಂದಿಗೆ ಕುಳಿತು ಅವರಿಷ್ಟದ ಊಟವನ್ನು ಜೊತೆಯಾಗಿ ಸವಿಯಿರಿ. ಜೊತೆಗೆ ಅವರಿಗೆ ಇಷ್ಟವಾದ ಸಿಹಿ ತಿನಿಸುಗಳನ್ನು ಸಹ ನೀಡಿ.
ಇಷ್ಟವಾದ ಸ್ಥಳಗಳಲ್ಲಿ ಸಮಯ ಕಳೆಯಿರಿ!
ತಂದೆಯಂದಿರ ದಿನದ ವಿಶೇಷವಾಗಿ ನಿಮ್ಮ ತಂದೆಯನ್ನು ಅವರಿಷ್ಟದ ಸ್ಥಳಗಳಲ್ಲಿ ಕರೆದುಕೊಂಡು ಹೋಗಿ. ಒಂದೊಳ್ಳೆ ಟ್ರಿಪ್ ಪ್ಲಾನ್ ಮಾಡಿ ಅವರನ್ನು ಕರೆದುಕೊಂಡು ಹೋಗಿ. ಹೊಸ ಸ್ಥಳಗಳು ಅಥವಾ ನೆಚ್ಚಿನ ಸ್ಥಳಗಳು ಅತೀವ ಖುಷಿಕೊಡುತ್ತದೆ. ದೇವಸ್ಥಾನ, ಸಮುದ್ರ ಪ್ರದೇಶಗಳು, ಈಗಿನ ಟ್ರೆಂಡ್ಗೆ ತಕ್ಕಂತೆ ರೆಸಾರ್ಟ್ಗಳು, ಒಳ್ಳೆಯ ಹೋಟೆಲ್ಗಳು ಹಾಗೂ ನಿಮ್ಮ ತಂದೆಯ ಬಾಲ್ಯದ ದಿನಗಳನ್ನು ಕಳೆದ ಸ್ಥಳಗಳಿಗೆ ಅವರನ್ನು ಕರೆದುಕೊಂಡು ಹೋಗಬಹುದು.
ಒಂದೊಳ್ಳೆ ಪುಸ್ತಕ ನೀಡಿ!
ಒಂದು ಉತ್ತಮ ಪುಸ್ತಕ ನೂರು ಉತ್ತಮ ಸ್ನೇಹಿತನಿಗಿಂತ ಉತ್ತಮ ಎನ್ನುವ ಮಾತಿದೆ. ಹೀಗಾಗಿ ನಿಮ್ಮ ತಂದೆಗೆ ಓದು ಅಭ್ಯಾಸವಿದ್ದರೆ. ಒಂದೊಳ್ಳೆ ಪುಸ್ತಕವನ್ನು ಅವರಿಗೆ ಉಡುಗೊರೆಯಾಗಿ ನೀಡಿ. ಜೊತೆಗೆ ಕೆಲವರಿಗೆ ಚಿತ್ರ ಬಿಡಿಸುವುದು, ಕರ ಕುಶಲ ಕಲೆಗಳ ಬಗ್ಗೆ ಅತೀವ ಆಸಕ್ತಿ ಇರುತ್ತದೆ. ಹೀಗಾಗಿ ಅವರ ಬಿಡುವಿನ ವೇಳೆಯನ್ನು ಉತ್ತಮವಾಗಿ ಕಳೆಯಲು ಅವರಿಗೆ ಅಗತ್ಯವಾಗಿರುವ ವಸ್ತುಗಳನ್ನು ಉಡುಗೊರೆಯಾಗಿ ನೀಡಿ.
ಸ್ಮಾರ್ಟ್ ಪೋನ್ ಉಡುಗೊರೆ!
ಸಾಮಾನ್ಯವಾಗಿ ತಂದೆ ಮಕ್ಕಳಿಗೆ ಹೊಸ ಮಾಡೆಲ್ ಟ್ರೆಂಡ್ಗೆ ತಕ್ಕಂತೆ ಮೊಬೈಲ್ ಫೋನ್ಗಳನ್ನು ಕೊಡಿಸುತ್ತಾರೆ. ಆದರೆ ತಮಗೆ ಮಕ್ಕಳ ಹಳೆಯ ಫೋನ್ ಅಥವಾ ಯಾವುದೋ ಹಳೆಯ ಮೊಬೈಲ್ ಫೋನ್ಗಳನ್ನು ಬಳಸುತ್ತಿರುತ್ತಾರೆ. ಹೀಗಾಗಿ ಅವರಿಗೆ ಸ್ಮಾರ್ಟ್ ಫೋನ್ವೊಂದನ್ನು ಉಡುಗೊರೆಯಾಗಿ ನೀಡಿ. ಅದರಿಂದ ಅವರಿಗೆ ಖುಷಿಯಾಗಬಹುದು.
ಶಾಂಪಿಂಗ್ಗೆ ಕರೆದುಕೊಂಡು ಹೋಗಿ!
ನಿಮ್ಮ ತಂದೆಗೆ ನೀವು ನೀವೇ ಉಡುಗೊರೆಗಳನ್ನು ಆರಿಸಿ ತರುವುದಕ್ಕಿಂತ, ಅವರಿಷ್ಟದ ವಸ್ತುಗಳನ್ನು ತೆಗೆದುಕೊಳ್ಳಲು ಅವರನ್ನು ಶಾಪಿಂಗ್ಗೆ ಕರೆದುಕೊಂಡು ಹೋಗಿ. ಇದರಿಂದ ನಿಮ್ಮ ತಂದೆಯೊಂದಿಗೆ ಸಮಯ ಕಳೆದಂತಾಗುತ್ತದೆ ಜೊತೆಗೆ ಅವರಿಷ್ಟದ ವಸ್ತುಗಳನ್ನು ತೆಗೆದುಕೊಳ್ಳಲು ಅವಕಾಶ ನೀಡಿದಂತಾಗುತ್ತದೆ. ಜೊತೆಗೆ ಅವರಿಗೆ ಕೊಂಡುಕೊಳ್ಳುವ ವಸ್ತುಗಳ ಬಗ್ಗೆ ಸಲಹೆ ನೀಡಿ.
ಗ್ರೀಟಿಂಗ್ ಕಾರ್ಡ್ಗಳನ್ನು ನೀಡಿ !
ನೀವು ನೀಡುವ ಪ್ರತಿ ಉಡುಗೊರೆಯು ಕೂಡ ನಿಮ್ಮ ತಂದೆಗೆ ಅತ್ಯಮೂಲ್ಯವಾದುದು. ಹೀಗಾಗಿ ನಿಮ್ಮ ತಂದೆಗೆ ನೀವು ಒಂದೊಳ್ಳೆ ಗ್ರೀಟಿಂಗ್ ಕಾರ್ಡ್ ರಚಿಸಿ ನೀಡಬಹುದು. ಜೊತೆಗೆ ಒಂದೊಳ್ಳೆ ಕೋಟ್ ಬರೆದು ನೀವು ಅವರೊಂದಿಗೆ ಕಳೆದ ಅಮೂಲ್ಯವಾದ ವಿಚಾರಗಳ್ನನು ಬರೆದು ನೀಡಿ. ಇದು ಅವರನ್ನು ಖುಷಿಯಾಗಿಸಬಹುದು. ಒಂದು ವೇಳೆ ನಿಮ್ಮ ತಂದೆ ಭಾವನಾತ್ಮಕ ಜೀವಿಯಾದರೆ ಅವರು ಕಣ್ತುಂಬಿಕೊಳ್ಳುವ ಸಾಧ್ಯತೆ ಕೂಡ ಇದೆ.
ಫೋಟೋಗಳ ಸಂಗ್ರಹವನ್ನು ನೀಡಿ !
ನಿಮ್ಮ ಹಾಗೂ ನಿಮ್ಮ ತಂದೆ ಜೊತೆಯಾಗಿ ಕಳೆದ ಕ್ಷಣಗಳ ಫೋಟೋ ಸೆರೆಹಿಡಿದಿರಬಹುದು. ಅವುಗಳನ್ನು ಒಗ್ಗೂಡಿಸಿ ಫೋಟೋ ಅಲ್ಬಾಮ್ಗಳನ್ನು ನೀಡಿ. ಈ ಫೋಟೋಗಳ ಜೊತೆಗೆ ಅವುಗಳನ್ನು ತೆಗೆದ ಸಮಯ ಹಾಗೂ ಸ್ಥಳಗಳನ್ನು ನಮೂದಿಸಿದರೆ ಮತ್ತಷ್ಟು ಉತ್ತಮ. ಇದರಿಂದ ನಿಮಗೂ ನಿಮ್ಮ ತಂದೆಗೂ ಇದೊಂದು ಸ್ವೀಟ್ ಮೆಮೊರಿಯಾಗಿರುತ್ತದೆ.
ತಂದೆಗೆ ನೀಡಬಹುದಾಗ ಉಡುಗೊರೆಗಳು!
ತಂದೆಯಂದಿರ ದಿನಕ್ಕೆ ನೀವು ನಿಮ್ಮ ತಂದೆಗೆ ನೀಡಬುದುದಾಗ ಸುಲಭವಾದ ಉಡುಗೊರೆಗಳಿವು. ಶರ್ಟ್, ಸನ್ಗ್ಲಾಸ್, ಇಯರ್ ಬಡ್ಸ್, ರಿಂಗ್, ಪರ್ಸ್, ವಾಚ್, ಶೂ, ಚಾಕಲೇಟ್ ಕಿಟ್ ಸೇರಿದಂತೆ ಇತರ ವಸ್ತುಗಳನ್ನು ನೀವು ನಿಮ್ಮ ತಂದೆಗೆ ನೀಡಬಹುದು.
ನಿಮ್ಮ ಪೋಷಕರಿಗೆ ಸಮಯ ಕೊಡಿ !
ಇತ್ತೀಚಿನ ದಿನಗಳಲ್ಲಿ ಎಲ್ಲರೂ ತಮ್ಮ ತಮ್ಮ ಬ್ಯುಸಿ ಜೀವನದಲ್ಲಿ ಪೋಷಕರಿಗೆ ಸಮಯ ಕೊಡುವುದೇ ಅತ್ಯಮೂಲ್ಯವಾದ ಉಡುಗೊರೆಯಾಗಿದೆ. ನಿಮ್ಮ ಪೋಷಕರೊಂದಿಗೆ ಕುಳಿತು ಆಹಾರ ಸೇವಿಸುವುದು, ಅವರೊಂದಿಗೆ ಉತ್ತಮವಾದ ಸಿನಿಮಾ ನೋಡುವುದು, ವಾಕಿಂಗ್ ಹೋಗುವುದು, ಮನೆಯಲ್ಲೇ ಆಡಬಹುದಾದ ಆಟಗಳನ್ನು ಆಡುವುದು, ಹೀಗೆ ಚಿಕ್ಕ ಚಿಕ್ಕ ವಿಚಾರಗಳಲ್ಲಿ ಸಮಯ ನೀಡುವ ಮೂಲಕ ನಿಮ್ಮ ತಂದೆ-ತಾಯಿಗಳನ್ನು ಸಂತೋಷವಾಗಿಡಬಹುದು.
-
ಮಾರ್ಚ್ 24ರಂದು ಬೆಂಗಳೂರು ಸೇರಿ ರಾಜ್ಯದ ಇತರ ಜಿಲ್ಲೆಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ ತಿಳಿಯಿರಿ -
ಮಾರ್ಚ್ 23ರಂದು ಬೆಂಗಳೂರು ಸೇರಿ ರಾಜ್ಯದ ಇತರ ಜಿಲ್ಲೆಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ ತಿಳಿಯಿರಿ -
Jobs: ರಾಜ್ಯದ ಸರ್ಕಾರಿ ವಿವಿಗಳಲ್ಲಿ 1000 ಬೋಧಕ ಹುದ್ದೆಗಳ ಭರ್ತಿಗೆ ಸರ್ಕಾರ ಗ್ರೀನ್ ಸಿಗ್ನಲ್ -
ಹಿಂದುಳಿದ, ದುರ್ಬಲ ವರ್ಗದ ಮಕ್ಕಳಿಗೆ ಖಾಸಗಿ ಅನುದಾನ ರಹಿತ ಶಾಲೆಗಳಲ್ಲಿ ಶೇ. 25 ರಷ್ಟು ಉಚಿತ ಪ್ರವೇಶಕ್ಕೆ ಅರ್ಜಿ ಆಹ್ವಾನ -
Bengaluru: 50 ವಾರ್ಡ್ಗಳಲ್ಲಿ ಕಸ ವಿಲೇವಾರಿ ಸ್ಥಗಿತ; ವೇತನ ವಿಳಂಬಕ್ಕೆ ಮುನಿದು ಸಾಮೂಹಿಕ ರಜೆ ಹಾಕಿದ ಕಾರ್ಮಿಕರು -
Bengaluru: ಬಿಡಿಎಗೆ 50ರ ಸಂಭ್ರಮ; ಹೊಸ ಲೋಗೋ, ಟ್ಯಾಗ್ಲೈನ್ ವಿನ್ಯಾಸ ಮಾಡಿ 1 ಲಕ್ಷ ರೂ. ಬಹುಮಾನ ಗೆಲ್ಲಿ -
Tamarind Sale: ತುಮಕೂರು ಮಾರುಕಟ್ಟೆಯಲ್ಲಿ ದಾಖಲೆ ಬೆಲೆಗೆ ಮಾರಾಟವಾದ ಹುಣಸೆ ಹಣ್ಣು -
LPG: ಗೃಹಬಳಕೆ ಸಿಲಿಂಡರ್ ಬಳಕೆದಾರರಿಗೆ ಬಿಗ್ ಅಪ್ಡೇಟ್: ಎಲ್ಪಿಜಿ ಅಭಾವ ನೀಗಿಸಲು ಕೇಂದ್ರದಿಂದ ಹೊಸ ಪ್ಲಾನ್ -
Rain: ಮುಂದಿನ 3 ಗಂಟೆಗಳಲ್ಲಿ ಕರ್ನಾಟಕದ 13 ಜಿಲ್ಲೆಗಳಲ್ಲಿ ಗುಡುಗು ಸಹಿತ ಮಳೆ: ಹವಾಮಾನ ಇಲಾಖೆ -
Gold Rate: ಬೆಂಗಳೂರು ಸೇರಿದಂತೆ ವಿವಿಧ ನಗರಗಳಲ್ಲಿ ಎಷ್ಟಿದೆ 22 ಕ್ಯಾರಟ್ ಚಿನ್ನದ ದರ? -
SSLC ವಿಜ್ಞಾನ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು? ತಜ್ಞರು ಹಾಗೂ ವಿದ್ಯಾರ್ಥಿಗಳು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Bengaluru Second Airport: ಬೆಂಗಳೂರು ಎರಡನೇ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ: ಜಾಗ ಆಯ್ಕೆ ಕರ್ನಾಟಕಕ್ಕೆ ಬಿಟ್ಟ ಕೇಂದ್ರ
Click it and Unblock the Notifications
Sign in with Google