Covid 19 Variant Eris: ಆತಂಕ ಸೃಷ್ಠಿಸಿದ ಕೋವಿಡ್ ರೂಪಾಂತರ ಎರಿಸ್: ತಿಳಿಯಬೇಕಾದ ಪ್ರಮುಖ ಮಾಹಿತಿ
ಎರಿಸ್ (Eris) ಅಥವಾ ಇಜಿ.5.1 (EG.5.1) ಹೆಸರಿನ ಹೊಸ ಕೋವಿಡ್ ರೂಪಾಂತರ ಯುಕೆಯಾದ್ಯಂತ ವೇಗವಾಗಿ ಹರಡುತ್ತಿದ್ದು ಆತಂಕ ಉಂಟುಮಾಡುತ್ತಿದೆ. ಜುಲೈ 31 ರಂದು ಇದನ್ನು ಹೊಸ ರೂಪಾಂತರವೆಂದು ಗುರುತಿಸಲಾಗಿದೆ, ಎರಿಸ್ ಓಮಿಕ್ರಾನ್ ಸ್ಟ್ರೈನ್ನ ಒಂದು ರೂಪಾಂತರವಾಗಿದೆ ಮತ್ತು ಹೆಚ್ಚಾಗಿ ಹರಡುತ್ತಿದ್ದು, ತೊಂದರೆ ಕೊಡಲಿದೆ ಎಂದು ಹೇಳಲಾಗಿದೆ.
ಸೋಂಕಿತರ ಸಂಖ್ಯೆ ಹೆಚ್ಚಳವಾಗುತ್ತಿರುವ ಕಾರಣ ದೇಶಾದ್ಯಂತ ಆಸ್ಪತ್ರೆಗಳಲ್ಲಿ ದಾಖಲಾತಿಗಳ ಹೆಚ್ಚಳವಾಗಿದೆ. ಇದು ಪ್ರತಿಕೂಲ ಹವಾಮಾನ ಮತ್ತು ಕ್ಷೀಣಿಸುತ್ತಿರುವ ರೋಗನಿರೋಧಕ ಶಕ್ತಿಯಿಂದ ವೈರಸ್ ಮತ್ತಷು ಮಾರಣಾಂತಿಕವಾಗಿದೆ. ಹೊಸ ತಳಿ ಎರಿಸ್ ಬಗ್ಗೆ ತಜ್ಞರು ಈಗಾಗಲೇ ಎಚ್ಚರಿಕೆ ನೀಡಿದ್ದಾರೆ. ಓಮಿಕ್ರಾನ್, ಆರ್ಕ್ಟುರಸ್ ಮತ್ತು ಎರಿಸ್ನ ಉಪವಿಭಾಗಗಳಿಂದ ಉತ್ತೇಜಿತವಾಗಿರುವ ಮತ್ತೊಂದು ಅಲೆ ಬರುವ ಸಾಧ್ಯತೆ ಇದೆ ಎಂದು ಹೇಳಿದ್ದಾರೆ.
ಯುಕೆ ಹೆಲ್ತ್ ಸೆಕ್ಯುರಿಟಿ ಏಜೆನ್ಸಿ (ಯುಕೆಎಚ್ಎಸ್ಎ) ಜುಲೈ 3, 2023 ರಿಂದ ಎರಿಸ್ ವೈರಸ್ಬಗ್ಗೆ ನಿಕಟವಾಗಿ ಮೇಲ್ವಿಚಾರಣೆ ಮಾಡುತ್ತಿದೆ, ಅಂತರರಾಷ್ಟ್ರೀಯ ವರದಿಗಳಲ್ಲಿ, ವಿಶೇಷವಾಗಿ ಏಷ್ಯನ್ ಪ್ರದೇಶಗಳಲ್ಲಿ ಗಮನಾರ್ಹ ಸೋಂಕಿತರ ಸಂಖ್ಯೆ ಗಮನಾರ್ಹವಾಗಿ ಹೆಚ್ಚಳವಾಗಿದೆ.
ಜುಲೈ 10 ರಿಂದ ಪ್ರಾರಂಭವಾಗುವ ವಾರದಲ್ಲಿ, ಯುಕೆಯಲ್ಲಿ ದಾಖಲಾದ ಕೋವಿಡ್ ಸೋಂಕಿತರಲ್ಲಿ ಸರಿಸುಮಾರು 11.8% ಸೋಂಕಿತರಲ್ಲಿ ಎರಿಸ್ನಿಂದ ಪೀಡಿತರಾಗಿದ್ದಾರೆ ಎಂದು ಗುರುತಿಸಲಾಗಿದೆ. ಈಗ ಇದು 14.6 ರಷ್ಟು ಸೋಂಕಿತರಲ್ಲಿ ಕಂಡು ಬರುತ್ತಿದ್ದು ಆತಂಕ ಮೂಡಿಸಿದೆ. ಈ ಬೆಳವಣಿಗೆಯಿಂದಾಗಿ EG.5.1 (ಎರಿಸ್) ವೈರಸ್ಅನ್ನು ವಿಶ್ವ ಆರೋಗ್ಯ ಸಂಸ್ಥೆ ಕೊರೊನಾ ರೂಪಾಂತರಗಳ ಪಟ್ಟಿಗೆ ಸೇರಿಸಿದೆ.
ಎರಿಸ್ ಸೋಂಕಿನ ರೋಗ ಲಕ್ಷಣಗಳು
ಎರಿಸ್ ತನ್ನ ಕೆಲವು ರೋಗಲಕ್ಷಣಗಳನ್ನು ಓಮಿಕ್ರಾನ್ ಸ್ಟ್ರೈನ್ನಿಂದ ಆನುವಂಶಿಕವಾಗಿ ಪಡೆದಿದೆ. ಈ ರೂಪಾಂತರಿಯಿಂದ ಸೋಂಕಿತರಾದವರಲ್ಲಿ ಪ್ರಮುಖವಾಗಿ ಈ ಐದು ಲಕ್ಷಣಗಳು ಕಂಡು ಬರುತ್ತವೆ.
ಸ್ರವಿಸುವ ಮೂಗು
ತಲೆನೋವು
ಆಯಾಸ
ಸೀನುವಿಕೆ
ಗಂಟಲು ನೋವು
ಹೊಸ ಅಲೆಯಿಂದ ಆತಂಕ ಸೃಷ್ಟಿ
ಹೊಸ ರೂಪಾಂತರಿ ವೈರಸ್ ಯುಕೆ ದೇಶಾದ್ಯಂತ ತೀವ್ರ ಪ್ರಭಾವ ಬೀರಬಹುದು ಎನ್ನುವ ಆತಂಕ ವ್ಯಕ್ತವಾಗಿದೆ. ಕ್ಷೀಣಿಸುತ್ತಿರುವ ರೋಗನಿರೋಧಕ ಶಕ್ತಿ ಮತ್ತು ಪ್ರತಿಕೂಲ ಹವಾಮಾನದ ಬಗ್ಗೆ ಇಂಡಿಪೆಂಡೆಂಟ್ ಸೇಜ್ನ ಸದಸ್ಯರಾದ ಪ್ರೊಫೆಸರ್ ಕ್ರಿಸ್ಟಿನಾ ಪೇಗೆಲ್ ಕಳವಳ ವ್ಯಕ್ತಪಡಿಸಿದ್ದಾರೆ.
ಜನರು ಹೆಚ್ಚಿನ ಸಮಯವನ್ನು ಮನೆಯೊಳಗೆ ಕಳೆಯುವುದರಿಂದ ಇತ್ತೀಚಿನ ನಿರಂತರ ಆರ್ದ್ರ ಹವಾಮಾನವು ಹೊಸ ವೈರಸ್ ಹೆಚ್ಚಾಗಿ ಹರಡಲು ಕಾರಣವಾಗಬಹುದು ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ಇದು ಕೇವಲ ಆರಂಭವಾಗಿರಬಹುದು ಮತ್ತು ಬೇಸಿಗೆಯ ರಜಾದಿನಗಳು ಮುಗಿದು ಶಾಲೆಗಳು ಮತ್ತು ಕೆಲಸದ ಸ್ಥಳಗಳು ಮತ್ತೆ ತೆರೆದಾಗ, ಅಲೆಯು ಸೆಪ್ಟೆಂಬರ್ನಲ್ಲಿ ಮತ್ತಷ್ಟು ಹೆಚ್ಚಬಹುದು ಎಂದು ಅವರು ಎಚ್ಚರಿಸಿದ್ದಾರೆ.
ಲಂಡನ್ನ ಇಂಪೀರಿಯಲ್ ಕಾಲೇಜ್ನ ಪ್ರಾಥಮಿಕ ಆರೈಕೆ ಮತ್ತು ಸಾರ್ವಜನಿಕ ಆರೋಗ್ಯದ ಮುಖ್ಯಸ್ಥ ಪ್ರೊಫೆಸರ್ ಅಜೀಮ್ ಮಜೀದ್, ಎರಿಸ್ ಬಗ್ಗೆ ಹೆಚ್ಚಿನ ಆತಂಕಪಡುವ ಅಗತ್ಯವಿಲ್ಲ ಎಂದು ಹೇಳುವ ಮೂಲಕ ಭಯ ಕಡಿಮೆ ಮಾಡಲು ಯತ್ನಿಸಿದ್ದಾರೆ.
ಪ್ರಕರಣಗಳ ಸಂಖ್ಯೆ ಏರಿಳಿತವಾಗುವುದು ಸ್ವಾಭಾವಿಕ ಎಂದು ಅವರು ಹೇಳಿದ್ದಾರೆ. ವಿಶ್ವ ಆರೋಗ್ಯ ಸಂಸ್ಥೆಯು ಎರಿಸ್ ಎನ್ನು ರೂಪಾಂತರ ಎಂದು ಗುರುತಿಸಿದೆ. ಆದರೆ ಅದು ಅಪಾಯಕಾರಿ ಎಂದು ಇನ್ನೂ ವರ್ಗೀಕರಿಸಿಲ್ಲ ಎಂದು ಹೇಳಿದರು.
-
Ananya Birla: ಆರ್ಸಿಬಿ ಅಭಿಮಾನಿಗಳು ಹಾಗೂ ಸಹೋದರನಿಗೆ ಅನನ್ಯಾ ಬಿರ್ಲಾ ವಿಶೇಷ ಸಂದೇಶ -
Karnataka Weather: ಬಿಸಿಲಿನಿಂದ ಕಂಗೆಟ್ಟಿದ್ದ ಕರುನಾಡಿಗೆ ತಂಪೆರೆಯಲಿದ್ದಾನೆ ವರುಣ; ಎಲ್ಲೆಲ್ಲಿ ಮಳೆ? ಇಲ್ಲಿದೆ ಮಾಹಿತಿ -
March 25 Horoscope: ಈ 3 ರಾಶಿಗಳಿಗೆ ಅದೃಷ್ಟದ ಬಾಗಿಲು ತೆರೆದುಕೊಳ್ಳಲಿದೆ -
SSLC ಇಂಗ್ಲೀಷ್ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು, ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Karnataka Rains: ಧಾರಾಕಾರ ಮಳೆ! 7 ಜಿಲ್ಲೆಗಳಿಗೆ 'ಆರೆಂಜ್', 15ಕ್ಕೂ ಹೆಚ್ಚು ಜಿಲ್ಲೆಗಳಿಗೆ 'ಯೆಲ್ಲೋ' ಅಲರ್ಟ್ -
Gold: ಚಿನ್ನ ಖರೀದಿ ಮತ್ತು ಮಾರಾಟಕ್ಕೆ ಇದು ಒಳ್ಳೆಯ ಸಮಯವಲ್ಲ ಎಂದ ಅರ್ಥಶಾಸ್ತ್ರಜ್ಞೆ ಮೇರಿ ಜಾರ್ಜ್ -
ಡಬಲ್ ಡೆಕ್ಕರ್ ಫ್ಲೈಓವರ್ ಸಹಿತ ನಮ್ಮ ಮೆಟ್ರೋ ಕಾರಿಡಾರ್: ಯೋಜನೆಗೆ ಜೈಕಾದಿಂದ 6,775 ರೂ ಸಾಲ: BMRCL -
ಐಪಿಎಲ್ ಇತಿಹಾಸದಲ್ಲೇ ಆರ್ಸಿಬಿಯ ಹೊಸ ಅಧ್ಯಾಯ: 16,000 ಕೋಟಿಗೆ ಫ್ರಾಂಚೈಸಿ ಖರೀದಿಸಿದ ಆರ್ಯಮನ್ ಬಿರ್ಲಾ ಯಾರು? -
Gold Rate: ದಿಢೀರ್ ಏರಿಕೆ ಕಂಡ ಬಂಗಾರದ ಬೆಲೆ; ಬೆಂಗಳೂರಿನಲ್ಲಿ ಚಿನ್ನದ ದರ ಹೀಗಿದೆ.. -
Kishore Kumar Huli: ಮೋದಿ ಹೇಳಿಕೆ ಹಂಚಿಕೊಂಡು ನಿಮಗೆ ನಾಚಿಕೆ ಇದೆಯೇ ಎಂದ ನಟ ಕಿಶೋರ್ ಕುಮಾರ್ -
Jobs: ರಾಜ್ಯದ ಸರ್ಕಾರಿ ವಿವಿಗಳಲ್ಲಿ 1000 ಬೋಧಕ ಹುದ್ದೆಗಳ ಭರ್ತಿಗೆ ಸರ್ಕಾರ ಗ್ರೀನ್ ಸಿಗ್ನಲ್ -
ಸಂಸದ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಈ ನಿರ್ಧಾರ ಎಲ್ಲರಿಗೂ ಮೇಲ್ಪಂಕ್ತಿಯಾಗಲಿ: ಪ್ರತಾಪ್ ಸಿಂಹ
Click it and Unblock the Notifications
Sign in with Google