ನೆಟ್ ಬ್ಯಾಂಕಿಂಗ್ ಫಂಡ್ ಟ್ರಾನ್ಸ್ ಫರ್ ಮೇಲಿನ ಶುಲ್ಕ ಇಳಿಕೆ

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಖಾತೆಗಳಿಂದ ಅಂತರ್ಜಾಲದ ಮೂಲಕ ಹಣ ವರ್ಗಾವಣೆಗೆ ವಿಧಿಸಲಾಗುತ್ತಿದ್ದ ಶುಲ್ಕದಲ್ಲಿ ಕಡಿತ. ಶೇ. 75ರಷ್ಟು ಶುಲ್ಕ ಕಡಿತಗೊಳಿಸಿರುವುದಾಗಿ ಎಸ್ ಬಿಐ ಆಡಳಿತ ಮಂಡಳಿಯ ಘೋಷಣೆ.

Updated: Thursday, July 13, 2017, 20:39 [IST]

ನವದೆಹಲಿ, ಜುಲೈ 13: ಇಂಟರ್ನೆಟ್ ಬ್ಯಾಂಕಿಂಗ್ ಮೂಲಕ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ (ಎಸ್ ಬಿಐ) ಖಾತೆಯಿಂದ ಮತ್ತೊಂದು ಖಾತೆಗೆ ಹಣ ವರ್ಗಾಯಿಸುವ ಸೇವೆಗೆ ವಿಧಿಸಲಾಗುತ್ತಿದ್ದ ಶುಲ್ಕವನ್ನು ಇಳಿಕೆ ಮಾಡಲಾಗಿದೆ.

ನ್ಯಾಷನಲ್ ಎಲೆಕ್ಟ್ರಾನಿಕ್ ಫಂಡ್ ಟ್ರಾನ್ಸ್ ಫರ್ (ಎನ್ ಇಎಫ್ ಟಿ) ಹಾಗೂ ರಿಯಲ್ ಟೈಮ್ ಗ್ರಾಸ್ ಡಿಟೆಲ್ಮೆಂಟ್ (ಆರ್ ಟಿಜಿಎಸ್) ಮಾದರಿಯ ಫಂಡ್ ಟ್ರಾನ್ಸ್ ಫರ್ ಗಳ ಮೇಲಿನ ಶುಲ್ಕಗಳಲ್ಲಿ ಶೇ. 75ರಷ್ಟನ್ನು ಇಳಿಕೆ ಮಾಡಿರುವುದಾಗಿ ಎಸ್ ಬಿಐ ಪ್ರಕಟಿಸಿದ್ದು, ಪರಿಷ್ಕೃತ ದರಗಳು ಜುಲೈ 15ರಿಂದ ಜಾರಿಗೆ ಬರಲಿವೆ ಎಂದು ಎಸ್ ಬಿಐ ಹೇಳಿದೆ.