ನಿಷೇಧಿತ ಲಷ್ಕರ್ ಎ ಇಸ್ಲಾಂ ಉಗ್ರ ಸಂಘಟನೆಗೆ ಹೊಸ ಮುಖ್ಯಸ್ಥ
ಪೇಶಾವರ,ಜನವರಿ 30:ಪಾಕಿಸ್ತಾನ ಮೂಲದ ಲಷ್ಕರ್ ಎ ಇಸ್ಲಾಂ ಉಗ್ರ ಸಂಘಟನೆಗೆ ಹೊಸ ಮುಖ್ಯಸ್ಥನನ್ನು ಆಯ್ಕೆ ಮಾಡಿದ್ದಾರೆ.
ದಕ್ಷಿಣ ಅಫ್ಘಾನಿಸ್ತಾನದಲ್ಲಿ ಪಾಕಿಸ್ತಾನ ಮೂಲದ ನಿಷೇಧಿತ ಲಷ್ಕರ್ ಎ ಇಸ್ಲಾಂ ಉಗ್ರ ಸಂಘಟನೆಯ ಮುಖ್ಯಸ್ಥ ಮಂಗಲ್ ಬಾಗ್ ಬಾಂಬ್ ಸ್ಫೋಟದಲ್ಲಿ ಹತ್ಯೆಗೀಡಾಗಿದ್ದು ಇದರ ಬೆನ್ನಲ್ಲೇ ಸಂಘಟನೆಗೆ ಹೊಸ ಮುಖ್ಯಸ್ಥನ ಆಯ್ಕೆಯಾಗಿದೆ.
ದಕ್ಷಿಣದ ಅಫ್ಘಾನಿಸ್ತಾನದಲ್ಲಿ ಹಲವಾರು ಭಯೋತ್ಪಾದಕ ಚಟುವಟಿಕೆಗಳಲ್ಲಿ ಭಾಗಿಯಾಗಿದ್ದ ಬಾಗ್ ತಲೆಗೆ 3 ಮಿಲಿಯನ್ ಅಮೆರಿಕನ್ ಡಾಲರ್ ಕಟ್ಟಲಾಗಿತ್ತು.
ನಂಗರ್ಹಾರ್ನ ಅಚಿನ್ ಜಿಲ್ಲೆಯ ಬಂಡಾರ್ ದಾರಾ ಪ್ರದೇಶದಲ್ಲಿ ಇಂದು ಬೆಳಿಗ್ಗೆ ಬಾಂಬ್ ಸ್ಫೋಟದಲ್ಲಿ ಬಾಗ್ ಮತ್ತು ಆತನ ಇಬ್ಬರು ಸಹಚರರು ಹತ್ಯೆಗೀಡಾಗಿದ್ದರು ಎಂದು ಎಕ್ಸ್ಪ್ರೆಸ್ ಟ್ರಿಬ್ಯೂನ್ ಪತ್ರಿಕೆ ವರದಿ ಮಾಡಿದೆ.
ಲಷ್ಕರ್-ಎ-ಇಸ್ಲಾಂ ತನ್ನ ಹೊಸ ಮುಖ್ಯಸ್ಥ ಎಂದು ಝಲಾ ಖಾನ್ ಅಫ್ರಿದಿ ನನ್ನು ಹೆಸರಿಸಿದೆ. ಖೈಬರ್ ಪಖ್ತುನ್ಖ್ವಾ ಪ್ರಾಂತ್ಯದ ಬ್ಯಾಂಡರ್ ಪ್ರದೇಶದಲ್ಲಿ ಸಂಘಟನೆಯ ಸದಸ್ಯರು ಸಭೆ ನಡೆಸಿದ ನಂತರ ಮಂಗಲ್ ಬಾಗ್ ನ ನಿಕಟವರ್ತಿ ಅಫ್ರಿದಿ ನನ್ನು ಹೊಸ ಮುಖ್ಯಸ್ಥರೆಂದು ಹೆಸರಿಸಲಾಯಿತು.
ಝಲಾ ಖಾನ್ ಅಫ್ರಿದಿ ಖೈಬರ್ ಪಖ್ತುನ್ಖ್ವಾ ಪ್ರಾಂತ್ಯದ ಬರಾ ತಹಸಿಲ್ನ ಅಕಾಖೆಲ್ ಬುಡಕಟ್ಟು ಜನಾಂಗಕ್ಕೆ ಸೇರಿದವನು. ಶುರಾ(ಕೌನ್ಸಿಲ್) ಬಾಗ್ ಅವರ ಮಗ ತಯ್ಯಾಬ್ ಅಲಿಯಾಸ್ ಅಜ್ನಾಬಿಯನ್ನು ಹೊಸ ಉಪ ಕಮಾಂಡರ್ ಆಗಿ ನಾಮಕರಣ ಮಾಡಲಾಗಿದೆ.
Click it and Unblock the Notifications
Sign in with Google