ಚಿಕ್ಕಮಗಳೂರು ಪೊಲೀಸ್ ಶ್ವಾನ ಸಾವು: ಸರ್ಕಾರಿ ಗೌರವದೊಂದಿಗೆ ಅಂತ್ಯಕ್ರಿಯೆ

ಚಿಕ್ಕಮಗಳೂರು, ಮೇ 31: ಚಿಕ್ಕಮಗಳೂರಿನಲ್ಲಿ ವಯೋ ಸಹಜ ಕಾಯಿಲೆಯಿಂದ ಪೊಲೀಸ್ ಡಾಗ್ ಸಾವನಪ್ಪಿದೆ. ಹನಿ ಮೃತಪಟ್ಟ ಶ್ವಾನವಾಗಿದೆ.

ಹನಿ ಶ್ವಾನಕ್ಕೆ 12 ವರ್ಷ ವಯಸ್ಸಾಗಿತ್ತು. ಎಷ್ಟೋ ಸ್ಫೋಟಕ ಪ್ರಕರಣಗಳನ್ನು ಈ ಶ್ವಾನ ಪತ್ತೆ ಹಚ್ಚುತ್ತಿತ್ತು. ರಾಷ್ಟ್ರಪತಿ, ಪ್ರಧಾನ ಮಂತ್ರಿ, ಮುಖ್ಯಮಂತ್ರಿಗಳ ಭದ್ರತೆಯಲ್ಲಿ ಹನಿ ಶ್ವಾನ ಭಾಗಿಯಾಗಿತ್ತು.

ಅಷ್ಟೇ ಅಲ್ಲದೆ ರಾಜ್ಯ ಮಟ್ಟದ ಶ್ವಾನ ಸ್ಪರ್ಧೆಯಲ್ಲಿ ಸಹ ಭಾಗಿಯಾಗಿತ್ತು. ಹೀಗಾಗಿ, ಈ ಶ್ವಾನ ಪೊಲೀಸರ ಮೆಚ್ಚುಗೆ ಪಡೆದಿತ್ತು. ಹನಿ ಶ್ವಾನ ಕಳೆದ ಒಂದು ವಾರದಿಂದ ಅಹಾರ ಹಾಗೂ ನೀರು ಬಿಟ್ಟಿದ್ದು, ಅನಾರೋಗ್ಯದಿಂದ ಬಳಲುತ್ತಿತ್ತು.

ಇಂದು ಬೆಳ್ಳಿಗೆ ಶ್ವಾನ ನಿಧನ ಹೊಂದಿದೆ. ಸರ್ಕಾರಿ ಸಕಲ ಗೌರವದೊಂದಿಗೆ ಅಂತ್ಯ ಸಂಸ್ಕಾರ ಮಾಡಲಾಗಿದೆ. ನಗರದ ರಾಮನಹಳ್ಳಿಯ ಡಿ.ಆರ್ ಪೊಲೀಸ್ ಸ್ಟೇಷನ್ ನಲ್ಲಿ ಅಂತಿಮ ದರ್ಶನಕ್ಕಾಗಿ ಇಡಲಾಗಿತ್ತು. ಶ್ವಾನದ ಅಂತ್ಯ ಸಂಸ್ಕಾರದಲ್ಲಿ ಎಸ್.ಪಿ.ಹರೀಶ್ ಪಾಂಡೆ ಹಾಗೂ ಸಿಬ್ಬಂದಿ ಭಾಗಿಯಾಗಿದ್ದರು.

English summary

Chikkamagaluru police favorite dog Hani died today. Police funeral with all due government respect.