ಹೈದರಾಬಾದ್: ನೀರಿನ ಸಂಪಿಗೆ ಬಿದ್ದು 3 ವರ್ಷದ ಮಗು ದುರಂತ ಸಾವು
ಹೈದರಾಬಾದ್, ನವೆಂಬರ್ 14: ಮೂರು ವರ್ಷದ ಮಗುವೊಂದು ಪ್ಲೇಸ್ಕೂಲಿನ ನೀರಿನ ಸಂಪಿಗೆ ಬಿದ್ದ ಸಾವನ್ನಪ್ಪಿದ ದಾರುಣ ಘಟನೆ ಹೈದರಾಬಬಾದಿನ ಶಿವಪುರಿ ಕಾಲೊನಿಯಲ್ಲಿ ನಡೆದಿದೆ.
ಮೃತ ಮಗುವನ್ನು ರಚಿತ್ ಎಂದು ಗುರುತಿಸಲಾಗಿದೆ. ಬೆಳಿಗ್ಗೆ ರಚಿತ್ ತಂದೆ, ಮಗನನ್ನು ಪ್ಲೇಸ್ಕೂಲಿಗೆ ಬಿಟ್ಟು ಹೋಗಿದ್ದರು. ನಂತರ ಸುಮಾರು 11:30 ರ ಸುಮಾರಿಗೆ ಮಗನಿಗೆ ಊಟ ತೆಗೆದುಕೊಂಡು ಬಂದ ರಚಿತ್ ತಾಯಿಗೆ ಆತನನ್ನು ಆಸ್ಪತ್ರೆಗೆ ಸೇರಿಸಿದ್ದಾರೆಂಬ ವಿಷಯ ತಿಳಿದಿದೆ.
ಗಾಬರಿಕೊಂಡು ಹತ್ತಿರದ ಆಸ್ಪತ್ರೆಗೆ ತೆರಳಿದರೆ ರಚಿತ್ ಮೃತನಾಗಿದ್ದಾನೆಂದು ವೈದ್ಯರು ತಿಳಿಸಿದ್ದಾರೆ. ಈ ಕುರಿತು ಮಲಕಂಜ್ ಗಿರಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಲಾಗಿದ್ದು, ಹೆಚ್ಚಿನ ತನಿಖೆ ನಡೆಸಲಾಗುತ್ತಿದೆ.
Click it and Unblock the Notifications
Sign in with Google