Haryana Assembly Election 2024 LIVE: ಸುಸೂತ್ರವಾಗಿ ನಡೆದ ಮತದಾನ, ಎಕ್ಸಿಟ್ ಫೋಲ್ ಫಲಿತಾಂಶ ಪ್ರಕಟ
ಹರಿಯಾಣದಲ್ಲಿ ವಿಧಾನಸಭಾ ಚುನಾವಣೆ 2024ರ ಮತದಾನ ಇಂದು ಶನಿವಾರ ಅಕ್ಟೋಬರ್ 5 ರಂದು ನಡೆಯಲಿದೆ. ಒಟ್ಟು 90 ಸೀಟುಗಳಿಗೆ ಮತದಾನ ಜರುಗಲಿದೆ. ನಿರುದ್ಯೋಗ, ರೈತರ ಸಮಸ್ಯೆ ಇನ್ನಿತರ ಕಾರಣಗಳಿಂದ ಹರಿಯಾಣ ಚುನಾವಣೆ ಹೆಚ್ಚು ಗಮನ ಸೆಳೆಯುತ್ತಿದೆ. ಈ ಭಾರಿ ಒಟ್ಟು 1031 ಮಂದಿ ಅಭ್ಯರ್ಥಿಗಳು ಕಣಕ್ಕಿಳಿದಿದ್ದಾರೆ. ರಾಜ್ಯದಲ್ಲಿ ಶೇಕಡಾ 47ರಷ್ಟು ಮಹಿಳಾ ಅಭ್ಯರ್ಥಿಗಳು ಮತದಾನ ಮಾಡಲಿದ್ದಾರೆ. ರಾಜ್ಯ ಚುನಾವಣೆ ಆಯೋಗ ಮತಗಟ್ಟೆ, ಸಿಬ್ಬಂದಿ ಸೇರಿದಂತೆ ಸಕಲ ಸಿದ್ಧತೆ ಮಾಡಿಕೊಂಡಿದೆ.
ಪುರುಷ ಅಭ್ಯರ್ಥಿಗಳು 930 ಮತ್ತು 101 ಮಹಿಳಾ ಅಭ್ಯರ್ಥಿಗಳು ಕಣದಲಿದ್ದು, ಇವರ ಭವಿಷ್ಯ ಇಂದು ನಿರ್ಧಾರವಾಗಲಿದೆ. ಬೆಳಗ್ಗೆ 7 ಗಂಟೆಯಿಂದ ಸಂಜೆ 6 ಗಂಟೆವರೆಗೆ ಮತದಾನ ನಡೆಯಲಿದೆ. ದೇಶದ ಶ್ರೀಮಂತೆ ಸಾವಿತ್ರಿ ಜಿಂದಾಲ್, ಕುಸ್ತಿಪಟು ವಿನೇಶ್ ಪೋಗಟ್ ನಂತಹ ಖ್ಯಾತ ಅಭ್ಯರ್ಥಿಗಳು ಸ್ಪರ್ಧಿಸಿದ್ದಾರೆ. ಬಿಜೆಪಿ, ಕಾಂಗ್ರೆಸ್ ಬಂಡಾಯ ಬಿಸಿ ಎದುರಿಸಿವೆ. ಈ ಬಾರಿಯ ಚುನಾವಣೆ ಬಿಜೆಪಿಗೆ ಪ್ರತಿಷ್ಠೆಯಾಗಿದೆ. ಅಕ್ಟೋಬರ್ 8ರಂದು ಫಲಿತಾಂಶ ಪ್ರಕಟವಾಗಲಿದೆ. ಇಂದಿನ ಮತದಾನದ ಕ್ಷಣ ಕ್ಷಣದ ಮಾಹಿತಿಗಾಗಿ 'ಒನ್ ಇಂಡಿಯಾ ಕನ್ನಡದ' ನೇರ ಪ್ರಸಾರ ವೀಕ್ಷಿಸಬಹುದು.
ಹರಿಯಾಣದಲ್ಲಿ ಇಂದು ವಿಧಾನಸಭೆ ಚುನಾವಣೆಯ ಮತದಾನ ಯಶಸ್ವಿಯಾಗಿ ಸಂಪನ್ನಗೊಂಡಿದೆ. 90 ಸದಸ್ಯ ಬಲದ ಹರಿಯಾಣ ವಿಧಾನಸಭೆಗೆ ಎಲ್ಲ ಮತ ಕೇಂದ್ರಗಳಲ್ಲಿ ಮತದಾನ ಪ್ರಕ್ರಿಯೆ ಮುಗಿದಿದ್ದು, ಸಂಜೆ 5 ಗಂಟೆವರೆಗೆ ಶೇ 61ರಷ್ಟು ಮತದಾನ ಆಗಿರುವುದಾಗಿ ಭಾರತೀಯ ಚುನಾವಣಾ ಆಯೋಗ ತಿಳಿಸಿದೆ
ಹರಿಯಾಣದಲ್ಲಿ ಸಂಜೆ 4 ಗಂಟೆಯವರೆಗೆ ಎಷ್ಟು ಮತದಾನ?
ಹರಿಯಾಣದಲ್ಲಿ ಸಂಜೆ 4 ಗಂಟೆಯವರೆಗೆ 54.3 ರಷ್ಟು ಮತದಾನವಾಗಿದೆ. ಎಲ್ಲಿ ಎಷ್ಟು ಮತದಾನವಾಗಿದೆ ಎಂದು ನೊಡುವುದಾದರೆ, ಪಂಚಕುಲದಲ್ಲಿ - 53.5, ಅಂಬಾಲಾ - 55.6, ಯಮುನಾನಗರ - 63.0, ಕುರುಕ್ಷೇತ್ರ - 55.6, ಕೈತಾಲ್ - 60.4, ಕರ್ನಾಲ್ - 52.3, ಪಾಣಿಪತ್ - 58.1, ಸೋನಿಪತ್ - 53.1, ಜಿಂದ್ - 59.1, ಫತೇಹಾಬಾದ್ - 55.9, ಸಿರ್ಸಾ - 54.8, ಹಿಸಾರ್ - 54.7, ಭಿವಾನಿ - 58.7, ಚರ್ಕಿ ದಾದ್ರಿ - 58.1, ರೋಹ್ಟಕ್ - 52.3, ಝಜ್ಜರ್ - 51.7, ಮಹೇಂದ್ರಗಢ - 53.6, ರೆವಾರಿ - 53.2, ಗುರುಗ್ರಾಮ್ - 47.8, ಮೇವಾಟ್ - 60.6, ಪಲ್ವಾಲ್ - 57.1, ಫರಿದಾಬಾದ್ - 44.2ರಷ್ಟು ಮತದಾನವಾಗಿದೆ
ಇಂದಿನ ಹರಿಯಾಣ ವಿಧಾನಸಭೆ ಚುನಾವಣೆಯಲ್ಲಿ ಮಧ್ಯಾಹ್ನ 3 ಗಂಟೆಯವರೆಗೆ ಶೇ 49.13ರಷ್ಟು ಮತದಾನವಾಗಿದೆ ಎಂದು ಭಾರತದ ಚುನಾವಣಾ ಆಯೋಗದ ಹೇಳಿದೆ
ಹರಿಯಾಣದ ಎಎಪಿ ಅಧ್ಯಕ್ಷ ಸುಶೀಲ್ ಗುಪ್ತಾ ಮಾತನಾಡಿ, "ಇಂದು ಹರಿಯಾಣ ಪ್ರಜಾಪ್ರಭುತ್ವದ ಹಬ್ಬವನ್ನು ಆಚರಣೆ ಮಾಡಿದೆ. ಜನರು ಬದಲಾವಣೆಗಾಗಿ ಮತದಾನ ಮಾಡಿದ್ದಾರೆ. ಅವರು ರಾಜ್ಯದಲ್ಲಿ ಉತ್ತಮ ಶಿಕ್ಷಣ ಮತ್ತು ಆರೋಗ್ಯ ಸೇವೆಗಾಗಿ ಕಾಯುತ್ತಿದ್ದಾರೆ. ಎಎಪಿ ರಾಜ್ಯದಲ್ಲಿ 3ನೇ ವಿರೋಧ ಪಕ್ಷವಾಗಲಿದೆ" ಎಂದು ಹೇಳಿದ್ದಾರೆ.
ಹರಿಯಾಣದಲ್ಲಿ ಮಧ್ಯಾಹ್ನ 3 ಗಂಟೆಯವರೆಗೆ ಎಷ್ಟು ಮತದಾನ?
ಹರಿಯಾಣ ವಿಧಾನಸಭೆ ಚುನಾವಣೆಯಲ್ಲಿ ಮಧ್ಯಾಹ್ನ 3 ಗಂಟೆಯವರೆಗೆ ಶೇ.49.13ರಷ್ಟು ಮತದಾನವಾಗಿದೆ. ಯಮುನಾನಗರದಲ್ಲಿ ಅತಿ ಹೆಚ್ಚು ಅಂದರೆ ಶೇ.56.79ರಷ್ಟು ಮತದಾನವಾಗಿದ್ದು, ಗುರುಗ್ರಾಮದಲ್ಲಿ ಅತಿ ಕಡಿಮೆ ಅಂದರೆ ಶೇ.38.61ರಷ್ಟು ಮತದಾನವಾಗಿದೆ. ಎಲ್ಲಿ ಎಷ್ಟು ಮತದಾನವಾಗಿದೆ ಎಂದು ನೋಡುವುದಾದರೆ- ಅಂಬಾಲಾ - 49.39, ಭಿವಾನಿ - 50.31, ಚರ್ಕಿ ದಾದ್ರಿ - 47.08, ಫರಿದಾಬಾದ್ - 41.74, ಫತೇಹಾಬಾದ್ - 52.46, ಗುರುಗ್ರಾಮ್ - 38.61, ಹಿಸಾರ್ - 51.25, ಝಜ್ಜರ್ - 49.68, ಜಿಂದ್ - 53.94, ಕೈತಾಲ್ - 50.58, ಕರ್ನಾಲ್ - 49.17, ಕುರುಕ್ಷೇತ್ರ - 52.13, ಮಹೇಂದ್ರಗಢ - 52.67, ಮೇವಾಟ್ - 56.59, ಪಲ್ವಾಲ್ - 56.02, ಪಂಚಕುಲ - 42.60, ಪಾಣಿಪತ್ - 49.40, ರೇವಾರಿ - 50.22, ರೋಹ್ಟಕ್ - 50.62, ಸಿರ್ಸಾ - 48.78, ಸೋನಿಪತ್ - 45.86, ಯಮುನಾನಗರ – 56.79ರಷ್ಟು ಮತದಾನವಾಗಿದೆ.
ಮಧ್ಯಾಹ್ನ 1 ಗಂಟೆಯವರೆಗೆ ಹರಿಯಾಣದಲ್ಲಿ ಶೇ.40.1ರಷ್ಟು ಮತದಾನ
ಮಧ್ಯಾಹ್ನ 1 ಗಂಟೆಯವರೆಗೆ ಹರಿಯಾಣದಲ್ಲಿ ಶೇ.40.1ರಷ್ಟು ಮತದಾನವಾಗಿದೆ. ಯಾವ ಜಿಲ್ಲೆಯಲ್ಲಿ ಎಷ್ಟು ಮತದಾನವಾಗಿದೆ ಎಂದು ನೋಡುವುದಾದರೆ- ಪಂಚಕುಲದಲ್ಲಿ - 38.7, ಅಂಬಾಲಾ- 42.2, ಯಮುನಾನಗರ- 47.4, ಕುರುಕ್ಷೇತ್ರ- 43.9, ಕೈತಾಲ್- 44.5, ಕರ್ನಾಲ್- 41.1, ಪಾಣಿಪತ್- 42.4, ಸೋನಿಪತ್ - 38.6, ಜಿಂದ್- 43.5, ಫತೇಹಾಬಾದ್- 42.8, ಸಿರ್ಸಾ- 39.5, ಹಿಸಾರ್ - 41.4, ಭಿವಾನಿ- 40.2, ಚರ್ಕಿ ದಾದ್ರಿ- 40.8, ರೋಹ್ಟಕ್- 37.9, ಝಜ್ಜರ್- 40.3, ಮಹೇಂದ್ರಗಢ- 38.9, ರೆವಾರಿ- 38.2, ಗುರುಗ್ರಾಮ್- 33.2, ಮೇವಾಟ್- 45.1, ಪಲ್ವಾಲ್- 41.3, ಫರಿದಾಬಾದ್- 32.5ರಷ್ಟು ಮತದಾನವಾಗಿದೆ.
ಎರಡು ಕಡೆ ಬೆಂಬಲಿಗರ ನಡುವೆ ಮಾರಾಮಾರಿ
ನುಹ್ ಜಿಲ್ಲೆಯ ಪುನ್ಹಾನಾ ವಿಧಾನಸಭೆಯ ಖ್ವಾಜಕಲನ್ ಗ್ರಾಮದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಮೊಹಮ್ಮದ್ ಇಲ್ಯಾಸ್ ಮತ್ತು ಸ್ವತಂತ್ರ ಅಭ್ಯರ್ಥಿ ರಹೀಸ್ ಖಾನ್ ಬೆಂಬಲಿಗರ ನಡುವೆ ಮಾರಾಮಾರಿ ನಡೆದಿದ್ದು, ಪೊಲೀಸರು ಪರಿಸ್ಥಿತಿಯನ್ನು ನಿಯಂತ್ರಿಸಿದ್ದಾರೆ. ಮತ್ತೊಂದೆಡೆ ಪುನ್ಹಾನಾ ವಿಧಾನಸಭೆಯ ಗುಲಾಲ್ತಾ ಗ್ರಾಮದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಮೊಹಮ್ಮದ್ ಇಲ್ಯಾಸ್ ಮತ್ತು ಸ್ವತಂತ್ರ ಅಭ್ಯರ್ಥಿ ರಹೀಸ್ ಖಾನ್ ಅವರ ಬೆಂಬಲಿಗರ ನಡುವೆ ಪರಸ್ಪರ ಘರ್ಷಣೆ ನಡೆದಿದೆ. ಈ ವೇಳೆ ಕಲ್ಲು ತೂರಾಟದಿಂದಾಗ ಹಲವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ವರದಿಯಾಗಿದೆ.
ಹರಿಯಾಣದಲ್ಲಿ ಕಾಂಗ್ರೆಸ್ ಸರ್ಕಾರ: ದೀಪೇಂದರ್ ಹೂಡಾ
ಕಾಂಗ್ರೆಸ್ ಸಂಸದ ದೀಪೇಂದರ್ ಹೂಡಾ ಅವರು, ಹರಿಯಾಣದಲ್ಲಿ ಕಾಂಗ್ರೆಸ್ ಬಹುಮತದೊಂದಿಗೆ ಸರ್ಕಾರ ರಚಿಸಲಿದೆ. ಹರಿಯಾಣದ ಮೂಲೆ ಮೂಲೆಗಳಲ್ಲಿ ರಾಜಕಾರಣ ಬದಲಾಗಿದೆ. ಬಿಜೆಪಿ ಹೋಗಿ ಕಾಂಗ್ರೆಸ್ ಅಧಿಕಾರಕ್ಕೆ ಬರುತ್ತಿದೆ ಎಂದು ವರದಿಗಳು ಹೇಳಿವೆ. ಸೂಚಿಸುತ್ತದೆ. ಬಿಜೆಪಿ ಲೋಕಸಭೆ ಚುನಾವಣೆಯಲ್ಲಿ 400 ಕ್ಕೂ ಹೆಚ್ಚು ಸ್ಥಾನಗಳನ್ನು ಪಡೆದುಕೊಳ್ಳುವುದಾಗಿ ತಿಳಿಸಿದ್ದರು. ಆದರೆ ವಿಧಾನಸಭೆ ಚುನಾವಣೆಯಲ್ಲಿ ಹರಿಯಾಣದ ಜನರು ಬಿಜೆಪಿ ಇಲ್ಲದಂತೆ ಮಾಡಲಿದ್ದಾರೆ ಎಂದು ಅವರು ಭವಿಷ್ಯ ನುಡಿದರು.
ಕಾಂಗ್ರೆಸ್ನಿಂದ ಯಾರಿಗೆ ಮುಖ್ಯಮಂತ್ರಿ ಹುದ್ದೆ?
ಕಾಂಗ್ರೆಸ್ ಪ್ರಚಂಡ ಬಹುಮತದೊಂದಿಗೆ ಸರ್ಕಾರ ರಚಿಸಲಿದೆ ಎಂದು ಹರಿಯಾಣದ ಮಾಜಿ ಮುಖ್ಯಮಂತ್ರಿ ಭೂಪೇಂದ್ರ ಸಿಂಗ್ ಹೂಡಾ ಹೇಳಿದ್ದಾರೆ. ಕಾಂಗ್ರೆಸ್ ಶಾಸಕರು ಯಾರನ್ನು ಬಯಸುತ್ತಾರೋ ಅವರು ಮುಖ್ಯಮಂತ್ರಿಯಾಗುತ್ತಾರೆ. ಅಂತಿಮವಾಗಿ ಇದನ್ನು ಹೈಕಮಾಂಡ್ ನಿರ್ಧರಿಸುತ್ತದೆ. ನಿರುದ್ಯೋಗ, ಕಾನೂನು ಸುವ್ಯವಸ್ಥೆ ಮತ್ತು ಅಭಿವೃದ್ಧಿ ಇತ್ಯಾದಿ ವಿಷಯಗಳ ಬಗ್ಗೆ ನಾವು ಕೆಲಸ ಮಾಡುತ್ತೇವೆ. ಜನರು ಅದನ್ನು ಅರ್ಥ ಮಾಡಿಕೊಂಡು ನಮ್ಮನ್ನು ಗೆಲ್ಲಿಸುತ್ತಾರೆನ್ನುವ ವಿಶ್ವಾಸ ಇದೆ ಎಂದರು.
ಹರಿಯಾಣ ವಿಧಾನಸಭೆ ಚುನಾವಣೆ 2024ರ ನೋಡೆಲ್ ಅಧಿಕಾರಿ ಮನೀಶ್ ಕುಮಾರ್ ಲೋಹನ್ ಮತದಾನದ ಬಗ್ಗೆ ಮಾತನಾಡಿದರು. "ಎಲ್ಲಾ ಮತಗಟ್ಟೆಗಳಲ್ಲಿ ಸರಿಯಾದ ಸಮಯಕ್ಕೆ ಮತದಾನ ಆರಂಭವಾಗಿದೆ. ಇದುವರೆಗೂ ಶೇ 25ರಷ್ಟು ಮತದಾನವಾಗಿದೆ, ಇದು ಉತ್ಸಾಹ ತರುವ ಪ್ರಮಾಣವೇ ಆಗಿದೆ. ಕಳೆದ ಬಾರಿ ಶೇ 68ರಷ್ಟು ಮತದಾನವಾಗಿತ್ತು. ಈ ಬಾರಿ ಶೇ 75ಕ್ಕಿಂತ ಹೆಚ್ಚು ಮತದಾನವಾಗುವ ಭರವಸೆ ಇದೆ. ಮತದಾನ ಪ್ರಮಾಣದ ಏರಿಳಿತದಲ್ಲಿ ಹವಾಮಾನ ಪ್ರಮುಖ ಪಾತ್ರ ವಹಿಸುತ್ತದೆ. ಇದುವರೆಗೂ ಯಾವುದೇ ಶಾಂತಿಭಂಗವಾಗುವ ಘಟನೆಗಳು ನಡೆದಿಲ್ಲ" ಎಂದರು.
ಹರಿಯಾಣದಲ್ಲಿ ಕಾಂಗ್ರೆಸ್ ಅಲೆ ಇದೆ. ಕಳೆದ 10 ವರ್ಷಗಳಿಂದ ಇಲ್ಲಿನ ಜನರು ಕಷ್ಟಪಡುತ್ತಿದ್ದಾರೆ. ಈಗ ಅವರಿಗೆ ತಮ್ಮ ಮತಗಳ ಮೂಲಕ ತಕ್ಕ ಉತ್ತರ ನೀಡುವ ಅವಕಾಶವಿದೆ. ಹರಿಯಾಣ ವಿಧಾನಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷವು 60ರಿಂದ 70 ಸ್ಥಾನಗಳನ್ನು ಪಡೆಯುತ್ತದೆ ಎಂದು ನಾನು ನಂಬುತ್ತೇನೆ ಎಂದು ಖ್ಯಾತ ಕುಸ್ತಿಪಟು ಮತ್ತು ಕಾಂಗ್ರೆಸ್ ನಾಯಕ ಬಜರಂಗ್ ಪುನಿಯಾ ಹೇಳಿದರು.
ಹರಿಯಾಣ ಚುನಾವಣೆ ಹೊತ್ತಲ್ಲೇ ಸಿಎಂ ಅಭ್ಯರ್ಥಿ ಚರ್ಚೆ
ಈ ಬಗ್ಗೆ ಯಾವುದೇ ನಿರ್ಧಾರ ಕೈಗೊಂಡಿಲ್ಲ ಎಂದು ಕುಮಾರಿ ಸೆಲ್ಜಾ ಹೇಳಿದ್ದಾರೆ. ಚುನಾವಣೆಯಲ್ಲಿ ಕಾಂಗ್ರೆಸ್ ಗೆದ್ದರೆ ಹರಿಯಾಣದಲ್ಲಿ ಮುಖ್ಯಮಂತ್ರಿ ಅಭ್ಯರ್ಥಿಯನ್ನು ಪಕ್ಷದ ಹೈಕಮಾಂಡ್ ನಿರ್ಧರಿಸುತ್ತದೆ ಎಂದು ಕಾಂಗ್ರೆಸ್ ಹಿರಿಯ ಸಂಸದೆ ಕುಮಾರಿ ಸೆಲ್ಜಾ ಶನಿವಾರ ಹೇಳಿದ್ದಾರೆ. ನಾನು ಕಠಿಣ ಪರಿಶ್ರಮವನ್ನು ನಂಬುತ್ತೇನೆ. ನಾನು ಪಕ್ಷದ ಸೈನಿಕನಾಗಿದ್ದು, ನನ್ನ ಕೆಲಸದಲ್ಲಿ ವಿಶ್ವಾಸವಿದೆ. ಅಂತಿಮ ನಿರ್ಧಾರವನ್ನು ಪಕ್ಷದ ಹೈಕಮಾಂಡ್ ತೆಗೆದುಕೊಳ್ಳುತ್ತದೆ ಎಂದು ತಿಳಿಸಿದ್ದಾರೆ.
ಮತದಾರರಿಗೆ ಮನು ಭಾಕರ್ ಮನವಿ
ಹರಿಯಾಣ ವಿಧಾನಸಭಾ ಚುನಾವಣೆಯಲ್ಲಿ ಒಲಂಪಿಕ್ಸ್ನಲ್ಲಿ ಕಂಚಿನ ಪದಕ ಗೆದ್ದ ಶೂಟರ್ ಮನು ಭಾಕರ್ ಇಂದು ತಮ್ಮ ಮೊದಲ ಮತ ಚಲಾಯಿಸಿದರು. ಬಳಿಕ ಮಾತನಾಡಿದ ಅವರು, “ಈ ದೇಶದ ಯುವಜನತೆಯಾದ ನಾವು ನಮ್ಮ ಮತವನ್ನು ಅತ್ಯಂತ ಅನುಕೂಲಕರ ಅಭ್ಯರ್ಥಿಗೆ ಚಲಾಯಿಸುವುದು ನಮ್ಮ ಜವಾಬ್ದಾರಿಯಾಗಿದೆ. ಸಣ್ಣ ಹೆಜ್ಜೆಗಳು ದೊಡ್ಡ ಗುರಿಗಳಿಗೆ ಕಾರಣವಾಗುತ್ತವೆ... ನಾನು ಮೊದಲ ಬಾರಿಗೆ ಮತ ಹಾಕಿದ್ದೇನೆ...." ಎಂದರು.
#WATCH झज्जर: ओलंपिक पदक विजेता और भारतीय निशानेबाज मनु भाकर ने कहा, "यह मेरा पहला मतदान है... मुझे लगता है कि इस देश के युवा होने के नाते, यह हमारी जिम्मेदारी है कि हम अपना वोट डालें। आपको जो सबसे अच्छा लगे, उसे वोट देना चाहिए... देश का विकास हमारे हाथ में है... हमें अपना… https://t.co/nptLGOD48V pic.twitter.com/bXCxlisKZr
— ANI_HindiNews (@AHindinews) October 5, 2024
ಹರಿಯಾಣದಲ್ಲಿ ಶನಿವಾರ ಬೆಳಗ್ಗೆ 11 ಗಂಟೆಯ ತನಕ ಶೇ 22.70ರಷ್ಟು ಮತದಾನವಾಗಿದೆ. ಪಲ್ವಾಲ್ನಲ್ಲಿ ಹೆಚ್ಚು ಎಂದರೆ ಶೇ 27.94ರಷ್ಟು ಮತದಾನವಾಗಿದೆ. ಜಿಂದ್ 27.20, ಮೀವತ್ನಲ್ಲಿ ಶೇ 25.65ರಷ್ಟು ಮತದಾನವಾಗಿದೆ. ಪಂಚಕುಲದಲ್ಲಿ ಅತಿ ಕಡಿಮೆ ಎಂದರೆ ಶೇ 13.46ರಷ್ಟು ಮತದಾನವಾಗಿದೆ ಎಂದು ಚುನಾವಣಾ ಆಯೋಗ ಮಾಹಿತಿ ನೀಡಿದೆ.
ಹರಿಯಾಣದಲ್ಲಿ ಮತ್ತೆ ಬಿಜೆಪಿ ಸರ್ಕಾರ: ಅನಿಲ್ ವಿಜ್ ವಿಶ್ವಾಸ
ಹರಿಯಾಣ ವಿಧಾನಸಭಾ ಚುನಾವಣೆ 2024ಗೆ ಮತದಾನ ನಡೆಯುತ್ತಿದೆ. ಅಂಬಾಲಾ ಕ್ಯಾಂಟ್ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಅನಿಲ್ ವಿಜ್ ಬಿಜೆಪಿಯು ರಾಜ್ಯದಲ್ಲಿ ಮೂರನೇ ಬಾರಿಗೆ ಸರ್ಕಾರ ರಚಿಸಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು. ಪಕ್ಷದೊಳಗಿನ ಹಿರಿತನವನ್ನು ಉಲ್ಲೇಖಿಸಿ ಅವರು ಮುಖ್ಯಮಂತ್ರಿಯಾಗುವ ಸಾಧ್ಯತೆಯ ಬಗ್ಗೆಯೂ ಸುಳಿವು ನೀಡಿದ್ದಾರೆ ಎಂದು ಎಎನ್ಐ ವರದಿ ಮಾಡಿದೆ.
ಹರಿಯಾಣ ವಿಧಾನಸಭೆ ಹಿನ್ನೆಲೆ ಇಂಡಿಯನ್ ನ್ಯಾಷನಲ್ ಲೋಕದಳ (ಐಎನ್ಎಲ್ಡಿ) ಮುಖ್ಯಸ್ಥ ಹಾಗೂ ಹರಿಯಾಣ ಮಾಜಿ ಸಿಎಂ ಓಂ ಪ್ರಕಾಶ್ ಚೌತಾಲ ಅವರು ಇಂದು ಸಿರ್ಸಾದಲ್ಲಿ ಮತ ಚಲಾಯಿಸಿದರು. ಬಳಿಕ ಮಾತನಾಡಿದ ಅವರು, ಹರಿಯಾಣದಲ್ಲಿ ಐಎನ್ಎಲ್ಡಿ ಸರ್ಕಾರ ರಚನೆ ಮಾಡಲಿದೆ. ದಬ್ವಾಲಿ ಕ್ಷೇತ್ರದ ಐಎನ್ಎಲ್ಡಿ ಅಭ್ಯರ್ಥಿ ಆದಿತ್ಯ ಚೌತಾಲ ಇಲ್ಲಿಂದ ಉತ್ತಮ ಅಂತರದಿಂದ ಗೆಲುವು ಸಾಧಿಸಲಿದ್ದಾರೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.
ಹರಿಯಾಣ ವಿಧಾನಸಭೆ ಚುನಾವಣೆಗೆ ಮತದಾನ ನಡೆಯುತ್ತಿದೆ. ಒಲಂಪಿಕ್ಸ್ನಲ್ಲಿ ಕಂಚಿನ ಪದಕ ಗೆದ್ದ ಶೂಟರ್ ಮನು ಭಾಕರ್ ಕುಟುಂಬದವರ ಜೊತೆ ಆಗಮಿಸಿ ತಮ್ಮ ಹಕ್ಕು ಚಲಾವಣೆ ಮಾಡಿದರು. 90 ವಿಧಾನಸಭಾ ಕ್ಷೇತ್ರಗಳಿಗೆ ಒಂದೇ ಹಂತದಲ್ಲಿ ಮತದಾನ ನಡೆಯುತ್ತಿದೆ. ಸಂಜೆ 6 ಗಂಟೆಯ ತನಕ ಮತದಾನ ಮಾಡಲು ಅವಕಾಶವಿದೆ.
ಪಿಂಕ್ ಬೂತ್, ಸಾಂಸ್ಕೃತಿ ಸಾರುವ ಮತಗಟ್ಟೆ
ಹರಿಯಾಣದಲ್ಲಿ ಇಂದಿನ ಚುನಾವಣೆ ಪ್ರಯುಕ್ತ ಪಿಂಕ್ ಬೂತ್, ರಾಜ್ಯದ ಸಾಂಸ್ಕೃತಿಕ ಪರಂಪರ, ಪದ್ಧತಿ, ಆಚಾರ ವಿಚಾರ ಸಾರುವ ಮತಗಟ್ಟನೆಗಳನ್ನು ಸ್ಥಾಪಿಸಲಾಗಿದೆ. ಹೆಣ್ಣುಮಕ್ಕಳು, ವಿಕಲ ಚೇತನ ಸಿಬ್ಬಂದಿಗೂ ಚುನಾವಣಾ ಚಟುವಟಿಕೆಗಳಲ್ಲಿ ಅವಕಾಶ ನೀಡಲಾಗಿದೆ. ಸದ್ಯ ಪಿಂಕ್ ಬೂತ್, ಹಳ್ಳಿ ಸಂಸ್ಕೃತಿಯ ಮತಗಟ್ಟೆಗಳು ಜನರನ್ನು ಕೈ ಬೀಸಿ ಮತದಾನ ಮಾಡಲು ಕರೆಯುತ್ತಿವೆ.
अंबाला में मतदाताओं के सुगम अनुभव के लिए पिंक पोलिंग बूथ स्थापित किए गए । Haryana is #ReadyToVote! 🎊
— Election Commission of India (@ECISVEEP) October 4, 2024
Let's step out and head to polling stations on 5th October 2024 🗓️#Elections2024 #MharaVoteMharaHaryana #VoiceYourChoice #ReadyToVote #ECI pic.twitter.com/nt9zzRBlna
ಶೇ. 9.53ರಷ್ಟು ಮತದಾನ
ಹರಿಯಾಣದಲ್ಲಿ ಬೆಳಗ್ಗೆ 9 ಗಂಟೆಯ ತನಕ ಶೇ 9.53ರಷ್ಟು ಮತದಾನವಾಗಿದೆ. ರಾಜ್ಯದ 90 ವಿಧಾನಸಭಾ ಕ್ಷೇತ್ರಗಳಿಗೆ ಶನಿವಾರ ಒಂದೇ ಹಂತದಲ್ಲಿ ಮತದಾನ ನಡೆಯುತ್ತಿದೆ. ಸಂಜೆ 6 ಗಂಟೆಯ ತನಕ ಮತದಾನ ಮಾಡಲು ಅವಕಾಶವಿದೆ.
ಹರಿಯಾಣದಲ್ಲಿ ಬೆಳಗ್ಗೆ 9 ಗಂಟೆಯ ತನಕ ಶೇ 9.53ರಷ್ಟು ಮತದಾನವಾಗಿದೆ. ರಾಜ್ಯದ 90 ವಿಧಾನಸಭಾ ಕ್ಷೇತ್ರಗಳಿಗೆ ಶನಿವಾರ ಒಂದೇ ಹಂತದಲ್ಲಿ ಮತದಾನ ನಡೆಯುತ್ತಿದೆ. ಸಂಜೆ 6 ಗಂಟೆಯ ತನಕ ಮತದಾನ ಮಾಡಲು ಅವಕಾಶವಿದೆ. ಅಕ್ಟೋಬರ್ 8ರಂದು ಮತ ಎಣಿಕೆ ನಡೆಯಲಿದೆ.
ನಾನು ಹರಿಯಾಣದ ಮತದಾರರಿಗೆ ಸಾಧ್ಯವಾದಷ್ಟು ಮತ ಚಲಾಯಿಸಿ ಮತ್ತು ಪ್ರಜಾಪ್ರಭುತ್ವವನ್ನು ಬಲಪಡಿಸುವಂತೆ ಮನವಿ ಮಾಡುತ್ತೇನೆ. ಪಂಚಕುಲದ ಜನರು ನನಗೆ ಮತ್ತೊಮ್ಮೆ ಅವಕಾಶ ನೀಡಲಿದ್ದಾರೆ ಎಂಬ ಭರವಸೆ ನನಗಿದೆ. ನಾವು ಹ್ಯಾಟ್ರಿಕ್ ಗೆಲುವು ಸಾಧಿಸುತ್ತೇವೆ ಎಂದು ಹರಿಯಾಣದ ಪಂಚಕುಲ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಜಿಯಾನ್ ಚಂದ್ ಗುಪ್ತಾ ಮತ ಚಲಾಯಿಸಿ ಹೇಳಿದರು.
ಹರಿಯಾಣದಲ್ಲಿ ಬಿಜೆಪಿ ಮೂರನೇ ಬಾರಿಗೆ ಮತ್ತೊಮ್ಮೆ ಅಧಿಕಾರಕ್ಕೆ ಬರಲಿದೆ ಎಂದು ನನಗೆ ಸಂಪೂರ್ಣ ವಿಶ್ವಾಸವಿದೆ. ಹರಿಯಾಣದ ಜನರು ಪ್ರಧಾನಿ ಮೋದಿ ಮತ್ತು ಬಿಜೆಪಿ ಮೇಲೆ ಪ್ರೀತಿ ಮತ್ತು ವಿಶ್ವಾಸ ಹೊಂದಿದ್ದಾರೆ ಎಂದು ಕೇಂದ್ರ ಸಚಿವ ಧರ್ಮೇಂದ್ರ ಪ್ರಧಾನ್ ಹೇಳಿದರು
#WATCH | On Haryana Elections, Union Minister Dharmendra Pradhan says "A very good election campaign has just finished in Haryana. I am fully confident that BJP is coming to power again for the third time. The people of Haryana have love and confidence for PM Modi and BJP..." pic.twitter.com/bGvfUIeHzO
— ANI (@ANI) October 5, 2024
ಕೇಂದ್ರ ಸಚಿವ, ಹರಿಯಾಣಾದ ಮಾಜಿ ಸಿಎಂ ಮನೋಹರ್ ಲಾಕ್ ಖಟ್ಟರ್ ಮಾತನಾಡಿ, "ಪಕ್ಷಗಳ ನಾಯಕರು ತಮ್ಮ ಕೆಲಸ ಮಾಡಿದ್ದಾರೆ. ಅಂತಿಮವಾಗಿ ಜನರು ನಿರ್ಧರಿಸಬೇಕಿದೆ. ಕಾಂಗ್ರೆಸ್ ಪಕ್ಷ ಒಂದು ಕುಟುಂಬ ಬಿಟ್ಟು ಬೇರೆ ಯಾರ ಬಗ್ಗೆಯೂ ಕಾಳಜಿ ಹೊಂದಿಲ್ಲ. ಪಕ್ಷದ ನಾಯಕರಿಗೆ ಅವಮಾನವಾದಾಗ ಜನರು ಅದನ್ನು ತಮಗೆ ಆದ ಅವಮಾನ ಎಂದು ಪರಿಗಣಿಸುತ್ತಾರೆ. ನಾಯಕರಿಗೆ ಅವಮಾನವಾದಾಗ ಜನರು ಪಕ್ಷದ ವಿರುದ್ಧ ಸಿಡಿದೇಳುತ್ತಾರೆ" ಎಂದು ಹೇಳಿದ್ದಾರೆ.
ದಶಕಗಳ ಸಮಸ್ಯೆ ನೋಡಿ ಮತದಾನ ಮಾಡಿ: ಖರ್ಗೆ
ಹರಿಯಾಣ ಚುನಾವಣೆ ಬಗ್ಗೆ ಮಾತನಾಡಿದ ಕಾಂಗ್ರೆಸ್ ಮುಖ್ಯಸ್ಥ ಮಲ್ಲಿಕಾರ್ಜುನ ಖರ್ಗೆ ಅವರು, ಹರಿಯಾಣ ಜನರು ಮತದಾನ ಮಾಡುವ ಮೊದಲು ಕಳೆದ ದಶಕದಲ್ಲಿ ರಾಜ್ಯದಲ್ಲಿ ಸೃಷ್ಟಿಯಾದ ನಿರುದ್ಯೋಗ, ಹಣದುಬ್ಬರ, ಭ್ರಷ್ಟಾಚಾರ ಮತ್ತು ಸಾಮಾಜಿಕ ಅಸಮಾನತೆಗಳಂತಹ ಸಮಸ್ಯೆಗಳನ್ನು ಗಮನದಲ್ಲಿಟ್ಟುಕೊಂಡು ಮತದಾನ ಮಾಡಬೇಕು. ಎಲ್ಲವು ಕಡ್ಡಾಯವಾಗಿ ಮತದಾನ ಮಾಡುವಂತೆ ಅವರು ಕರೆ ಕೊಟ್ಟರು.
ಹರಿಯಾಣ ವಿಧಾನಸಭೆ ಚುನಾವಣೆ ಹಿನ್ನೆಲೆ ಹಿಸಾರ್ ವಿಧಾನಸಭಾ ಕ್ಷೇತ್ರದ ಸ್ವತಂತ್ರ ಅಭ್ಯರ್ಥಿ ಸಾವಿತ್ರಿ ಜಿಂದಾಲ್ ಅವರ ಪುತ್ರಿ ಸೀಮಾ ಜಿಂದಾಲ್ ಮತ ಚಲಾಯಿಸಿದರು. ಈ ಚುನಾವಣೆಯು ನಮ್ಮ ದೇಶ, ನಗರ ಮತ್ತು ರಾಜ್ಯಕ್ಕೆ ಒಂದು ʼಯಜ್ಞʼವಾಗಿದೆ. ಆದ್ದರಿಂದ, ಪ್ರತಿಯೊಬ್ಬರೂ ತಮ್ಮ ಮತವನ್ನು ಚಲಾಯಿಸಬೇಕು ಎಂದು ಮತದಾರರಲ್ಲಿ ಮನವಿ ಮಾಡಿದ್ದಾರೆ.
ಹರಿಯಾಣದಲ್ಲಿ ವಿಧಾನಸಭಾ ಚುನಾವಣೆ ಮತದಾನ ನಡೆಯುತ್ತಿದ್ದು, ಇಲ್ಲಿ ಆಡಳಿತಾರೂಢ ಬಿಜೆಪಿ ಹ್ಯಾಟ್ರಿಕ್ ಗೆಲುವಿನ ನಿರೀಕ್ಷೆಯಲ್ಲಿದೆ. ಮತ್ತೊಂದೆಡೆ ತುಂಬಾ ವರ್ಷಗಳ ಬಳಿಕ ಕಾಂಗ್ರೆಸ್ ಮತ್ತೆ ಅಧಿಕಾರದ ಗದ್ದುಗೆ ಹಿಡಿಯುವ ಭರವಸೆಯಲ್ಲಿದೆ.
ಮತ ಚಲಾಯಿಸಿದ ವಿನೇಶ್ ಫೋಗಟ್
ಹರಿಯಾಣದಲ್ಲಿ ವಿಧಾನಸಭೆ ಚುನಾವಣೆಗೆ ಮತದಾನ ಪ್ರಕ್ರಿಯೆ ನಡೆಯುತ್ತಿದೆ. ಇನ್ನು ಜುಲಾನಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ವಿನೇಶ್ ಫೋಗಟ್ ಮತ್ತು ಅವರ ಕುಟುಂಬದ ಸದಸ್ಯರು ಬಲಾಲಿ ವಿಲ್ನ ಮತಗಟ್ಟೆಯಲ್ಲಿ ಮತ ಚಲಾಯಿಸಿದರು.
ಹರಿಯಾಣ ವಿಧಾನಸಭೆಯ 90 ಕ್ಷೇತ್ರಗಳಿಗೆ ಶನಿವಾರ ಒಂದೇ ಹಂತದಲ್ಲಿ ಮತದಾನ ನಡೆಯುತ್ತಿದೆ. ಬೆಳಗ್ಗೆ 7 ಗಂಟೆಗೆ ಮತದಾನ ಆರಂಭವಾಗಿದ್ದು, ಜನರು ಉತ್ಸಾಹದಿಂದ ಮತದಾನ ಮಾಡಲು ಆಗಮಿಸುತ್ತಿದ್ದಾರೆ. ಮತಗಟ್ಟೆಯೊಂದರಲ್ಲಿ ಮತದಾರರಿಗೆ ಗಿಡಗಳನ್ನು ಉಡುಗೊರೆಯಾಗಿ ನೀಡಲಾಗುತ್ತಿದೆ. ಸಂಜೆ 6 ಗಂಟೆಯ ತನಕ ಮತದಾನ ಮಾಡಲು ಅವಕಾಶವಿದ್ದು, ಅಕ್ಟೋಬರ್ 8ರಂದು ಫಲಿತಾಂಶ ಪ್ರಕಟವಾಗಲಿದೆ.
1,031 ಅಭ್ಯರ್ಥಿಗಳ ಭವಿಷ್ಯ ಮತದಾರನ ಕೈಯಲ್ಲಿ
90 ಸದಸ್ಯ ಬಲದ ಹರಿಯಾಣ ವಿಧಾನಸಭಾ ಚುನಾವಣೆ ಮತದಾನ ಪ್ರಕ್ರಿಯೆ ಆರಂಭವಾಗಿದ್ದು, ಮುಖ್ಯಮಂತ್ರಿ ನಯಾಬ್ ಸಿಂಗ್ ಸೈನಿ, ಕಾಂಗ್ರೆಸ್ನ ಭೂಪಿಂದರ್ ಸಿಂಗ್ ಹೂಡಾ ಮತ್ತು ವಿನೇಶ್ ಫೋಗಟ್ ಹಾಗೂ ಜೆಜೆಪಿಯ ದುಷ್ಯಂತ್ ಚೌತಾಲಾ ಸೇರಿದಂತೆ 1,031 ಅಭ್ಯರ್ಥಿಗಳ ಭವಿಷ್ಯ ಮತದಾರ ನಿರ್ಧರಿಸಲಿದ್ದಾನೆ.
ಮಾಜಿ ಸಿಎಂ ಖಟ್ಟರ್ ಮತದಾನ, ಹಕ್ಕು ಚಲಾವಣೆಗೆ ಮನವಿ
ಹರಿಯಾಣ ವಿಧಾನಸಭೆ ಚುನಾವಣೆಗೆ ಮತದಾನ ಆರಂಭವಾಗಿದ್ದು, ಕೇಂದ್ರ ಸಚಿವ ಮತ್ತು ಹರಿಯಾಣದ ಮಾಜಿ ಮುಖ್ಯಮಂತ್ರಿ ಮನೋಹರ್ ಲಾಲ್ ಖಟ್ಟರ್ ಅವರು ಮತ ಚಲಾಯಿಸಿದ ಗಣ್ಯರಲ್ಲಿ ಮೊದಲಿಗರಾದರು. ಕರ್ನಾಲ್ನಲ್ಲಿ ಮತ ಚಲಾಯಿಸಿದ ನಂತರ ಅವರು ರಾಜ್ಯದಲ್ಲಿ ಎಲ್ಲ ನಿವಾಸಿಗಳಿಗೆ ಕಡ್ಡಾಯವಾಗಿ ಮತದಾನ ಮಾಡುವಂತೆ ಅವರು ಕರೆ ಕೊಟ್ಟರು. ಬೇಗ ಬೇಗ ಮತದಾನ ಮಾಡಿ ಎಂದು ಸಲಹೆ ನೀಡಿದರು.
READ MORE
More From
-
Sapthami Gowda: ಅಸಭ್ಯವಾಗಿ ವಿಡಿಯೋ ಚಿತ್ರೀಕರಣ: ಫಿಲ್ಮ್ ಚೇಂಬರ್ ಮೆಟ್ಟಿಲೇರಿದ ಸಪ್ತಮಿ ಗೌಡ, ಸಭೆಯಲ್ಲಿ ಮಹತ್ವದ ತೀರ್ಮಾನ -
Gold Price March 11: ಚಿನ್ನದ ಬೆಲೆಯಲ್ಲಿ ಹೊಸ ದಾಖಲೆ: ಬೆಳ್ಳಿ ಪ್ರಿಯರಿಗೆ ಅಚ್ಚರಿ, ಎಷ್ಟಿದೆ ಇಂದಿನ ಚಿನ್ನ - ಬೆಳ್ಳಿ ಬೆಲೆ -
Rain In Karnataka: ಈ ವಾರದಲ್ಲಿ ಕರ್ನಾಟಕದ ಈ ಭಾಗಗಳಲ್ಲಿ ಮಳೆ ಸಾಧ್ಯತೆ, ಬೆಂಗಳೂರಲ್ಲಿ ಹೇಗಿದೆ ವೆದರ್ -
Sayali Surve: ಇಸ್ಲಾಂನಿಂದ ಹಿಂದೂ ಧರ್ಮಕ್ಕೆ ಮತಾಂತರಗೊಂಡ ಮಿಸ್ ಇಂಡಿಯಾ ಅರ್ಥ್ ವಿಜೇತೆ ಸಯಾಲಿ ಸುರ್ವೆ, ಕಾರಣವೇನು -
Bengaluru Property: ಬೆಂಗಳೂರಿನಲ್ಲಿ ಕಟ್ಟಡ ನಿಯಮ ಉಲ್ಲಂಘಿಸಿದ ಆಸ್ತಿದಾರರಿಗೆ ಜಿಬಿಎ - ಬಿಡಿಎ ಜಂಟಿ ಶಾಕ್ -
Bengaluru Second Airport: ಬೆಂಗಳೂರಿಗೆ ಟಕ್ಕರ್ ಕೊಡಲು ಬಂದ ತಮಿಳುನಾಡಿಗೆ ಮುಖಭಂಗ, ಹೊಸೂರು ವಿಮಾನ ನಿಲ್ದಾಣ ಕಷ್ಟ -
LPG Alternatives: ಎಲ್ಪಿಜಿ ಬೆಲೆ ಏರಿಕೆಗೆ ಹೆದರಬೇಡಿ: ನಮ್ಮಲ್ಲೇ ಇರುವ ಈ ಪರ್ಯಾಯ ಮಾರ್ಗಗಳನ್ನು ಅಳವಡಿಸಿಕೊಂಡು ಜಾಣರಾಗಿ -
Shivam Dube: ಶಿವಂ ದುಬೆ ಸಾಧನೆಗೆ ಮನಸಾರೆ ಮೆಚ್ಚುಗೆ ಸೂಚಿಸಿದ ಪತ್ನಿ ಅಂಜುಮ್ ಖಾನ್: ಇನ್ಸ್ಟಾ ಪೋಸ್ಟರ್ ಭಾರೀ ವೈರಲ್ -
Fact Check: ಟಿ20 ವಿಶ್ವಕಪ್ ಫೈನಲ್ ಪಂದ್ಯಕ್ಕೂ ಮುನ್ನ ರಾಷ್ಟ್ರಗೀತೆ ವೇಳೆ ಕಣ್ಣೀರಿಟ್ಟ ಕಿವೀಸ್ ಆಟಗಾರ ಇಶ್ ಸೋಧಿ -
Suryakumar Yadav: ಟಿ20 ವಿಶ್ವಕಪ್ ಗೆದ್ದರೂ ಸೂರ್ಯಕುಮಾರ್ಗೆ ಐಸಿಸಿ ಆಘಾತ, ನಾಯಕತ್ವ ಬದಲಾವಣೆ ನಿರೀಕ್ಷೆ -
Gold: ಗದಗ ಲಕ್ಕುಂಡಿಯಲ್ಲಿ ಪತ್ತೆಯಾದ ಚಿನ್ನದ ನಿಧಿ ಪ್ರಕರಣಕ್ಕೆ ಟ್ವಿಸ್ಟ್: ಮೌಲ್ಯ 10 ಪಟ್ಟು ಹೆಚ್ಚು, ವಿಜಯನಗರ ಕಾಲದ ಆಭರಣ -
Horoscope March 10: ಈ ರಾಶಿಯವರಿಗೆ ಹಣಕಾಸಿನಲ್ಲಿ ಲಾಭ, ಯಾರಿಗೆ ಶುಭ-ಅಶುಭ, ದಿನ ಭವಿಷ್ಯ
Click it and Unblock the Notifications
Sign in with Google