ಟಿಕೆಟ್ ರದ್ದು: ಆದಾಯ ಸಂಗ್ರಹದಲ್ಲಿ ದಾಖಲೆ ಬರೆದ ಭಾರತೀಯ ರೈಲ್ವೆ, ಹರಿದುಬಂದ ಆದಾಯ ಎಷ್ಟು?
ಟಿಕೆಟ್ ರದ್ದತಿಯಿಂದ ರೈಲ್ವೆ ಇಲಾಖೆ ದಾಖಲೆಯ ಆದಾಯ ಸಂಗ್ರಹಿಸಿದೆ. ಹಾಗಾದರೆ ಎಷ್ಟು ಆದಾಯ ಹರಿದುಬಂದಿದೆ ಎನ್ನುವುದನ್ನು ಇಲ್ಲಿ ತಿಳಿಯಿರಿ.
ನವದೆಹಲಿ, ಫೆಬ್ರವರಿ, 19: ಸಾಮಾನ್ಯವಾಗಿ ರೈಲಿನಲ್ಲಿ ಪ್ರತಿನಿತ್ಯ ಸಾವಿರಾರು ಪ್ರಯಾಣಿಕರು ಪ್ರಯಾಣ ಮಾಡುತ್ತಾರೆ. ಅದರಲ್ಲಿಯೂ ಟಿಕೆಟ್ ಬುಕ್ ಮಾಡಿ ರೈಲನ್ನು ತಪ್ಪಿಸಿಕೊಂಡಂತಹ ಉದಾಹರಣೆಗಳನ್ನು ಕೇಳಿದ್ದೇವೆ. ಇನ್ನು ಕೆಲವರು ಕಾರಣಾಂತರಗಳಿಂದ ಬುಕ್ ಮಾಡಿದ ರೈಲು ಟಿಕೆಟ್ಗಳನ್ನು ರದ್ದು ಮಾಡುತ್ತಾರೆ. ಟಿಕೆಟ್ ರದ್ದು ಮಾಡಿದಂತಹ ಪ್ರಯಾಣಿಕರಿಂದ ಇಂತಿಷ್ಟು ಶುಲ್ಕ ಅಂತಾ ಹಿಡಿದುಕೊಳ್ಳಲಾಗುತ್ತದೆ. ಹೀಗೆ ಟಿಕೆಟ್ ರದ್ದು ಮಾಡಿರುವ ಪ್ರಯಾಣಿಕರಿಗೆ ಶುಲ್ಕ ಹಾಕುವ ಮೂಲಕ ಭಾರತೀಯ ರೈಲ್ವೆ ಆದಾಯ ಸಂಗ್ರಹದಲ್ಲಿ ದಾಖಲೆ ಬರೆದಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ. ಹಾಗಾದರೆ ರೈಲ್ವೆ ಗಳಿಸಿದ ಆದಾಯ ಎಷ್ಟು ಅನ್ನುವ ವಿವರವನ್ನು ಇಲ್ಲಿ ನೀಡಲಾಗಿದೆ.
ಟಿಕೆಟ್ ರದ್ದತಿಯಿಂದ ರೈಲ್ವೆ ಇಲಾಖೆ ದಾಖಲೆಯ ಆದಾಯ ಸಂಗ್ರಹಿಸಿದೆ. ಟಿಕೆಟ್ಗಳ ರದ್ದತಿಯಿಂದ ರೈಲ್ವೆಯು 1,900 ಕೋಟಿ ರೂಪಾಯಿಗಳ ಆದಾಯವನ್ನು ಗಳಿಸಿದೆ. ಇ-ಟಿಕೆಟ್ಗಳು ಮತ್ತು ಕಂಪ್ಯೂಟರೀಕೃತ ಪ್ಯಾಸೆಂಜರ್ ರಿಸರ್ವೇಶನ್ ಸಿಸ್ಟಮ್ ಕೌಂಟರ್ಗಳಿಂದ ಈ ಆದಾಯ ಬಂದಿದೆ. 2015ರ ನಿಯಮದ ಪ್ರಕಾರ ಟಿಕೆಟ್ ರದ್ದತಿಗೆ ಶುಲ್ಕವನ್ನು ವಿಧಿಸಲಾಗುತ್ತದೆ. ಸಂಸತ್ತಿನಲ್ಲಿ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಅವರು ಪ್ರತಿಕ್ರಿಯಿಸಿದ್ದು, ಐಆರ್ಸಿಟಿಸಿ ಆನ್ಲೈನ್ನಲ್ಲಿ ಕಾಯ್ದಿರಿಸಿದ ಇ-ಟಿಕೆಟ್ಗಳನ್ನು ಬುಕ್ ಮಾಡುವ ಪ್ರಯಾಣಿಕರಿಂದ ಭಾರತೀಯ ರೈಲ್ವೆ ಮತ್ತು ಪ್ರವಾಸೋದ್ಯಮ ಶುಲ್ಕವನ್ನು ವಿಧಿಸಿದೆ.
ಯಾವ ವರ್ಷ ಎಷ್ಟು ಆದಾಯ ಸಂಗ್ರಹ?
2019-2020 ಮತ್ತು 2022-2023 ನಡುವೆ ಇ-ಟಿಕೆಟ್ಗಳು ಸೇರಿದಂತೆ ಟಿಕೆಟ್ಗಳ ರದ್ದತಿಯಿಂದ ಒಟ್ಟು 1,949.98 ಕೋಟಿ ರೂ., 2021-22ರ ಆರ್ಥಿಕ ವರ್ಷದಲ್ಲಿ ಕೌಂಟರ್ ಮತ್ತು ಇ-ಟಿಕೆಟ್ ಎರಡರ ರದ್ದತಿಯಿಂದ ರೈಲ್ವೆಯು 694.08 ಕೋಟಿ ರೂಪಾಯಿಗಳ ಅತ್ಯಧಿಕ ಆದಾಯವನ್ನು ಗಳಿಸಿದೆ ಎಂದು ಮಾಹಿತಿ ನೀಡಿದ್ದರು. 2022-23ರ ಹಣಕಾಸು ವರ್ಷದಲ್ಲಿ ಹೊರಹೋಗುವ ಪ್ರಯಾಣಿಕರ ಟಿಕೆಟ್ ರದ್ದತಿಯಿಂದ ರೈಲ್ವೆಯು 604.40 ಕೋಟಿ ರೂಪಾಯಿಗಳನ್ನು ಗಳಿಸಿದೆ.
ರೈಲ್ವೆ ಸೂಚನೆಗಳ ಮೇರೆಗೆ ಶುಲ್ಕ ಸಂಗ್ರಹ
ಹವಾನಿಯಂತ್ರಿತ ಬೋಗಿ: ನೆಟ್ ಬ್ಯಾಂಕಿಂಗ್ ಅಥವಾ ಡೆಬಿಟ್-ಕ್ರೆಡಿಟ್ ಕಾರ್ಡ್ ಬಳಸಿ ಟಿಕೆಟ್ ಬುಕ್ ಮಾಡಿದರೆ 30 ರೂಪಾಯಿ ಮತ್ತು ಯುಪಿಐ ಮೂಲಕ ಬುಕ್ ಮಾಡಿದರೆ ಪ್ರತಿ ಟಿಕೆಟ್ಗೆ 20 ರೂಪಾಯಿ ವಿಧಿಸಲಾಗಿದೆ. ಇನ್ನು ಹವಾನಿಯಂತ್ರಿತವಲ್ಲದ ಬೋಗಿ: ನೆಟ್ ಬ್ಯಾಂಕಿಂಗ್ ಅಥವಾ ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್ ಮೂಲಕ ಬುಕ್ ಮಾಡಿದ ಪ್ರತಿ ಟಿಕೆಟ್ಗೆ 15 ರೂಪಾಯಿ ಮತ್ತು ಯುಪಿಎ ಬಳಸಿ ಬುಕ್ ಮಾಡಿದ ಟಿಕೆಟ್ಗೆ 10 ರೂಪಾಯಿ ಶುಲ್ಕವನ್ನು ವಿಧಿಸುತ್ತದೆ. ಟಿಕೆಟ್ ರದ್ದತಿಯಲ್ಲಿ ಪ್ರಯಾಣಿಕರಿಗೆ ಅನುಕೂಲಕರ ಶುಲ್ಕವನ್ನು ವಿಧಿಸಲಾಗುವುದಿಲ್ಲ ಎಂದು ತಿಳಿಸಿದರು. ಕಾಲಕಾಲಕ್ಕೆ ರೈಲ್ವೆಯ ಸೂಚನೆಗಳ ಆಧಾರದ ಮೇಲೆ ಶುಲ್ಕಗಳನ್ನು ಸಂಗ್ರಹಿಸಲಾಗುತ್ತದೆ.
ಕಾಯ್ದಿರಿಸುವ ಟಿಕೆಟ್ಗಳ ವಿವರ
ಪ್ರಸ್ತುತ, ರೈಲ್ವೆ ನಿಮಿಷಕ್ಕೆ ಸುಮಾರು 25,000 ಟಿಕೆಟ್ಗಳನ್ನು ಕಾಯ್ದಿರಿಸುವ ಸಾಮರ್ಥ್ಯವನ್ನು ಹೊಂದಿದೆ. "ಇದನ್ನು ಪ್ರತಿ ನಿಮಿಷಕ್ಕೆ 2.25 ಲಕ್ಷಕ್ಕೆ ಅಪ್ಗ್ರೇಡ್ ಮಾಡುವ ಗುರಿಯನ್ನು ಹೊಂದಲಾಗಿದೆ.
ತಾಂತ್ರಿಕ ಸುಧಾರಣೆ ಬಗ್ಗೆ ಸಚಿವರು ಹೇಳಿದ್ದೇನು?
ಮತ್ತು ತಾಂತ್ರಿಕ ಸುಧಾರಣೆಯನ್ನು ಸಹ ಮಾಡಲಾಗುತ್ತಿದೆ ಎಂದು ತಿಳಿಸಿದ್ದರು. ಇದೀಗ ಪ್ರತಿ ನಿಮಿಷಕ್ಕೆ 40,000 ವಿಚಾರಣೆಗಳಿಗೆ ಹಾಜರಾಗುವ ಸಾಮರ್ಥ್ಯವನ್ನು ಮುಂದಿನ ದಿನಗಳಲ್ಲಿ ನಿಮಿಷಕ್ಕೆ 4 ಲಕ್ಷಕ್ಕೆ ಹೆಚ್ಚಿಸಲು ರೈಲ್ವೆ ಕೆಲಸ ಮಾಡುತ್ತದೆ ಎಂದು ಸಚಿವರು ತಿಳಿಸಿದ್ದಾರೆ.
Click it and Unblock the Notifications
Sign in with Google