'ಮಹಾ' ಚುನಾವಣೆ ಪೂರ್ವ ಸಮೀಕ್ಷೆ ಫಲಿತಾಂಶ!
ನವದೆಹಲಿ, ಅ 10 (ಪಿಟಿಐ): ಮುಂದಿನ ವಾರ (ಅಕ್ಟೋಬರ್ ಹದಿನೈದು) ನಡೆಯಲಿರುವ ಮಹಾರಾಷ್ಟ್ರದ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ ಏಕೈಕ ದೊಡ್ಡ ಪಕ್ಷವಾಗಿ ಹೊರಹೊಮ್ಮಲಿದೆ ಎಂದು ಚುನಾವಣಾಪೂರ್ವ ಸಮೀಕ್ಷೆ ಭವಿಷ್ಯ ನುಡಿದಿದೆ.
ದ ವೀಕ್ ಮತ್ತು ಹಂಸ ರಿಸರ್ಚ್ ನಡೆಸಿದ ಸಮೀಕ್ಷೆಯಲ್ಲಿ ಬಿಜೆಪಿ ನೇತೃತ್ವದ ಎನ್ಡಿಎ ಮೈತ್ರಿಕೂಟಕ್ಕೆ ಸ್ಪಷ್ಟ ಬಹುಮತ ಸಿಗಲಿವೆ. ಆಡಳಿತಾರೂಢ ಕಾಂಗ್ರೆಸ್ ಮೂರನೇ ಸ್ಥಾನಕ್ಕೆ ತೃಪ್ತಿ ಪಟ್ಟುಕೊಳ್ಳ ಬೇಕಾಗುತ್ತದೆ ಎಂದು ಸಮೀಕ್ಷೆಯಲ್ಲಿ ಹೇಳಲಾಗಿದೆ. (ಮಹಾ: ಬಿಜೆಪಿ-ಸೇನೆ ಮುಸುಕಿನ ಗುದ್ದಾಟ)
ಮುಖ್ಯಮಂತ್ರಿ ಸ್ಥಾನಕ್ಕೆ ಸೂಕ್ತ ಅಭ್ಯರ್ಥಿ ಯಾರು ಎನ್ನುವ ಪ್ರಶ್ನೆಗೆ ಮೊದಲು ಉದ್ಭವ್ ಠಾಕ್ರೆ, ನಂತರ ಪೃಥ್ವಿರಾಜ್ ಚೌಹಾಣ್ ಎಂದು ಸಮೀಕ್ಷೆಯಲ್ಲಿ ಜನಾಭಿಪ್ರಾಯ ವ್ಯಕ್ತವಾಗಿದೆ. ಬಿಜೆಪಿಯ ನಂತರ ಶಿವಸೇನೆ ಅತಿದೊಡ್ಡ ಪಕ್ಷವಾಗಿ ಹೊರಹೊಮ್ಮಲಿದೆ.
ಸಿಎಂ ಹುದ್ದೆಗೆ ಜನರ ನೆಚ್ಚಿನ ಅಭ್ಯರ್ಥಿ ಸಮೀಕ್ಷೆಯಲ್ಲಿ ಉದ್ಭವ್ ಠಾಕ್ರೆ, ಪೃಥ್ವಿರಾಜ್ ಚೌಹಾಣ್ ನಂತರ ಶರದ್ ಪವಾರ್, ರಾಜ್ ಠಾಕ್ರೆ ಮತ್ತು ಬಿಜೆಪಿಯ ದೇವೇಂದರ್ ಫಡ್ನವೀಸ್ ಇದ್ದಾರೆ. ದ ವೀಕ್ ಮತ್ತು ಹಂಸ ರಿಸರ್ಚ್ ಸಮೀಕ್ಷೆ ಪ್ರಕಾರ ಯಾವ ಪಕ್ಷಕ್ಕೆ ಎಷ್ಟು ಸ್ಥಾನ
ಸಿಗಬಹುದೆಂದು ಕೆಳಗೆ ನೀಡಲಾಗಿದೆ.
ಮಹಾರಾಷ್ಟ್ರ ಸದನದ ಒಟ್ಟು ಬಲಾಬಲ - 288 (ಆವರಣದಲ್ಲಿ ಹಿಂದಿನ ಚುನಾವಣೆಯ ಫಲಿತಾಂಶ)
ಬಿಜೆಪಿ - 154 (46)
ಶಿವಸೇನೆ - 47 (45)
ಕಾಂಗ್ರೆಸ್ - 25 (82)
ಎನ್ಸಿಪಿ - 17 (62)
ಎಂಎನ್ಎಸ್ - 10 (13)
ಇತರರು - (54)
ಇಂಡಿಯಾ ಟುಡೇ ಮತ್ತು CICERO ಸಮೀಕ್ಷೆ ಪ್ರಕಾರ
ಬಿಜೆಪಿ - 133 (46)
ಶಿವಸೇನೆ - 54 (45)
ಕಾಂಗ್ರೆಸ್ - 30 (82)
ಎನ್ಸಿಪಿ - 33 (62)
ಎಂಎನ್ಎಸ್ - 14 (13)
Click it and Unblock the Notifications
Sign in with Google