ಕ್ವೆಟ್ಟಾದಲ್ಲಿ ಈ ವರ್ಷ ಉಗ್ರರ ದಾಳಿಯಲ್ಲಿ ಸತ್ತವರು 227 ಮಂದಿ

2006ರಲ್ಲಿ ಕಾಲೇಜಿನ ಮೇಲೆ ನಡೆದ ದಾಳಿಯಲ್ಲಿ ಭಯೋತ್ಪಾದನಾ ನಿಗ್ರಹ ದಳದ ಆರು ಪೊಲೀಸರು ಮೃತಪಟ್ಟಿದ್ದರು. ಐದು ಪ್ರಬಲ ಸ್ಫೋಟಗಳು ಸಂಭವಿಸಿದ್ದವು.

By ವಿಕಾಸ್ ನಂಜಪ್ಪ

Updated: Tuesday, October 25, 2016, 11:37 [IST]

ಕ್ವೆಟ್ಟಾ, ಅಕ್ಟೋಬರ್ 25: ಕ್ವೆಟ್ಟಾದಲ್ಲಿ ಮತ್ತೊಮ್ಮೆ ದಾಳಿಯಾಗಿದೆ. 2016ರಲ್ಲಿ ಉಗ್ರರ ದಾಳಿಯಲ್ಲಿ ಮೃತಪಟ್ಟವರ ಸಂಖ್ಯೆ 227. ಈ ವರ್ಷದಲ್ಲೇ ಕನಿಷ್ಠ 36 ವಿವಿಧ ಕೃತ್ಯಗಳನ್ನು ಉಗ್ರರು ಮಾಡಿದ್ದಾರೆ. ಇವುಗಳಲ್ಲಿ 227 ಮಂದಿ ಪ್ರಾಣ ಕಳೆದುಕೊಂಡಿದ್ದು, 330ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ.

ಸೋಮವಾರ ರಾತ್ರಿ ಪೊಲೀಸ್ ತರಬೇತಿ ಕಾಲೇಜಿನಲ್ಲಿ ನಡೆದ ಉಗ್ರರ ದಾಳಿಯಲ್ಲಿ 57 ಕೆಡೆಟ್ ಗಳು ಸಾವನ್ನಪ್ಪಿದ್ದಾರೆ. ಈ ಉಗ್ರರು ಆಫ್ಘನಿಸ್ತಾನದ ಉಗ್ರರೊಂದಿಗೆ ಸಂಪರ್ಕದಲ್ಲಿದ್ದರು. ಆದರೆ ಯಾವ ಸಂಘಟನೆ ಈ ಕೃತ್ಯ ಎಸಗಿದೆ ಎಂಬುದು ಸ್ಪಷ್ಟವಾಗಿದೆ 2006, 2008ರಲ್ಲೂ ಈ ತರಬೇತಿ ಕಾಲೇಜಿನ ಮೇಲೆ ದಾಳಿಯಾಗಿತ್ತು.[ಕ್ವೆಟ್ಟಾದಲ್ಲಿ ಭೀಕರ ಹತ್ಯಾಕಾಂಡ : 57 ಕೆಡೆಟ್ ಗಳ ಮಾರಣಹೋಮ]

2006: ಆಗ ಕಾಲೇಜಿನ ಮೇಲೆ ನಡೆದ ದಾಳಿಯಲ್ಲಿ ಭಯೋತ್ಪಾದನಾ ನಿಗ್ರಹ ದಳದ ಆರು ಪೊಲೀಸರು ಮೃತಪಟ್ಟಿದ್ದರು. ಐದು ಪ್ರಬಲ ಸ್ಫೋಟಗಳು ಸಂಭವಿಸಿದ್ದವು.

2008: ಉಗ್ರರು ರಾಕೆಟ್ ಹಾಗೂ ಗುಂಡುಗಳಿಂದ ದಾಳಿ ನಡೆಸಿದ್ದರು. ಅ ದಾಳಿಯಲ್ಲಿ ವ್ಯಕ್ತಿಯೊಬ್ಬನಿಗೆ ಗಾಯವಾಗಿತ್ತು. ಅದೇ ದಿನ ಕ್ವೆಟ್ಟಾ ರೈಲು ನಿಲ್ದಾಣದಲ್ಲಿ ಸ್ಫೋಟವಾಗಿತ್ತು.[ಪಾಕಿಸ್ತಾನದ ಕ್ವೆಟ್ಟಾದ ಆಸ್ಪತ್ರೆಯಲ್ಲಿ ಸ್ಫೋಟ, 93 ಸಾವು]

ಕಳೆದ ಆಗಸ್ಟ್ ನಲ್ಲಿ ಕ್ವೆಟ್ಟಾದ ಆಸ್ಪತ್ರೆ ಮೇಲೆ ನಡೆದ ಆತ್ಮಾಹುತಿ ದಾಳಿಯಲ್ಲಿ 73 ಮಂದಿ ಸಾವನ್ನಪ್ಪಿದರು. ವಕೀಲರು ತಮ್ಮ ಸಹವರ್ತಿಯೊಬ್ಬರ ಸಾವಿನ ಶೋಕಾಚರಣೆಯಲ್ಲಿ ಭಾಗವಹಿಸಲು ತೆರಳಿದ್ದ ವೇಳೆ ಘಟನೆ ಸಂಭವಿಸಿತ್ತು. ಆ ದಾಳಿಯ ಜವಾಬ್ದಾರಿಯನ್ನು ಐಎಸ್ ಗುಂಪು ಹಾಗೂ ಜಮಾತ್ ಉಲ್ ಅಹ್ರಾರ್ ಹೊತ್ತಿಕೊಂಡಿದ್ದವು.