ಭಾರತ-ಅಮೆರಿಕ ಸಂವಿಧಾನದ ಬಗ್ಗೆ ಚರ್ಚಾ ಸ್ಪರ್ಧೆ, ಮ್ಯಾಕ್ ಬುಕ್ ಪ್ರೋ ಬಹುಮಾನ

By ಅನಿಲ್ ಆಚಾರ್

Published: Wednesday, July 10, 2019, 14:05 [IST]

ಚೆನ್ನೈ, ಜುಲೈ 10: ಚೆನ್ನೈನಲ್ಲಿ ಇರುವ ಅಮೆರಿಕ ರಾಯಭಾರ ಕಚೇರಿಯಿಂದ ಹದಿನೆಂಟರಿಂದ ಇಪ್ಪತ್ತೈದು ವರ್ಷದೊಳಗಿನವರಿಗಾಗಿ ಚರ್ಚಾ ಸ್ಪರ್ಧೆ ಏರ್ಪಡಿಸಲಾಗಿದೆ. ಅಮೆರಿಕ ಹಾಗೂ ಭಾರತೀಯ ಸಾಂವಿಧಾನಿಕ ಕಾನೂನು ಎಂಬುದು ಚರ್ಚಾ ಸ್ಪರ್ಧೆಯ ವಿಷಯ. ಜುಲೈ 26ರಿಂದ ಸೆಪ್ಟೆಂಬರ್ 14ರ ಮಧ್ಯೆ ಕೊಚ್ಚಿ, ಬೆಂಗಳೂರು, ತಿರುಚಿರಾಪಳ್ಳಿ ಹಾಗೂ ಚೆನ್ನೈನ ಕ್ಯಾಂಪಸ್ ಗಳಲ್ಲಿ ಲಯೋಲಾ ಕಾಲೇಜು ಸಹಯೋಗದೊಂದಿಗೆ ಸ್ಪರ್ಧೆ ಆಯೋಜಿಸಲಾಗುತ್ತಿದೆ.

ಈ ಚರ್ಚಾ ಸ್ಪರ್ಧೆಯ ಸಂಪೂರ್ಣ ವಿವರಗಳನ್ನು ಅಮೆರಿಕ ರಾಯಭಾರ ಕಚೇರಿ ಚೆನ್ನೈನ ಫೇಸ್ ಬುಕ್ ಪುಟದಲ್ಲಿ ನೋಡಬಹುದು. ಚರ್ಚಾ ಸ್ಪರ್ಧೆಯಲ್ಲಿ ಮೊದಲ ಬಹುಮಾನ ಪಡೆದವರಿಗೆ ಮ್ಯಾಕ್ ಬುಕ್ ಪ್ರೋ ಇದೆ. ಕಾನೂನು ಡೇಟಾಬೇಸ್ ಚಂದಾ ಹಾಗೂ ಟ್ರೋಫಿಗಳನ್ನು ನೀಡಲಾಗುತ್ತದೆ. ಸ್ಪರ್ಧೆಯಲ್ಲಿ ಭಾಗವಹಿಸುವ ಎಲ್ಲರಿಗೂ ಪ್ರಮಾಣ ಪತ್ರ ನೀಡಲಾಗುತ್ತದೆ.

ವಿದ್ಯಾರ್ಥಿಗಳ ವಯೋಮಿತಿ ಹದಿನೆಂಟರಿಂದ ಇಪ್ಪತ್ತೈದರ ಮಧ್ಯೆ ಇರಬೇಕು. ಚರ್ಚಾ ಸ್ಪರ್ಧೆಯು ಇಂಗ್ಲಿಷ್ ನಲ್ಲಿ ಇರುತ್ತದೆ. ಪ್ರವೇಶ ಉಚಿತ ಇರುತ್ತದೆ. ಸ್ಪರ್ಧೆಯ ದಿನಾಂಕ, ಸ್ಥಳ, ನೋಂದಣಿ ಮಾಡಿಕೊಳ್ಳಬೇಕಾದ ವ್ಯಕ್ತಿಗಳ ವಿವರ ಹೀಗಿದೆ.