ರೈಲಿನೊಳಗೆ ಬಿಂದಾಸ್ ಆಗಿ ಗಾಂಜಾ ಸೇದಿದ ಯುವತಿಯರು- ಯಾವ ರೈಲು, ಸಹ ಪ್ರಯಾಣಿಕರು ಏನಂದರು? ವಿಡಿಯೊ ನೋಡಿ
ಯುವತಿಯರ ಗುಂಪೊಂದು ರೈಲಿನಲ್ಲಿ ಬಿಂದಾಸ್ ಆಗಿ ಗಾಂಜಾ ಸೇದುತ್ತಿರುವ ವಿಡಿಯೊವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ. ಈ ವರದಿ ಓದಿ, ವಿಡಿಯೊ ನೋಡಿ
ನವದೆಹಲಿ, ಫೆಬ್ರವರಿ 27: ಯುವತಿಯರ ಗುಂಪೊಂದು ರೈಲಿನಲ್ಲಿ ಬಿಂದಾಸ್ ಆಗಿ ಗಾಂಜಾ ಸೇದುತ್ತಿರುವ ವಿಡಿಯೊವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ. 'ಯುವತಿಯರು ರೈಲಿನೊಳಗೆ ಗಾಂಜಾ ಮತ್ತು ಸಿಗರೇಟ್' ಸೇದುತ್ತಿರುವ ವೀಡಿಯೊವನ್ನು ಮಹಿಳೆಯೊಬ್ಬರು ಪೋಸ್ಟ್ ಮಾಡಿದ್ದಾರೆ. ಈ ಕುರಿತು ನೆಟ್ಟಿಗರು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಟಾಟಾನಗರದಿಂದ ಕತಿಹಾರ್ಗೆ ಸಂಚರಿಸುತ್ತಿದ್ದ ರೈಲಿನಲ್ಲಿ ಈ ಘಟನೆ ನಡೆದಿದೆ. ಈ ಕುರಿತು ಸಹ ಪ್ರಯಾಣಿಕರು ಸಹ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಟಾಟಾನಗರದಿಂದ ಕತಿಹಾರ್ ರೈಲಿನಲ್ಲಿ ಪ್ರಯಾಣಿಸುತ್ತಿದ್ದ ಮಹಿಳೆಯೊಬ್ಬರು ತಮ್ಮ ಟ್ವಿಟರ್ನಲ್ಲಿ ಈ ವಿಡಿಯೊ ತುಣುಕನ್ನು ಹಂಚಿಕೊಂಡಿದ್ದಾರೆ. ಅಸನ್ಸೋಲ್ನಲ್ಲಿ ರೈಲು ಹತ್ತಿದ ಮಹಿಳೆಯರು ಇಡೀ ರಾತ್ರಿ 'ಗಾಂಜಾ ಮತ್ತು ಸಿಗರೇಟ್' ಸೇದಿದ್ದಾರೆ ಎಂದು ದೂರಿದ್ದಾರೆ.
'ಈ ಹುಡುಗಿಯರು ಇಡೀ ರಾತ್ರಿ ಗಾಂಜಾ ಮತ್ತು ಸಿಗರೇಟ್ ಸೇದಿದರು. ಅವರು ಅಸನ್ಸೋಲ್ನಲ್ಲಿ ರೈಲು ಹತ್ತಿದರು' ಎಂದು ಅವರು ಟ್ವೀಟ್ನಲ್ಲಿ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ.
ಅವರ ಟ್ವೀಟ್ಗೆ ಪ್ರತಿಕ್ರಿಯಿಸಿದ 'ರೈಲ್ವೆ ಸೇವಾ' ಪ್ರಯಾಣದ ವಿವರಗಳನ್ನು ಹಂಚಿಕೊಳ್ಳುವಂತೆ ಕೇಳಿಕೊಂಡಿದೆ.
@AshwiniVaishnaw
— Parmanand kumar Saw (@Parmana93518260) February 27, 2023
इन लड़कियों ने रात भर गांजा और सीक्रेट करें पिया है 😡
Yah log Asansol mein chadhi thi Tata Katihar train mein pic.twitter.com/vo5YwI3DIf
'ದಯವಿಟ್ಟು ಪ್ರಯಾಣದ ವಿವರಗಳನ್ನು (PNR/Train No.) ಮತ್ತು ಮೊಬೈಲ್ ಸಂಖ್ಯೆಯನ್ನು DM ಮೂಲಕ ನಮ್ಮೊಂದಿಗೆ ಹಂಚಿಕೊಳ್ಳಲು ನಾವು ವಿನಂತಿಸುತ್ತೇವೆ. ನೀವು ನೇರವಾಗಿ http://railmadad.indianrailways.gov.in ನಲ್ಲಿ ನಿಮ್ಮ ದೂರಗಳನ್ನು ವ್ಯಕ್ತಪಡಿಸಬಹುದು ಅಥವಾ ತ್ವರಿತ ಪರಿಹಾರಕ್ಕಾಗಿ 139 ಅನ್ನು ಡಯಲ್ ಮಾಡಬಹುದು' ಎಂದು ರೈಲ್ವೆ ಸೇವಾ ಟ್ವೀಟ್ ಮಾಡಿದೆ.
ರೈಲುಗಳಲ್ಲಿ ಧೂಮಪಾನ: ಕಾನೂನುಗಳೇನು?
ನೀವು ರೈಲಿನಲ್ಲಿ ಧೂಮಪಾನ ಮಾಡುತ್ತಿದ್ದರೆ ನೀವು ಜಾಗರೂಕರಾಗಿರಬೇಕು. ಏಕೆಂದರೆ ನಿಮಗೆ ಸಾಕಷ್ಟು ಹಣ ಖರ್ಚಾಗಬಹುದು. ರೈಲುಗಳಲ್ಲಿ ಧೂಮಪಾನ ಮಾಡುವ ಪ್ರಯಾಣಿಕರನ್ನು ಬಂಧಿಸುವುದು ಸೇರಿದಂತೆ ಕಠಿಣ ಕ್ರಮಗಳನ್ನು ತೆಗೆದುಕೊಳ್ಳುವುದನ್ನು ಭಾರತೀಯ ರೈಲ್ವೇ ಪರಿಗಣಿಸುತ್ತದೆ.
ರೈಲ್ವೇ ಕಾಯಿದೆಯ ಸೆಕ್ಷನ್ 167 ರ ಪ್ರಕಾರ, ಸಹ-ಪ್ರಯಾಣಿಕರ ಆಕ್ಷೇಪಣೆಯ ಹೊರತಾಗಿಯೂ ಕಂಪಾರ್ಟ್ಮೆಂಟ್ನಲ್ಲಿ ಧೂಮಪಾನ ಮಾಡುವುದು ಕಂಡುಬಂದರೆ ₹100 ವರೆಗೆ ದಂಡ ವಿಧಿಸಲಾಗುತ್ತದೆ.
ಭಾರತೀಯ ರೈಲ್ವೇಸ್, ಭಾರತ ಸರ್ಕಾರದ ರೈಲ್ವೆ ಸಚಿವಾಲಯದ ಮಾಲೀಕತ್ವದ ಅಡಿಯಲ್ಲಿ ಬರುವ ಸಂಸ್ಥೆಯಾಗಿದೆ. ಇದು ಗಾತ್ರದಲ್ಲಿ ವಿಶ್ವದ ನಾಲ್ಕನೇ ಅತಿದೊಡ್ಡ ರಾಷ್ಟ್ರೀಯ ರೈಲ್ವೆ ವ್ಯವಸ್ಥೆಯನ್ನು ನಿರ್ವಹಿಸುತ್ತದೆ.
ರೈಲ್ವೇ ಕಾಯಿದೆಯ ಸೆಕ್ಷನ್ 167 ರ ಅಡಿಯಲ್ಲಿ ರೈಲುಗಳ ಒಳಗೆ ಅಥವಾ ರೈಲ್ವೆ ಆವರಣದಲ್ಲಿ ಧೂಮಪಾನ ಅಥವಾ ಮದ್ಯಪಾನ ಮಾಡುವುದನ್ನು ನಿಷೇಧಿಸಲಾಗಿದೆ. ಆದರೆ, ಕಾನೂನಿದ್ದರೂ ಕೆಲವರು ರೈಲಿನಲ್ಲಿ ಪ್ರಯಾಣಿಸುವಾಗ ಸಿಗರೇಟ್ ಸೇದುವುದು ಕಂಡುಬರುತ್ತದೆ.
ಮಾರ್ಚ್ 13, 2021 ರಂದು, ನವದೆಹಲಿ-ಡೆಹ್ರಾಡೂನ್ ಶತಾಬ್ದಿ ಸ್ಪೆಷಲ್ನ ಕೋಚ್ಗೆ ಬೆಂಕಿ ಹತ್ತಿಕೊಂಡಿತು. ಅಪಘಾತದಲ್ಲಿ ಯಾರಿಗೂ ಗಾಯಗಳಾಗಿಲ್ಲ, ಆದರೆ ಅಪಘಾತದ ತನಿಖೆಯಲ್ಲಿ ರೈಲಿನ ಶೌಚಾಲಯಗಳಲ್ಲಿ ಎಸೆದ ಸಿಗರೇಟ್ ತುಂಡುಗಳಿಂದ ಬೆಂಕಿಗೆ ಕಾರಣವಾಗಿತ್ತು ಎಂದು ತಿಳಿದುಬಂದಿತ್ತು.
Click it and Unblock the Notifications
Sign in with Google