ವಿಷಪೂರಿದ ಮದ್ಯ ಸೇವಿಸಿ 30ಕ್ಕೂ ಹೆಚ್ಚು ಮಂದಿ ಸಾವು, 48 ಮಂದಿಗೆ ಚಿಕಿತ್ಸೆ

ನವದೆಹಲಿ, ಫೆಬ್ರವರಿ 9: ಬಿಹಾರ, ಉತ್ತರ ಪ್ರದೇಶ ಹಾಗೂ ಉತ್ತರಾಖಾಂಡ​ ರಾಜ್ಯಗಳಲ್ಲಿ ವಿಷಪೂರಿತ ಮದ್ಯ ಸೇವಿಸಿ 18 ಮಂದಿ ಮೃತಪಟ್ಟಿದ್ದು 48ಕ್ಕೂ ಹೆಚ್ಚುಮಂದಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಉತ್ತರಾಖಾಂಡ​ನ ರೂರ್ಕಿಯಲ್ಲಿ 12 ಮಂದಿ ಸಾವಿಗೀಡಾಗಿದ್ದರೆ,ಉತ್ತರ ಪ್ರದೇಶದ ಸಹಾನ್​ಪುರ್ ಜಿಲ್ಲೆಯ ಡಿಯೋಬಾಂಡ್ ಪ್ರದೇಶದಲ್ಲಿ 5 ಮಂದಿ ಮೃತಪಟ್ಟಿದ್ದರೆ, 10 ಮಂದಿ ಸ್ಥಿತಿ ಚಿಂತಾಜನಕವಾಗಿದ್ದು,​ ಖುಷಿನಗರದಲ್ಲಿ 9 ಮಂದಿ ಅಸುನೀಗಿದ್ದಾರೆ.

ಬಿಹಾರದಲ್ಲೂ ಎರಡು ಪ್ರಕರಣ ಬೆಳಕಿಗೆ ಬಂದಿದ್ದು, ಇನ್ನು ಅನೇಕರು ಜಿಲ್ಲಾಸ್ಪತ್ರೆಗಳಿಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಬಕಾರಿ ಇಲಾಖೆಯ ಪೊಲೀಸ್​ ಅಧಿಕಾರಿಗಳನ್ನು ಮೂರು ರಾಜ್ಯಗಳಲ್ಲಿ ಅಮಾನತುಗೊಳಿಸಲಾಗಿದ್ದು, ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯಾನಾಥ್​ ಅವರು ಪ್ರಕರಣದ ತನಿಖೆಗೆ ಆದೇಶಿಸಿದ್ದಾರೆ. ಈ ಕುರಿತು ಶಹರಾನ್‌ಪುರ್ ಜಿಲ್ಲಾಧಿಕಾರಿ ಅಲೋಕ್ ಪಾಂಡೆ ಮಾಹಿತಿ ನೀಡಿದ್ದಾರೆ.

English summary

Thirty-four people died in two adjoining districts allegedly after drinking spurious liquor in Uttarakhand’s Haridwar district, officials said Friday. Sixteen of the victims died in Uttarakhand’s Balupur village itself and 18 deaths took place in Uttar Pradesh’s Saharanpur district.