ಆದಾಯ ತೆರಿಗೆಯಲ್ಲಿ ಭಾರೀ ಇಳಿಕೆ? ಶುಭ ಕಾಲ ನಿರೀಕ್ಷಿಸಿ!
ನೋಟು ನಿಷೇಧದ ನಂತರ ನೇರ ಹಾಗೂ ಪರೋಕ್ಷ ತೆರಿಗೆಯಲ್ಲಿ ಭಾರೀ ಇಳಿಕೆ ಅಗಲಿದೆ ಎಂಬ ಇಶಾರೆ ವಿತ್ತ ಸಚಿವ ಅರುಣ್ ಜೇಟ್ಲಿ ಕೊಟ್ಟಿದ್ದರು. ಅದು ನಿಜವಾಗುವ ಎಲ್ಲ ಲಕ್ಷಣಗಳು ಗೋಚರವಾಗತೊಡಗಿವೆ. ಮೂಲಗಳು ಸಹ ಅದನ್ನು ಹೇಳುತ್ತಿವೆ
ಬೆಂಗಳೂರು, ಡಿಸೆಂಬರ್ 19 : ಆದಾಯ ತೆರಿಗೆಯಲ್ಲಿ ಗಣನೀಯ ಇಳಿಕೆ ಅಗಲಿದೆಯಾ? ಮೂಲಗಳ ಪ್ರಕಾರ ಹೌದು. ಮುಂಬರುವ ಆರ್ಥಿಕ ವರ್ಷದಲ್ಲಿ ತೆರಿಗೆ ಹೊರೆ ಇಲ್ಲದೆ ಆರಾಮವಾಗಿ ಇರಬಹುದು ಎಂಬ ಸುದ್ದಿ ಹರಿದಾಡುತ್ತಿದೆ. ಆರ್ಥಿಕ ಸಚಿವಾಲಯಕ್ಕೆ ಸಲ್ಲಿಸಿರುವ ಪ್ರಸ್ತಾವನೆ ಪ್ರಕಾರ ನಾಲ್ಕು ಲಕ್ಷ ರುಪಾಯಿವರೆಗಿನ ಆದಾಯಕ್ಕೆ ಯಾವುದೇ ತೆರಿಗೆ ಕಟ್ಟುವ ಅಗತ್ಯ ಇರುವುದಿಲ್ಲವಂತೆ.
ಇನ್ನು ನಾಲ್ಕು ಲಕ್ಷದಿಂದ ಹತ್ತು ಲಕ್ಷದವರೆಗಿನ ಆದಾಯಕ್ಕೆ ಶೇ 10ರಷ್ಟು ತೆರಿಗೆ ವಿಧಿಸುವ ಸಾಧ್ಯತೆಗಳಿವೆ. ಇನ್ನು ಹತ್ತರಿಂದ ಹದಿನೈದು ಲಕ್ಷದವರೆಗಿನ ಆದಾಯಕ್ಕೇ ಶೇ 15ರಷ್ಟು ಹಾಗೂ ಹದಿನೈದು ಲಕ್ಷದಿಂದ ಇಪ್ಪತ್ತು ಲಕ್ಷದವರೆಗಿನ ಆದಾಯಕ್ಕೆ ಶೇ 20ರಷ್ಟು ತೆರಿಗೆ, ಹಾಗೂ ಇಪ್ಪತ್ತು ಲಕ್ಷಕ್ಕೆ ಮೇಲ್ಪಟ್ಟ ಆದಾಯಕ್ಕೆ ಶೇ 30ರಷ್ಟು ತೆರಿಗೆ ವಿಧಿಸುವ ಸಾಧ್ಯತೆಯಿದೆ.[ತೆರಿಗೆ ಹೊರೆ ಕಡಿಮೆ ಆಗುತ್ತೆ: ವಿತ್ತ ಸಚಿವ ಅರುಣ್ ಜೇಟ್ಲಿ ಇಶಾರೆ]
ಸುದ್ದಿ ಆಧಾರ ರಹಿತ : ಮಾಧ್ಯಮಗಳಲ್ಲಿ ಬಂದಿರುವಂತೆ ಆದಾಯ ತೆರಿಗೆ ಸ್ಲಾಬ್ ಗಳಲ್ಲಿ ಬದಲಾವಣೆ ಮಾಡುತ್ತಿರುವ ಸುದ್ದಿಯನ್ನು ಕೇಂದ್ರ ಸರಕಾರದ ವಕ್ತಾರ ಫ್ರಾಂಕ್ ನರೋನ್ಹಾ ಅವರು 'ಆಧಾರ ರಹಿತ' ಎಂದು ಸಾರಾಸಗಟಾಗಿ ತಳ್ಳಿಹಾಕಿದ್ದಾರೆ. ಹೀಗಾಗಿ ಫೆಬ್ರವರಿ 1ರಂದು ಮಂಡಿಸಲಾಗುತ್ತಿರುವ ಕೇಂದ್ರ ಬಜೆಟ್ ವರೆಗೆ ಕಾಯಲೇಬೇಕು.
ಪ್ರಸ್ತುತ ಆದಾಯ ತೆರಿಗೆ ಸ್ಲಾಬ್ : ಈ ವರ್ಷ 2.5 ಲಕ್ಷದವರೆಗೆ ತೆರಿಗೆ ಇರಲಿಲ್ಲ. ಆ ನಂತರ 2.5ಯಿಂದ 5 ಲಕ್ಷದವರೆಗೆ ಶೇ.10 ತೆರಿಗೆ, 5ರಿಂದ 10 ಲಕ್ಷದವರೆಗೆ ಶೇ. 20 ಹಾಗೂ 10 ಲಕ್ಷದ ಮೇಲಿನ ಆದಾಯಕ್ಕೆ ಶೇ 30ರವರೆಗೆ ತೆರಿಗೆ ಇತ್ತು. ಅಪನಗದೀಕರಣದ ನಂತರ ತೆರಿಗೆಯಲ್ಲಿ ಮಹತ್ತರ ಬದಲಾವಣೆಗಳಾಗುವ ನಿರೀಕ್ಷೆಯಿತ್ತು. ಅದೀಗ ನಿಜವಾಗುವ ಲಕ್ಷಣಗಳು ಗೋಚರಿಸುತ್ತಿವೆ. ಊಹಾಪೋಹ ನಿಜವಾಗಲಿ ಎಂದು ಹಾರೈಸಿ.
Government spokesman Frank Noronha rejects media report about new income tax slabs; terms report 'baseless & unfounded'
— ANI (@ANI_news) December 19, 2016
Click it and Unblock the Notifications
Sign in with Google