ಸುಖೋಯ್ -30: ಬ್ಲ್ಯಾಕ್ ಬಾಕ್ಸ್ ಸಿಕ್ಕರೂ ಪೈಲೆಟ್ ಗಳು ಮಾತ್ರ ಪತ್ತೆಯಿಲ್ಲ!
ಇದೀಗ ಸುಖೋಯ್ - 30 ಯ ಬ್ಲಾಕ್ ಬಾಕ್ಸ್ ಪತ್ತೆಯಾಗಿದ್ದು, ಪೈಲೆಟ್ ಗಳ ಬಗ್ಗೆ ಮಾತ್ರ ಯಾವುದೇ ಮಾಹಿತಿ ದೊರೆತಿಲ್ಲ.
ಗುವಾಹಟಿ, ಮೇ 29: ಕಳೆದ ಮಂಗಳವಾರ (ಮೇ 23) ಕಾಣೆಯಾಗಿದ್ದ ಭಾರತೀಯ ವಾಯು ಸೇನೆಯ ಸುಖೋಯ್ - 30 ಯುದ್ಧ ವಿಮಾನದ ಭಗ್ನಾವಶೇಷಗಳು ಮೇ 26 ರಂದು ಭಾರತ-ಚೀನಾ ಗಡಿಯಲ್ಲಿ ಪತ್ತೆಯಾಗಿತ್ತು. ಆದರೆ ವಿಮಾನದಲ್ಲಿದ್ದ ಇಬ್ಬರು ಪೈಲೆಟ್ ಗಳ ಕತೆ ಏನಾಯಿತು ಎಂಬುದರ ಕುರಿತು ಮಾತ್ರ ಮಾಹಿತಿ ಸಿಕ್ಕಿರಲಿಲ್ಲ. .
ಇದೀಗ ಸುಖೋಯ್ - 30 ಯ ಬ್ಲಾಕ್ ಬಾಕ್ಸ್ ಪತ್ತೆಯಾಗಿದ್ದು, ಪೈಲೆಟ್ ಗಳ ಬಗ್ಗೆ ಮಾತ್ರ ಯಾವುದೇ ಮಾಹಿತಿ ದೊರೆತಿಲ್ಲ. ಅರುಣಾಚಲ ಪ್ರದೇಶದ ದಟ್ಟ ಕಾಡಿನಲ್ಲಿ ಬಿದ್ದಿದ್ದ ಸುಖೋಯ್-30 ಯಲ್ಲಿದ್ದ ಇಬ್ಬರು ಪೈಲೆಟ್ ಗಳು ಬದುಕಿರುವ ಸಾಧ್ಯತೆ ಕಡಿಮೆಯಾದರೂ ಅವರ ದೇಹವೇ ಪತ್ತೆಯಾಗದಿರುವುದು ಅಚ್ಚರಿ ಮೂಡಿಸಿದೆ.[ನಾಪತ್ತೆಯಾಗಿದ್ದ ಸುಖೋಯ್ 30 ಯುದ್ಧ ವಿಮಾನ ಭಾರತ-ಚೀನಾ ಗಡಿಯಲ್ಲಿ ಪತ್ತೆ]
ಭಾರತ ಹಾಗೂ ಚೀನಾ ಗಡಿಭಾಗದ ತೇಜ್ ಪುರ್ ಬಳಿ ಹಾರಾಟ ನಡೆಸಿದ್ದ ಸುಖೋಯ್ 30 ಮಂಗಳವಾರದಂದು ಕಣ್ಮರೆಯಾಗಿತ್ತು. ಮಂಗಳವಾರ ಮಧ್ಯಾಹ್ನ ತೇಜ್ ಪುರ್ ದ ವಾಯುನೆಲೆಯಿಂದ ಟೇಕಾಫ್ ಆಗಿ 60 ಕಿ.ಮೀ ಹಾರಾಟ ನಡೆಸಿದ ಬಳಿಕ ರೇಡಿಯೋ ಹಾಗೂ ರಡಾರ್ ಸಂಪರ್ಕ ಕಳೆದುಕೊಂಡಿತ್ತು.
Click it and Unblock the Notifications
Sign in with Google