ತಮಿಳುನಾಡಿನಲ್ಲಿ ಬೃಹತ್ ಐಟಿ ದಾಳಿ, 160 ಕೋಟಿ ರು ವಶ

ಚೆನ್ನೈ, ಜುಲೈ 17: ಮೆಸರ್ಸ್ ಎಸ್ ಪಿಕೆ ಹಾಗೂ ಕಂಪನಿ ಮೇಲೆ ದಾಳಿ ನಡೆಸಿರುವ ಆದಾಯ ತೆರಿಗೆ ಇಲಾಖೆಯವರು ಇಲ್ಲಿ ತನಕ ಸುಮಾರು 160 ಕೋಟಿ ರು ನಗದು ಹಾಗೂ 100 ಕೆಜಿ ಚಿನ್ನಾಭರಣ ಜಪ್ತಿ ಮಾಡಲಾಗಿದೆ. ತಮಿಳುನಾಡಿನ ವಿವಿಧೆಡೆ ದಾಳಿ ಮುಂದುವರೆದಿದೆ.

ಸರ್ಕಾರದಿಂದ ಗುತ್ತಿಗೆ ಪಡೆದು ಹೆದ್ದಾರಿ ರಸ್ತೆ ನಿರ್ಮಾಣ ಮಾಡುವ ಸಂಸ್ಥೆ ಎಸ್ ಪಿಕೆ ಹಾಗೂ ಸಮೂಹ ಸಂಸ್ತೆಗಳ ಕಚೇರಿ, ಸಿಬ್ಬಂದಿಗಳ ಮನೆ ಮೇಲೆ ದಾಳಿ ನಡೆಸಲಾಗಿದೆ.

'ಲೆಕ್ಕಕ್ಕೆ ಸಿಗದ 160 ಕೋಟಿ ರು ಗೂ ಅಧಿಕ ನಗದು ವಶಪಡಿಸಿಕೊಳ್ಳಲಾಗಿದೆ. 100 ಕೆಜಿ ಚಿನ್ನಾಭರಣಗಳನ್ನು ಜಪ್ತಿ ಮಾಡಲಾಗಿದ್ದು, ಇನ್ನೂ ಮೌಲ್ಯ ತಿಳಿದು ಬಂದಿಲ್ಲ' ಎಂದು ಅಧಿಕಾರಿಯೊಬ್ಬರು ತಿಳಿಸಿದರು.

ಒಟ್ಟಾರೆ 22 ಸ್ಥಳಗಳಲ್ಲಿ ಏಕಕಾಲಕ್ಕೆ ದಾಳಿ ನಡೆಸಲಾಗಿದೆ. ಚೆನ್ನೈನಲ್ಲಿ 17, ಅರುಪುಕೊಟ್ಟೈ(ವಿರುಧನಗರ್ ಜಿಲ್ಲೆ), ಕಟ್ಪಾಡಿ(ವೆಲ್ಲೂರು) ಹಾಗೂ ಇತೆರೆಡೆಗಳಲ್ಲಿ ದಾಳಿ ನಡೆದಿದೆ.

Gold biscuits weighing around 100 kg and Rs 163 crore in cash that is suspected to be unaccounted, seized by the Income Tax department from 20 locations of SPK company in Madurai, Aruppukkottai, Vellore and Chennai. Raids started y'day, still underway at few locations. #TamilNadu pic.twitter.com/LY5fgyS9TM

— ANI (@ANI) July 17, 2018

ಅಪಾರ ಪ್ರಮಾಣದ ನಗದನ್ನು ಟ್ರಾವೆಲ್ ಬ್ಯಾಗಿನಲ್ಲಿ ಹಾಕಿ, ಪಾರ್ಕಿಂಗ್ ಮಾಡಿದ ಕಾರುಗಳಲ್ಲಿ ತುಂಬಿಸಿಡಲಾಗಿತ್ತು. ಜತೆಗೆ ಅನೇಕ ಚಿನ್ನದ ಬಿಸ್ಕತ್ತುಗಳು ಸಿಕ್ಕಿವೆ. ದಾಳಿಯ ಬಗ್ಗೆ ಮುಂಚಿತವಾಗಿ ಸುಳಿವು ಸಿಕ್ಕಿ, ನಗದು,ಚಿನ್ನಾಭರಣಗಳನ್ನು ಬೇರೆಡೆಗೆ ಸಾಗಿಸುವ ಯೋಜನೆ ಹಾಕಿಕೊಟ್ಟಂತೆ ತೋರುತ್ತದೆ ಎಂದು ಅಧಿಕಾರಿ ಹೇಳಿದರು.

English summary

The Income Tax Department today recovered Rs. 160-crore cash and about 100-kg bullion after raids at multiple premises of a road construction firm in Tamil Nadu, officials said.