ಪಂಜಾಬ್‌ ಚುನಾವಣೆ: ಎಎಪಿ ಪ್ರಾಬಲ್ಯದ ಪ್ರದೇಶದಲ್ಲಿ ಮತದಾನದಲ್ಲಿ ಭಾರೀ ಕುಸಿತ

ಚಂಡೀಗಢ, ಫೆಬ್ರವರಿ 21: ಪಂಜಾಬ್ ವಿಧಾನಸಭೆ ಚುನಾವಣೆಗಾಗಿ ನಡೆದ ಮತದಾನದ ಕುರಿತಂತೆ ಭಾನುವಾರ ಸಂಜೆ 5 ಗಂಟೆಗೆ ಚುನಾವಣಾ ಆಯೋಗವು ಪ್ರಕಟಿಸಿದ ತಾತ್ಕಾಲಿಕ ಅಂಕಿಅಂಶಗಳಿಗಿಂತ ಈ ಬಾರಿ ಪಂಜಾಬ್‌ನಲ್ಲಿನ ಮತದಾನದ ಅಂಕಿಅಂಶಗಳು ಶೇಕಡಾ 4.3 ರಷ್ಟು ಅಧಿಕವಾಗಿದೆ. ಈ ಬಾರಿ ಆಮ್‌ ಆದ್ಮಿ ಪಕ್ಷವು ಯಾವ ಪ್ರದೇಶದಲ್ಲಿ ತನ್ನ ಪಕ್ಷ ಹೆಚ್ಚು ಪ್ರಾಬಲ್ಯವನ್ನು ಹೊಂದಿದೆ ಎಂದು ಹೇಳಿದೆಯೋ ಅಲ್ಲಿ ಮತದಾನ ಕಡಿಮೆ ಆಗಿದೆ.

ಭಾನುವಾರದ ಮತದಾನದ ಅಂತ್ಯಕ್ಕೆ ತಾತ್ಕಾಲಿಕ ಮತದಾನದ ಅಂಕಿ-ಅಂಶವು 65.32 ಶೇಕಡಾ ಆಗಿದೆ. ಇಂದು ಪ್ರಕಟಿಸಲಾದ ಪರಿಷ್ಕೃತ ಮತದಾನದ ಅಂಕಿ-ಅಂಶ ಶೇ.69.65 ಆಗಿದೆ. ಇದು 2007 ರ ನಂತರದ ಅತ್ಯಂತ ಕಡಿಮೆ ಅಂಕಿಅಂಶ ಮಾತ್ರವಲ್ಲ, ತಾತ್ಕಾಲಿಕ ಮತ್ತು ಅಂತಿಮ ಮತದಾನದ ಅಂಕಿಅಂಶಗಳಲ್ಲಿನ ಅಂತರವು ಅಧಿಕವಾಗಿದೆ.

ಅರವಿಂದ್ ಕೇಜ್ರಿವಾಲ್ ಅವರ ಆಮ್ ಆದ್ಮಿ ಪಕ್ಷವು ದೃಢವಾದ ಬೆಂಬಲವನ್ನು ಹೊಂದಿದೆ ಎಂದು ಹೇಳಿಕೊಂಡ ಪ್ರದೇಶಗಳಲ್ಲಿ ಮತದಾನದ ಪ್ರಮಾಣವು ವಿಶೇಷವಾಗಿ ಕಡಿಮೆಯಾಗಿದೆ ಎಂದು ಅಂಕಿಅಂಶಗಳು ಬಹಿರಂಗಪಡಿಸುತ್ತವೆ. ಎಎಪಿಯ ಹಾಲಿ ಶಾಸಕರನ್ನು ಹೊಂದಿರುವ ಕ್ಷೇತ್ರಗಳೆಲ್ಲವೂ ಮತದಾನದಲ್ಲಿ ಕುಸಿತವನ್ನು ತೋರಿಸಿದ್ದು, ಶೇಕಡಾ 2.3 ರಿಂದ ಶೇಕಡಾ 9 ಕ್ಕಿಂತ ಹೆಚ್ಚು ಕುಸಿತವನ್ನು ಕಂಡಿದೆ.

ಎಲ್ಲೆಲ್ಲಿ ಮತದಾನ ಪ್ರಮಾಣ ಇಳಿಕೆ?

ಬಲ್ಜಿಂದರ್ ಕೌರ್ ಹಾಲಿ ಶಾಸಕರಾಗಿರುವ ತಲ್ವಾಂಡಿ ಸಾಬೊದಲ್ಲಿ ಅಂಕಿಅಂಶಗಳು ಶೇಕಡಾ 83.70 ರಿಂದ ಶೇಕಡಾ 86 ಕ್ಕೆ ಇಳಿದಿದೆ. ಈ ಕ್ಷೇತ್ರದಲ್ಲಿ ಶೇಕಡಾ 2.3 ರಷ್ಟು ಕಡಿಮೆಯಾಗಿದೆ. ಕೊಟ್ಕಾಪುರದಲ್ಲಿ ಶೇ.4, ಹರ್ಪಾಲ್ ಸಿಂಗ್ ಚೀಮಾ ಸ್ಪರ್ಧಿಸಿರುವ ದಿರ್ಬಾದಲ್ಲಿ ಶೇ.4.4ರಷ್ಟು ಮತದಾನ ಪ್ರಮಾಣ ಇಳಿಕೆಯಾಗಿದೆ. ಸುನಮ್‌ನಲ್ಲಿ ಶೇಕಡ 5.4, ಬರ್ನಾಲಾ 6.6 ಪ್ರತಿಶತ, ಬುದ್ಲಾಡಾ 6.2 ಶೇಕಡಾ, ಮೆಹಲ್ ಕಲಾನ್ ಶೇಕಡಾ 9.4 ಮತ್ತು ಜಾಗರಾನ್‌ನಲ್ಲಿ ಇದು ಶೇಕಡಾ 9.8 ರಷ್ಟು ಕಡಿಮೆಯಾಗಿದೆ.

2002 ರಲ್ಲಿ ರಾಜ್ಯವು 65.14 ರಷ್ಟು ಮತದಾನವನ್ನು ದಾಖಲಿಸಿದರೆ, ಈ ಸಂಖ್ಯೆಯು ಅತೀ ಹೆಚ್ಚಿನ ಅಂಕಿ ಅಂಶವಾಗಿದೆ. 2007 ರಲ್ಲಿ 75.42 ಶೇಕಡಾ ಮತದಾನವಾಗಿದೆ. 2012 ರಲ್ಲಿ 78.3 ಶೇಕಡಾ ಮತ್ತು 2017 ರಲ್ಲಿ 77.36 ಶೇಕಡಾ ಮತದಾನವಾಗಿದೆ. ಅಮೃತಸರ ಪಶ್ಚಿಮದಲ್ಲಿ ಶೇಕಡ 55.40 ಕಡಿಮೆ ಮತದಾನವಾಗಿದೆ. ಮುಕ್ತಸರ ಜಿಲ್ಲೆಯ ಗಿಡ್ಡರ್‌ಬಾಹದಲ್ಲಿ ಅತಿ ಹೆಚ್ಚು ಅಂದರೆ 84.93 ಮತದಾನವಾಗಿದೆ.

ಕಳೆದ 20 ವರ್ಷಗಳಲ್ಲಿ ಎರಡನೇ ಬಾರಿಗೆ ಅತಿ ಕಡಿಮೆ ಮತದಾನವಾಗಿರುವುದು 2007 ರಲ್ಲಿ ಅಂದರೆ ಶೇ. 68.72 ಮತದಾನವಾಗಿತ್ತು. ಆದರೆ ಆ ವರ್ಷ ಅಕಾಲಿ-ಬಿಜೆಪಿ ಮೈತ್ರಿಕೂಟ ಅಧಿಕಾರಕ್ಕೆ ಬಂದಿತು. ಕಾಂಗ್ರೆಸ್ ಸರ್ಕಾರವನ್ನು ತಳ್ಳಿಹಾಕಿತು. 2017 ರಲ್ಲಿ, ಅಕಾಲಿ-ಬಿಜೆಪಿ ಸರ್ಕಾರದ 10 ವರ್ಷಗಳ ಆಡಳಿತವನ್ನು ಕಾಂಗ್ರೆಸ್ ಅಂತ್ಯ ಮಾಡಿದಾಗ, ಮತದಾನದ ಅಂಕಿ-ಅಂಶವು ಶೇಕಡಾ 77.36ರಷ್ಟು ಆಗಿತ್ತು. 2012 ಕ್ಕಿಂತ ಕಡಿಮೆ ಅಂಕಿ ಅಂಶ ಇದಾಗಿದೆ. ಈ ಸಂದರ್ಭದಲ್ಲಿ ಅಕಾಲಿ-ಬಿಜೆಪಿ ಎರಡನೇ ಬಾರಿಗೆ ಸರ್ಕಾರವನ್ನು ರಚನೆ ಮಾಡಿದೆ.

ಈ ವರ್ಷ, ಕಣದಲ್ಲಿರುವ ಎಲ್ಲಾ ಪಕ್ಷಗಳು, ಕಾಂಗ್ರೆಸ್‌ ಹಾಗೂ ಪ್ರಮುಖ ವಿಪಕ್ಷವಾದ ಎಎಪಿ ರಾಜ್ಯದಲ್ಲಿ ತಮ್ಮ ಪರವಾಗಿ ಅಲೆ ಇದೆ ಎಂದು ಹೇಳಿಕೊಂಡಿದೆ. ಅಂತಿಮ ಮತದಾನದ ಅಂಕಿಅಂಶಗಳಲ್ಲಿ ಭಾರಿ ಏರಿಕೆಯು ಈ ವರ್ಷ ಕಾಣಿಸಿಕೊಂಡಿದೆ. ಮತದಾನ ನಡೆದ ಇತರೆ ರಾಜ್ಯಗಳಲ್ಲಿ ಇದೇ ರೀತಿಯ ಏರಿಕೆಯನ್ನು ಡೇಟಾ ತೋರಿಸುತ್ತದೆ. ಗೋವಾದಲ್ಲಿ, ಅಂಕಿ ಅಂಶಗಳು ಸಂಜೆ 5 ಗಂಟೆಗೆ ಶೇಕಡಾ 75.29 ರಿಂದ ಕೊನೆಯದಾಗಿ ಶೇಕಡ 79.16 ಕ್ಕೆ ಜಿಗಿತ ಕಂಡಿದೆ. ಅಂದರೆ ಶೇಕಡ 4 ರಷ್ಟು ವ್ಯತ್ಯಾಸ ಕಂಡು ಬಂದಿದೆ. ಉತ್ತರಾಖಂಡದಲ್ಲಿ, ಅಂಕಿಅಂಶಗಳು 59.37 ರಿಂದ 64.29 ಕ್ಕೆ ಏರಿದೆ. (ಒನ್‌ಇಂಡಿಯಾ ಸುದ್ದಿ)

English summary

Punjab Poll: Voting Figures In Punjab Erratic, Big Drop In Areas That Chose AAP.