Video: ರೊಯ್.... ಅಂತ ಬಂದ್ಲು... ಟಪಕ್ ಅಂತ ಬಿದ್ಲು! ವೀಡಿಯೋ ನೋಡಿ ಜನ ಹೀಗಂದಿದ್ದು ಯಾಕೆ?
ಅತಿವೇಗದ ಚಾಲನೆಯಿಂದ ಉಂಟಾಗುವ ಅಪಘಾತಗಳ ಅನೇಕ ವೀಡಿಯೊಗಳನ್ನು ನೀವು ಸಾಮಾಜಿಕ ಮಾಧ್ಯಮದಲ್ಲಿ ನೋಡಿರಬಹುದು. ಆದರೆ ಮಹಿಳೆಯೊಬ್ಬರು ಸ್ಕೂಟರ್ ಓಡಿಸುವಾಗ ಆಕಸ್ಮಿಕವಾಗಿ ಅಪಘಾತಕ್ಕೆ ಒಳಗಾಗಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದ್ದು ನೆಟ್ಟಿಗರು ಸಿಕ್ಕಾಪಟ್ಟೆ ಕಾಮಿಡಿ ಮಾಡಿದ್ದಾರೆ.
ಈ ಒಂದು ಕ್ಲಿಪ್ ಅನ್ನು ಇನ್ಸ್ಟಾಗ್ರಾಮ್ನಲ್ಲಿ ಬಹಳಷ್ಟು ಹಂಚಿಕೊಳ್ಳಲಾಗಿದೆ. ಇದರಲ್ಲಿ ಇಬ್ಬರು ಮಹಿಳೆಯರು ವೇಗದಲ್ಲಿ ಸ್ಕೂಟರ್ನಲ್ಲಿ ಬರುತ್ತಾರೆ. ನಂತರ ಒಂದು ತಿರುವು ಬರುತ್ತದೆ. ಸ್ಕೂಟರ್ ಓಡಿಸುತ್ತಿದ್ದ ಮಹಿಳೆ ತಿರುವಲ್ಲಿ ವಾಹನ ಟರ್ನ್ ಮಾಡುವುದನ್ನು ಬಿಟ್ಟು ಮುಂಭಾಗದ ಗೋಡೆಗೆ ಗುದ್ದುತ್ತಾರೆ. ಇದರಿಂದಾಗಿ ಹಿಂದಿನ ಸೀಟಿನಲ್ಲಿ ಕುಳಿತ ಮಹಿಳೆ ನೇರವಾಗಿ ಹಾರಿಹೋಗಿ ಗೋಡೆಯ ಇನ್ನೊಂದು ಬದಿಯಲ್ಲಿ ಬೀಳುತ್ತಾಳೆ.
ಈ ವೀಡಿಯೊವನ್ನು ನವೆಂಬರ್ 14 ರಂದು ಇನ್ಸ್ಟಾಗ್ರಾಮ ಹ್ಯಾಂಡಲ್ @punjabi.singerz_ ನಿಂದ ಪೋಸ್ಟ್ ಮಾಡಲಾಗಿದೆ. ಇದರಲ್ಲಿ ಇಬ್ಬರು ಮಹಿಳೆಯರು ಸ್ಕೂಟರ್ನಲ್ಲಿ ಹೋಗುವಾಗ ವಾಹನವನ್ನು ತಿರುವಿನಲ್ಲಿ ತಿರುಗಿಸುವ ಬದಲು, ಅದು ನೇರವಾಗಿ ಮುಂಭಾಗದ ಗೋಡೆಗೆ ಅಪ್ಪಳಿಸುತ್ತದೆ. ಹಿಂದಿನ ಸೀಟಿನಲ್ಲಿ ಕುಳಿತ ಮಹಿಳೆ ಸ್ಕೂಟರ್ನಿಂದ ಹಾರಿ ಗೋಡೆಯ ಇನ್ನೊಂದು ಬದಿಯಲ್ಲಿ ಬೀಳುತ್ತಾಳೆ. ಈಗ ಈ ಕ್ಲಿಪ್ ನೋಡಿದ ಜನರು ಒಂದೇ ಮಾತನ್ನು ಹೇಳುತ್ತಿದ್ದಾರೆ ರಸ್ತೆ ಮಧ್ಯೆ ಗೋಡೆ ಕಟ್ಟಿದ್ದು ಯಾರು?
ಇದು ಗೋಡೆಯ ತಪ್ಪು ...
ಈ ಕ್ಲಿಪ್ ಅನ್ನು ಇನ್ಸ್ಟಾಗ್ರಾಮ ನಲ್ಲಿ ಹೆಚ್ಚಾಗಿ ವೀಕ್ಷಿಸಲಾಗುತ್ತಿದೆ. ಇದು ಪೋಸ್ಟ್ ಮಾಡಿದ ನಂತರ 8 ಲಕ್ಷ 53 ಸಾವಿರ ವೀಕ್ಷಣೆಗಳು ಮತ್ತು ಎಂಟು ಸಾವಿರಕ್ಕೂ ಹೆಚ್ಚು ಲೈಕ್ಗಳನ್ನು ಪಡೆದುಕೊಂಡಿದೆ. ಅನೇಕ ಬಳಕೆದಾರರು ಇದಕ್ಕೆ ಕಾಮೆಂಟ್ ಮಾಡಿದ್ದಾರೆ.
ವೀಡಿಯೋಕ್ಕೆ ಕಾಮೆಂಟ್ಗಳು ಹೀಗಿದೆ...
ಒಬ್ಬ ಬಳಕೆದಾರರು ಬರೆದಿದ್ದಾರೆ - ಗೋಡೆಯನ್ನು ತಪ್ಪಾದ ಸ್ಥಳದಲ್ಲಿ ನಿರ್ಮಿಸಲಾಗಿದೆ.
ಇನ್ನೊಬ್ಬರು - ಚಾಲಕ ಗೋಡೆಯನ್ನು ಅಲ್ಲಾಡಿಸಿದರು. ಇವರು ನಿಜಕ್ಕೂ ಶಕ್ತಿ ಶಾಲಿಗಳು ಎಂದಿದ್ದಾರೆ.
ಇನ್ನೂ ಕೆಲವು ಬುದ್ಧಿವಂತ ನೆಟ್ಟಿಗರು ಎಲ್ಲವೂ ಚೆನ್ನಾಗಿದೆ. ಆದರೆ ಕ್ಯಾಮೆರಾವನ್ನು ಮುಂದೆ ಇಟ್ಟವರು ಯಾರು ಎಂದು ಕೇಳಲು ಪ್ರಾರಂಭಿಸಿದ್ದಾರೆ.
'ಹುಡ್ಗೀರ್ಗೆ ಸ್ಕೂಟರ್ ಓಡಿಸಲು ಬರೋದೇ ಇಲ್ಲ ಗುರು... ' ಎಂದು ಇನ್ನೂ ಕೆಲವರಿ ಕಾಮಿಡಿ ಮಾಡಿದ್ದಾರೆ.
ಈ ಕ್ಲಿಪ್ ಅನ್ನು ನೋಡಿದ ನಂತರ ಅನೇಕ ಬಳಕೆದಾರರು ಸಿಕ್ಕಾಪಟ್ಟೆ ನಗಾಡಿದ್ದಾರೆ.
ಮದುವೆ ಮನೆಯಲ್ಲಿ ಬೆಂಕಿ ಡ್ಯಾನ್ಸ್:-
ಮದುವೆ ಮನೆಯಲ್ಲಿ ಹುಡುಗರು ಭರ್ಜರಿ ಡ್ಯಾನ್ಸ್ ಮಾಡಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಸ್ನೇಹಿತರು ಮತ್ತು ಸೋದರಸಂಬಂಧಿಗಳು ಮಾತ್ರ ಮದುವೆಗೆ ಒಂದು ಕಳೆ ತರುತ್ತಾರೆ. ಅವರಿಲ್ಲದೆ ಮದುವೆಯ ಮನೆಯಲ್ಲಿ ಕಳೆ ಇರುವುದಿಲ್ಲ. ಹೀಗೆ ಸಖತ್ ಡ್ಯಾನ್ಸ್ ಪರ್ಫಾರ್ಮೆನ್ಸ್ ನೀಡುತ್ತಿರುವ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವೈರಲ್ ಆಗಿರುವ ವಿಡಿಯೋದಲ್ಲಿ ಹುಡುಗರೆಲ್ಲ ತಲೆ ಮೇಲೆ ಚುನರಿ ಹಾಕಿಕೊಂಡು ನೆಲದ ಮೇಲೆ ಕುಳಿತಿರುವುದನ್ನು ನೋಡುತ್ತೀರಿ. ಬಳಿಕ ಈ ಹುಡುಗರ ಡ್ಯಾನ್ಸ್ ಅನ್ನ ಕಂಡು ಮದುವೆ ಆಗಮಿಸಿದ ಜನ ಎಂಜಾಯ್ ಮಾಡಿದ್ದಾರೆ.
ಕಾಮೆಂಟ್ ಹೀಗಿದೆ
ಒಬ್ಬ ಬಳಕೆದಾರ ಹೀಗೆ ಬರೆದಿದ್ದಾರೆ 'ನನ್ನ ಸೋದರಸಂಬಂಧಿ ಹೀಗಿಲ್ಲ, ನನ್ನ ಸಂಗಾತಿಯಾದರೂ ಹೀಗಿರಬೇಕು' ಎಂದು ನಾನು ಭಾವಿಸುತ್ತೇನೆ ಎಂದು ಕಾಮಿಡಿ ಮಾಡಿದ್ದಾರೆ.
ಇನ್ನೊಬ್ಬ ಬಳಕೆದಾರ, 'ಈ ಚುನರಿಯಲ್ಲಿ ನಾನು ಮಹಿಳೆ ಇರಬಹುದು ಎಂದು ಭಾವಿಸಿದ್ದೆ. ಆದರೆ ಪುರಷರೂ ಮಹಿಳೆಯರನ್ನು ಮೀರಿಸುವಂತೆ ನೃತ್ಯ ಮಾಡಿದ್ದಾರೆ... ಅದ್ಬುತ...' ಎಂದು ಬರೆದಿದ್ದಾರೆ.
ಇನ್ನೊಬ್ಬರು ಹೀಗೆ ಬರೆದಿದ್ದಾರೆ 'ಪ್ರತಿಯೊಬ್ಬರೂ ತಮ್ಮ ಮದುವೆಯಲ್ಲಿ ಹೀಗೆ ವಿಭಿನ್ನವಾಗಿ ನೃತ್ಯ ಮಾಡಬೇಕು. ಮದುವೆ ಕಳೆ ಹೆಚ್ಚಿಸುತ್ತದೆ'
'ನಾನೂ ಕೂಡ ಇದರಲ್ಲಿ ಭಾಗಿಯಾಗಲು ಇಷ್ಟಪಡುತ್ತೇನೆ. ನನ್ನನ್ನು ಇದರಲ್ಲಿ ಒಬ್ಬನ್ನನ್ನಾಗಿಸಿ' ಎಂದು ಮತ್ತೊಬ್ಬರು ಮನವಿ ಮಾಡಿಕೊಂಡಿದ್ದಾರೆ.
'ನಮ್ಮ ಮನೆಯಲ್ಲಿ ಅಕಸ್ಮಾತ್ ಆಗಿ ಈ ರೀತಿ ನೃತ್ಯ ಮಾಡಲು ಸೋದರ ಸಂಬಂಧಿಗಳು ಸಿದ್ಧರಾದರೂ ಮನೆಯವರು ಲಾಠಿ ಚಾರ್ಜ್ ಮಾಡುತ್ತಾರೆ' ಎಂದು ನಿಮ್ಮ ಅಭಿಪ್ರಾಯವನ್ನು ಕಾಮೆಂಟ್ ಮಾಡಿದ್ದಾರೆ.
ಪುರುಷರಿಗೆ ಪ್ರಪೋಸ್ ಮಾಡಿದ ಹುಡುಗ
ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಲೈಕ್ಸ್ ಪಡೆಯಲು ಹಲವರು ಜನ ಸಾಕಷ್ಟು ವಿಡಿಯೋಗಳನ್ನು ರಚಿಸುತ್ತಾರೆ. ತಮ್ಮ ಅನುಯಾಯಿಗಳನ್ನು ರಂಜಿಸಲು ಹೊಸ ಹೊಸ ಯೋಜನೆಗಳನ್ನು ರೂಪಿಸುತ್ತಲೇ ಇರುತ್ತಾರೆ. ಜನರ ಗಮನ ಸೆಳೆಯಲು ಕೆಲವು ಆಸಕ್ತಿದಾಯಕ ಕೆಲಸವನ್ನು ಮಾಡುತ್ತಾರೆ. ಪ್ರಣಯ್ ಜೋಷಿಯ ಅವರ ಇದೇ ರೀತಿಯ ರೀಲ್ ಇನ್ಸ್ಟಾಗ್ರಾಮ್ನಲ್ಲಿ ವೈರಲ್ ಆಗುತ್ತಿದೆ.
ಇದರಲ್ಲಿ ಅವರು ವಿವಾಹಿತರಿಗೆ ಪ್ರಪೋಸ್ ಮಾಡುತ್ತಿರುವುದು ಕಂಡುಬಂದಿದೆ. ಇದೊಂದು ತಮಾಷೆಯಷ್ಟೇ. ಆದರೆ ಮದುವೆಯ ಪ್ರಸ್ತಾಪವನ್ನು ಕೇಳಿದ ನಂತರ, ಜನರು ಅವನಿಗೆ ಅನೇಕ ಆಸಕ್ತಿದಾಯಕ ಉತ್ತರಗಳನ್ನು ನೀಡುತ್ತಾರೆ. ಕೆಲವರು ಮದುವೆಯ ಪ್ರಸ್ತಾಪದಿಂದ ಕೋಪಗೊಂಡು ಅವರನ್ನು ಕೆಟ್ಟದಾಗಿ ನೋಡುತ್ತಾ ಹೋಗುತ್ತಾರೆ. ಈ 49 ಸೆಕೆಂಡುಗಳ ರೀಲ್ ಇನ್ಸ್ಟಾಗ್ರಾಮ್ ನಲ್ಲಿ ಸುಮಾರು ಒಂದೂವರೆ ಮಿಲಿಯನ್ ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ಈ ವೀಡಿಯೋದಲ್ಲಿ ಪ್ರಣಯ್ ಸುಮಾರು 7 ಮಂದಿಗೆ ಗುಲಾಬಿ ನೀಡಿ ಮದುವೆಯ ಪ್ರಸ್ತಾಪ ಮಾಡಿದ್ದಾರೆ.
ಈ ವಿಡಿಯೋದಲ್ಲಿ ಸುಮಾರು 7 ಮಂದಿಗೆ ಗುಲಾಬಿ ನೀಡಿ ಮದುವೆಯ ಪ್ರಸ್ತಾಪ ಮಾಡಲಾಗುತ್ತದೆ. ಅವನು ಮೊದಲ ವ್ಯಕ್ತಿಗೆ ಹೇಳುತ್ತಾನೆ, ನಾನು ನಿನ್ನನ್ನು ದೂರದಿಂದ ನೋಡಿದಾಗ, ನಾನು ನಿನ್ನನ್ನು ತುಂಬಾ ಸುಂದರವಾಗಿ ಕಂಡುಕೊಂಡೆ, ನೀವು ನನ್ನನ್ನು ಮದುವೆಯಾಗುತ್ತೀರಾ? ಅದಕ್ಕೆ ಪ್ರತ್ಯುತ್ತರವಾಗಿ ಆ ವ್ಯಕ್ತಿ 'ಹಟ್ಟ್' ಎಂದು ಹೇಳಿ ಹೊರಟು ಹೋಗುತ್ತಾನೆ. ಇನ್ನೊಬ್ಬ ವ್ಯಕ್ತಿ ಅವನ ಪ್ರಸ್ತಾಪವನ್ನು ಕೇಳಿ, "ನಾನು ನಿನ್ನನ್ನು ಮದುವೆಯಾಗಿ ಏನು ಮಾಡಲಿ? ಎಂದು ಪ್ರಶ್ನೆ ಮಾಡಿದ್ದಾರೆ.
ಶಿಕಾಂಜಿಗೆ ವಿಮಲ್ ಪಾನ್ ಮಸಾಲಾ: ವೀಡಿಯೋ ವೈರಲ್
ಇದೀಗ ರಸ್ತೆ ಬದಿಯ ವ್ಯಾಪಾರಿಗಳು ಆಹಾರ ಮಾರುಕಟ್ಟೆಯಲ್ಲಿ ವಿವಿಧ ಪ್ರಯೋಗಾತ್ಮಕ ಖಾದ್ಯಗಳನ್ನು ಪರಿಚಯಿಸುತ್ತಿರುವುದು ಗೊತ್ತೇ ಇದೆ. ಪಾನ್ ದೋಸೆಯ ಇತ್ತೀಚಿನ ವೈರಲ್ ವೀಡಿಯೊವನ್ನು ಸಹ ನೀವು ನೋಡಿರಬೇಕು. ಈ ಆಘಾತದಿಂದ ಆಹಾರ ಪ್ರಿಯರು ಇನ್ನೂ ಚೇತರಿಸಿಕೊಂಡಿರಲಿಲ್ಲ, ಇದೀಗ ವಿಮಲ್ ಶಿಕಾಂಜಿ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಕಾಳ್ಗಿಚ್ಚಿನಂತೆ ವೈರಲ್ ಆಗುತ್ತಿದೆ. ಹೌದು, ವಿಮಲ್ ಶಿಕಾಂಜಿ ಅಂದರೆ ಶಿಕಾಂಜಿಗೆ ವಿಮಲ್ ಪಾನ್ ಮಸಾಲಾ ಬೆರೆಸುವುದು.
ವೀಡಿಯೋದಲ್ಲಿ ಬೀದಿ ವ್ಯಾಪಾರಿ ನೀರು ಮತ್ತು ಸೋಡಾಕ್ಕೆ ನಿಂಬೆ, ಪುದೀನ ಎಲೆಗಳು ಮತ್ತು ವಿಮಲ್ ಪಾನ್ ಮಸಾಲಾ ಸೇರಿಸುತ್ತಾರೆ. ಮೊದಲ ನೋಟದಲ್ಲಿ ಸಾಮಾನ್ಯ ಶಿಕಾಂಜಿಯಂತೆ ಕಾಣಿಸುತ್ತದೆ. ಆದರೆ ಪೂರ್ತಿ ವಿಡಿಯೋ ನೋಡಿದ ಮೇಲೆ ತಲೆ ಹಿಡಿದು ಕೂರುವುದಂತು ನಿಜ. ಶಿಕಾಂಜಿ ತಯಾರಿಸಿದ ನಂತರ ಬೀದಿ ವ್ಯಾಪಾರಿ ಇದಕ್ಕೆ ವಿಮಲ್ ಪಾನ್ ಮಸಾಲಾ ಬೆರೆಸುತ್ತಾರೆ. ನಂತರ ಚೆನ್ನಾಗಿ ಮಿಕ್ಸ್ ಮಾಡಿ ಗ್ರಾಹಕರಿಗೆ ನೀಡುತ್ತಾರೆ. ಈ ವಿಡಿಯೋಕ್ಕೆ ಸಾಕಷ್ಟು ಆಕ್ರೋಶ ವ್ಯಕ್ತವಾಗಿದೆ. ಬೀದಿ ಬದಿ ವ್ಯಾಪರಿಗಳು ಜನರ ಆರೋಗ್ಯದ ಜೊತೆಗೆ ಆಟ ಆಡುತ್ತಿದ್ದಾರೆ ಎಂದು ನೆಟ್ಟಿಗರು ಕಿಡಿ ಕಾರಿದ್ದಾರೆ.
ಈ ವೀಡಿಯೊವನ್ನು Instagram ಹ್ಯಾಂಡಲ್ Mr_Brijesh_official ನಲ್ಲಿ ಹಂಚಿಕೊಳ್ಳಲಾಗಿದೆ. ಇಲ್ಲಿಯವರೆಗೆ 43 ಮಿಲಿಯನ್ ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ಅಲ್ಲದೆ, 6 ಲಕ್ಷಕ್ಕೂ ಹೆಚ್ಚು ಬಳಕೆದಾರರು ಇದನ್ನು ಲೈಕ್ ಮಾಡಿದ್ದಾರೆ.
Click it and Unblock the Notifications
Sign in with Google