ISRO Mission: ಇಸ್ರೋ 16 ಉಪಗ್ರಹಗಳು ಯಾವುವು, ನಾಪತ್ತೆಗೆ ಕಾರಣ & ನೀವು ತಿಳಿಯಬೇಕಾದ 5 ಅಂಶಗಳು

ಆಂಧ್ರಪ್ರದೇಶ: ಆಂಧ್ರಪ್ರದೇಶದ ಶ್ರೀಹರಿಕೋಟಾದ ಒಟ್ಟು 16 ಉಪಗ್ರಹಗಳನ್ನು ಉಡಾವಣೆ ಮಾಡಲಾಗಿತ್ತು. ಆದರೆ ಉಪಗ್ರಹ ಉಡಾವಣೆಯು ಯಶಸ್ವಿಯಾಗಿ ಆಗಿದೆ ಎಂದು ಭಾರತೀಯರು ಸಂಭ್ರಮಿಸುತ್ತಿರುವಾಗಲೇ ಕಹಿ ಸುದ್ದಿ ಎದುರಾಗಿದೆ. 16 ಉಪಗ್ರಹಗಳು ನಾಪತ್ತೆ ಆಗಿವೆ ಈ ಬಗ್ಗೆ ವಿಸ್ತೃತವಾದ ತನಿಖೆ ಹಾಗೂ ವಿಶ್ಲೇಷಣೆಯನ್ನು ನಾವು ಮಾಡುತ್ತಿದ್ದೇವೆ ಎಂದು ಇಸ್ರೋ ಹೇಳಿದೆ.

ಸೋಮವಾರ ಜನವರಿ 12ರಂದು 260 ಟನ್ ತೂಕದ PSLV-DL ರೂಪಾಂತರವು ಬೆಳಿಗ್ಗೆ 10.17 ಕ್ಕೆ ನಭಕ್ಕೆ ಜಿಗಿತ ಕಂಡಿತ್ತು. ಬಾಹ್ಯಾಕಾಶಕ್ಕೆ ಉಡಾವಣೆಯಾದ ಮೇಲೆ ಮೊದಲ ಎರಡು ಹಂತಗಳು ಮತ್ತು ಬೇರ್ಪಡುವಿಕೆಯಲ್ಲಿ ಯಶಸ್ವಿಯಾಗಿದ್ದವು. ಆದರೆ ಮೂರನೇ ಹಂತದಲ್ಲಿ ಸಮಸ್ಯೆ ಎದುರಾಗಿದ್ದು, ಉಪಗ್ರಹಗಳು ನಾಪತ್ತೆ ಆಗಿವೆ. ಇಸ್ರೋದ PSLV-C62 ಮಿಷನ್ ವಿಫಲವಾಗಿದ್ದರಿಂದ ಭಾರತದ ಬಾಹ್ಯಾಕಾಶ ಮಹತ್ವಾಕಾಂಕ್ಷೆಗಳು ದೊಡ್ಡ ಹಿನ್ನಡೆ ಆಗಿದೆ. ಆದರೆ ಪ್ರತಿಬಾರಿಯೂ ಇಸ್ರೋ ಪುಟಿದೆದ್ದಿದೆ. ಶ್ರೀಹರಿಕೋಟಾದ ಬಾಹ್ಯಾಕಾಶ ಕೇಂದ್ರದಿಂದ ಯಶಸ್ವಿ ಉಡಾವಣೆಯ ಹೊರತಾಗಿಯೂ ಎಲ್ಲಾ 16 ಉಪಗ್ರಹಗಳು ಕಳೆದುಹೋಗಿವೆ. ವೈಫಲ್ಯಕ್ಕೆ ಕಾರಣಗಳೇನು ಹಾಗೂ ಆ 16 ಉಪಗ್ರಹಗಳು ಯಾವುವು ಎನ್ನುವ ವಿವರ ಇಲ್ಲಿದೆ.

16 ಉಪಗ್ರಹಗಳ ನಾಪತ್ತೆ: ಮಿಷನ್ ಬ್ರೇಕ್‌ಡೌನ್

ಭಾರತೀಯ ವಿದ್ಯಾರ್ಥಿ ಪೇಲೋಡ್‌ಗಳು, ಖಾಸಗಿ ಸಂಸ್ಥೆಯ ಪ್ರಯೋಗಗಳು ಹಾಗೂ ಸ್ಪೇನ್‌ನ KID ಸೇರಿದಂತೆ ಅಭಿವೃದ್ಧಿಪಡಿಸಲಾಗಿದ್ದ ಒಟ್ಟು 16 ಉಪಗ್ರಹಗಳು ನಾಪತ್ತೆಯಾಗಿವೆ. ಸಮುದ್ರ ಕಣ್ಗಾವಲುಗಾಗಿ DRDOದ EOS-N1 (ಅನ್ವೇಷ) ಪ್ರಾಥಮಿಕ ಉಪಗ್ರಹವು ಸೇರಿದಂತೆ ಈ ಉಪಗ್ರಹಗಳನ್ನು 505 ಕಿ.ಮೀ ಸೂರ್ಯ-ಸಿಂಕ್ರೊನಸ್ ಕಕ್ಷೆಗೆ ತಲುಪಿಸುವ ಗುರಿಯನ್ನು ಹಾಕಿಕೊಳ್ಳಲಾಗಿತ್ತು. ಇಸ್ರೋ ತನ್ನ ನಿಗದಿತ ಪಥದಿಂದ ಹಾರಾಟದ ತಪ್ಪು ಪಥವನ್ನು ದೃಢಪಡಿಸಿದೆ. ಈ ವಿಚಾರವಾಗಿ ತನಿಖೆ ನಡೆದಿದೆ.

ಉಪಗ್ರಹ ಉಡಾವಣೆ ವೈಫಲ್ಯಕ್ಕೆ ಕಾರಣವೇನು

ಇನ್ನು ಉಡಾವಣೆಯಲ್ಲಿ ಉಪಗ್ರಹಗಳ ಬೇರ್ಪಡುವಿಕೆಯಲ್ಲಿ ಹಾಗೂ ಮೂರನೇ ಹಂತದ ನಂತರ ನಿರ್ದಿಷ್ಟ ಪಥದಲ್ಲಿ ಆಗಿರುವ ಅಡಚಣೆಯಿಂದ ಉಪಗ್ರಹಗಳು ನಾಪತ್ತೆ ಆಗಿರುವ ಸಾಧ್ಯತೆ ಇದೆ ಎಂದು ಪ್ರಾಥಮಿಕ ಹಂತದಲ್ಲಿ ಹೇಳಲಾಗಿದೆ. ಈ ಬಗ್ಗೆ ನಾವು ತನಿಖೆ, ವಿಶ್ಲೇಷಣೆ ಪ್ರಾರಂಭಿಸಿದ್ದೇವೆ ಎಂದು ಇಸ್ರೋ ಹೇಳಿದೆ. ಈ ಬಗ್ಗೆ ಇನ್ನಷ್ಟು ನಿಖರ ಮಾಹಿತಿ ನಿರೀಕ್ಷಿಸಲಾಗಿದೆ.

2026ರ ಇಸ್ರೋದ ವರ್ಷದ ಮೊದಲ ಮಿಷನ್, PSLV-C62, ಹಾರಾಟದ ಮೂರನೇ ಹಂತದ ಸಮಯದಲ್ಲಿ ತಾಂತ್ರಿಕ ಸಮಸ್ಯೆಯಿಂದ ತನ್ನ ಪೇಲೋಡ್‌ಗಳನ್ನು ಕಕ್ಷೆಗೆ ಸೇರಿಸಲು ವಿಫಲ. ಶ್ರೀಹರಿಕೋಟಾದಿಂದ ಉಡಾವಣೆಯಾದ ಸುಮಾರು 10 ರಿಂದ 12 ನಿಮಿಷಗಳ ನಂತರ ಮಿಷನ್ ಅಂತ್ಯ.

ಮೂರನೇ ಹಂತದಲ್ಲಿ ಸಮಸ್ಯೆ: ಇನ್ನು ಉಪಗ್ರಹಗಳ ಉಡಾವಣೆಯು ಯಶಸ್ವಿಯಾಗಿ ನಡೆಯಿತು. ಆದರೆ ಮೂರನೇ ಹಂತದಲ್ಲಿ ಸಮಸ್ಯೆ ಎದುರಾಯಿತು. ಮೂರನೇ ಹಂತದ ಕಾರ್ಯಾಚರಣೆಯ ಅಂತ್ಯದ ವೇಳೆಗೆ ರೋಲ್ ದರಗಳಲ್ಲಿ ಗಮನಾರ್ಹ ಅಡಚಣೆ ಎದುರಾಯಿತು.

ರಾಕೆಟ್‌ನ ಯೋಜಿತ ಹಾರಾಟದ ಮಾರ್ಗದಲ್ಲಿ ಪ್ರಮುಖ ವಿಚಲನ ಸೃಷ್ಟಿ. ವಿಚಲನದಿಂದಾಗಿ ಉಪಗ್ರಹಗಳನ್ನು ಅವುಗಳ ಉದ್ದೇಶಿತ ಸೂರ್ಯ-ಸಿಂಕ್ರೊನಸ್ ಕಕ್ಷೆಗೆ ಸೇರಿಸಲು ಅಗತ್ಯವಾದ ವೇಗ ಸಿಗದೆ ವೈಫಲ್ಯ.

ಜನವರಿ 12ರಂದು ಇಸ್ರೋ ಉಡಾವಣೆ ಮಾಡಿದ 16 ಉಪಗ್ರಹಗಳು ಯಾವುದು ?

ಅನ್ವೇಷಾ (ಇಒಎಸ್-ಎನ್1): ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್‌ಡಿಒ) ಅಭಿವೃದ್ಧಿಪಡಿಸಿದ್ದ ಉಪಗ್ರಹ ಇದಾಗಿತ್ತು. ಹೈಟೆಕ್ ಹೈಪರ್‌ಸ್ಪೆಕ್ಟ್ರಲ್ ಇಮೇಜಿಂಗ್ ಉಪಗ್ರಹ. ಇದನ್ನು ಸುಧಾರಿತ ಗಡಿ ಕಣ್ಗಾವಲು, ಕೃಷಿ ಮೇಲ್ವಿಚಾರಣೆ ಮತ್ತು ಪರಿಸರ ಅಧ್ಯಯನಕ್ಕಾಗಿ ವಿನ್ಯಾಸಗೊಳಿಸಲಾಗಿತ್ತು.

ಸಹ - ಉಪಗ್ರಹಗಳು ಒಟ್ಟು 15: ಇನ್ನುಳಿದ 15 ಉಪಗ್ರಹಗಳು ನ್ಯೂಸ್ಪೇಸ್ ಇಂಡಿಯಾ ಲಿಮಿಟೆಡ್ (ಎನ್‌ಎಸ್‌ಐಎಲ್) ನಿರ್ವಹಿಸುವ ಅಂತರರಾಷ್ಟ್ರೀಯ ಮತ್ತು ವಾಣಿಜ್ಯ ಪೇಲೋಡ್‌ಗಳಾಗಿವೆ. ಇವುಗಳಲ್ಲಿ ದೇಶೀಯ ಭಾರತೀಯ ಸ್ಟಾರ್ಟ್-ಅಪ್‌ಗಳ ಸಣ್ಣ ಉಪಗ್ರಹಗಳು ಮತ್ತು ಬಹು ದೇಶಗಳ ಅಂತರರಾಷ್ಟ್ರೀಯ ಉಪಗ್ರಹಗಳು ಸಹ ಸೇರಿವೆ.

English summary

ISRO Mission Explained: What Are the 16 Satellites, Why They Disappeared & 5 Key Things to Know.