ವಿಶ್ವವಿದ್ಯಾಲಯಗಳ ಕ್ಯಾಂಪಸ್ ನಲ್ಲಿ ಜಂಕ್ ಫುಡ್ ನಿಷೇಧ: ಯುಜಿಸಿ
ನವದೆಹಲಿ, ಆಗಸ್ಟ್ 24: ವಿಶ್ವವಿದ್ಯಾಲಯಗಳ ಕ್ಯಾಂಪಸ್ ಗಳಲ್ಲಿ ಜಂಕ್ ಫುಡ್ ಗಳನ್ನು ನಿಷೇಧಿಸುವಂತೆ ಯುಜಿಸಿ(University Grants Commission)ಯು ಎಲ್ಲಾ ವಿಶ್ವವಿದ್ಯಾಲಯಗಳ ಉಪಕುಲಪತಿಗಳಿಗೆ ನೋಟೀಸ್ ನೀಡಿದೆ.
'ವಿದ್ಯಾರ್ಥಿಗಳು ಉತ್ತಮ ಆರೋಗ್ಯ ಕಾಯ್ದುಕೊಳ್ಳಲು ಮತ್ತು ಗುಣಮಟ್ಟದ ಆರೋಗ್ಯ ಸಂಸ್ಕೃತಿ ಬೆಳೆಸಲು, ಬೊಜ್ಜು ಕರಗಿಸಲು ನವೆಂಬರ್ 2016 ರಲ್ಲೇ ಎಲ್ಲಾ ಕಾಲೇಜುಗಳಲ್ಲಿ ಜಂಕ್ ಫುಡ್ ನಿಷೇದಿಸಲು ಸಲಹೆ ನೀಡಲಾಗಿತ್ತು. ಅದನ್ನು ಮತ್ತೊಮ್ಮೆ ನೆನಪಿಸುವ ಕಾರ್ಯ ಇದೀಗ ನಡೆಯುತ್ತಿದೆ.
ಈ ಕುರಿತು ಪ್ರತಿಕ್ರಿಯೆ ನೀಡಿದ ಯುಜಿಸಿ ಕಾರ್ಯದರ್ಶಿ ರಜನೀಶ್ ಜೈನ್, 'ಈ ನಿರ್ದೇಶನಗಳು ಕಡ್ಡಾಯವಲ್ಲವಾದರೂ ವಿಶ್ವವಿದ್ಯಾಲಯಗಳು ವಿದ್ಯಾರ್ಥಿಗಳ ಆರೋಗ್ಯದ ಹಿತದೃಷ್ಟಿಯಿಂದ ಈ ನಿರ್ಧಾರವನ್ನು ಸ್ವಾಗತಿಸುತ್ತವೆ ಎಂದು ಭಾವಿಸಿದ್ದೇವೆ' ಎಂದಿದ್ದಾರೆ.
ಈ ತಲೆಮಅರಿನ ಯುಕರ ಆರೋಗ್ಯ ಚಿಕ್ಕ ವಯಸ್ಸಿನಲ್ಲಿಯೇ ಹದಗೆಡುತ್ತಿರುವುದು, ವಯಸ್ಸಲ್ಲದ ವಯಸ್ಸಿನಲ್ಲಿ ಮಾರಕ ರೋಗಗಳಿಗೆ ತುತ್ತಗುವುದು ಎಲ್ಲಕ್ಕೂ ಜೀವನ ಶೈಲಿ ಮತ್ತ ಆರೋಗ್ಯ ಕ್ರಮವೇ ಕಾರಣ ಎಂಬುದನ್ನು ಅರಿತ ಯುಜಿಸಿ ಈ ಸಲಹೆಯನ್ನು ನೀಡಿದ್ದು, ಇದನ್ನು ಪಾಲಿಸಬೇಕೋ ಬೇಡವೋ ಎಂಬುದು ವಿಶ್ವವಿದ್ಯಾಲಯಗಳಿಗೆ ಬಿಟ್ಟಿದ್ದು.
Click it and Unblock the Notifications
Sign in with Google