ಬಿಎಂಟಿಸಿ ಹೊಸ ಎರಡು ಮಾರ್ಗದಲ್ಲಿ ಕಾರ್ಯಾಚರಣೆ ಆರಂಭಿಸಿದೆ

Updated: Tuesday, February 13, 2018, 9:37 [IST]

ಬೆಂಗಳೂರು, ಫೆಬ್ರವರಿ13 : ಬಿಎಂಟಿಸಿಯು ನಗರದ ಹೊಸ ಎರಡು ಮಾರ್ಗದಲ್ಲಿ ಬಸ್ ಗಳ ಸಂಚಾರವನ್ನು ಪ್ರಾರಂಭಿಸಿದೆ.

ಯಲಹಂಕ ಹಳೇ ಬಸ್ ನಿಲ್ದಾಣದಿಂದ ಒರಾಯನ್ ಮಾಲ್ ಮಾರ್ಗದಲ್ಲಿ( ಮಾರ್ಗ ಸಂಖ್ಯೆ-ಎಂಎಲ್1, ಎಂಎಲ್ 2 ) ಬಸ್ ಗಳು ಸಂಚರಿಸಲಿದೆ. ಯಲಹಂಕ, ಅಲ್ಲಾಳಸಂದ್ರ, ಬ್ಯಾಟರಾಯನಪುರ, ಡೈರಿ ಗೇಟ, ಹೆಬ್ಬಾಳ ವರ್ತುಲ ರಸ್ತೆ, ದೇವಿನಗರ, ದೇವಸಂದ್ರ, ಸದಾಶಿವನಗರ ಪೊಲೀಸ್ ಠಾಣೆ, ಯಶವಂತಪುರ ಹಾಗೂ ಒರಾಯನ್ ಮಾಲ್ ನಿಲ್ದಾಣಗಳನ್ನು ಒಳಗೊಂಡಿದೆ.

ಸಾಮಾನ್ಯವಾಗಿ ಬೆಳಗ್ಗೆ 8 ರಿಂದ ರಾತ್ರಿ 7.45 ರವರೆಗೆ ಒಟ್ಟು 24 ಸುತ್ತುವಳಿಗಳಲ್ಲಿ ಕಾರ್ಯಾಚರಣೆ ಮಾಡಲಿದೆ. ಸಾರ್ವಜನಿಕರು ಬಸ್ ನ ಸದುಪಯೋಗ ಪಡೆದುಕೊಳ್ಳಬೇಕು ಎಂದು ಬಿಎಂಟಿಸಿ ಅಧಿಕಾರಿಗಳು ತಿಳಿಸಿದ್ದಾರೆ.