ಕಂಪೆನಿಗೆ ಸೇರಿ 8 ತಿಂಗಳಿಗೇ ಕೆಲಸ ಬಿಡಲು ಒತ್ತಾಯಿಸಿದ್ರು: ಮುಂದಿನ ಇಂಟರ್ವ್ಯೂನಲ್ಲಿ HRಗೆ ಏನು ಹೇಳಲಿ ಎಂದ ಯುವಕ
ವೃತ್ತಿಜೀವನದ ಆರಂಭದಲ್ಲಿ ಪ್ರತಿಯೊಬ್ಬರೂ ಒಂದಲ್ಲ ಒಂದು ಸವಾಲುಗಳನ್ನು ಎದುರಿಸುತ್ತಾರೆ. ಆದರೆ, ಮೊದಲ ಉದ್ಯೋಗದಲ್ಲಿಯೇ ಕೆಲಸದ ನಿರ್ವಹಣೆ ಸರಿಯಿಲ್ಲ ಎಂಬ ಕಾರಣಕ್ಕೆ ರಾಜೀನಾಮೆ ನೀಡುವಂತೆ ಕಂಪನಿ ಒತ್ತಾಯಿಸಿದರೆ, ಅದು ಯುವಕ- ಯುವತಿಯರಲ್ಲಿ ದೊಡ್ಡ ಮಟ್ಟದ ಆತಂಕ ಮತ್ತು ಗೊಂದಲವನ್ನು ಸೃಷ್ಟಿಸುವುದು ಸಹಜ.
ಉದ್ಯೋಗ ಮಾರುಕಟ್ಟೆಯಲ್ಲಿನ ಸ್ಪರ್ಧೆ ಮತ್ತು ಕಂಪನಿಗಳ ನಿರೀಕ್ಷೆಗಳು ಯುವ ಉದ್ಯೋಗಿಗಳಿಗೆ ಇತ್ತೀಚಿನ ದಿನಗಳಲ್ಲಿ ದೊಡ್ಡ ಸವಾಲಾಗಿ ಪರಿಣಮಿಸಿವೆ. ಕನಸಿನ ಕೆಲಸ ಸಿಕ್ಕಿತು ಎಂದು ಖುಷಿಪಡುವಷ್ಟರಲ್ಲಿ, ಕೇವಲ ಎಂಟು ತಿಂಗಳಲ್ಲಿ ಆ ಕೆಲಸ ಕೈತಪ್ಪಿದರೆ ಹೇಗಿರುತ್ತದೆ? ಇಲ್ಲೊಬ್ಬ 2025ರ ಬ್ಯಾಚ್ನ ಯುವ ಟೆಕ್ಕಿಗೆ ಇಂಥದ್ದೇ ಪರಿಸ್ಥಿತಿ ಎದುರಾಗಿದೆ.
ಕಳಪೆ ಕಾರ್ಯಕ್ಷಮತೆಯ ಕಾರಣ ನೀಡಿ ಕಂಪನಿ ಆತನನ್ನು ಕೆಲಸದಿಂದ ತೆಗೆದುಹಾಕಿದೆ. ಆದರೆ ಈಗ ಆತನಿಗೆ ಕಾಡುತ್ತಿರುವ ಅತಿದೊಡ್ಡ ಚಿಂತೆ ಮುಂದಿನ ಉದ್ಯೋಗದ ಸಂದರ್ಶನ. "ಹಿಂದಿನ ಕಂಪನಿಯನ್ನು ಏಕೆ ಬಿಟ್ಟಿರಿ?" ಎಂಬ ಎಚ್ಆರ್ ಪ್ರಶ್ನೆಗೆ ಏನು ಉತ್ತರಿಸಬೇಕು ಎಂಬ ಗೊಂದಲದಲ್ಲಿ ಆತ ರೆಡ್ಡಿಟ್ ಮೊರೆಹೋಗಿದ್ದಾನೆ.
ಇತ್ತೀಚೆಗೆ 2025ರಲ್ಲಿ ಕಂಪ್ಯೂಟರ್ ಸೈನ್ಸ್ ಪದವಿ ಪೂರ್ಣಗೊಳಿಸಿ, ಸ್ಟಾರ್ಟ್ಅಪ್ ಒಂದರಲ್ಲಿ ಕೆಲಸ ಮಾಡುತ್ತಿದ್ದ ಯುವಕನೊಬ್ಬ ಇದೇ ರೀತಿಯ ಸಂಕಷ್ಟಕ್ಕೆ ಸಿಲುಕಿದ್ದಾನೆ. ಸುಮಾರು ಎಂಟು ತಿಂಗಳ ಕೆಲಸದ ಬಳಿಕ, ಕಂಪನಿಯು ಆತನನ್ನು "ನಿಮ್ಮ ಕೆಲಸ ನಿರ್ವಹಣೆವೂ ನಮ್ಮ ನಿರೀಕ್ಷೆಯ ಮಟ್ಟದಲ್ಲಿಲ್ಲ" ಎಂದು ಹೇಳಿ, ವಜಾಗೊಳಿಸುವ ಬದಲು ಸ್ವಯಂಪ್ರೇರಿತವಾಗಿ ರಾಜೀನಾಮೆ ನೀಡುವಂತೆ ಆಯ್ಕೆ ನೀಡಿತ್ತು. ಇದೀಗ ಈ ಯುವಕ ಮುಂದಿನ ಉದ್ಯೋಗಕ್ಕಾಗಿ ಸಂದರ್ಶನಗಳನ್ನು ಎದುರಿಸುವಾಗ, ಹಿಂದಿನ ಕಂಪನಿಯನ್ನು ಯಾಕೆ ಬಿಟ್ಟಿದ್ದೀರಿ ಎಂಬ ಪ್ರಶ್ನೆಗೆ ಏನು ಉತ್ತರ ನೀಡಬೇಕು ಎಂಬ ಗೊಂದಲದಲ್ಲಿದ್ದಾನೆ.
ಸಂದರ್ಶನದಲ್ಲಿ ಪ್ರಾಮಾಣಿಕತೆ ಮತ್ತು ವೃತ್ತಿಪರತೆ ಮುಖ್ಯ
ಹಿಂದಿನ ಕಂಪನಿಯನ್ನು ತೊರೆದ ವಿಷಯವನ್ನು ಎಚ್ಆರ್ಗೆ ಹೇಗೆ ತಿಳಿಸಬೇಕು ಎಂಬುದು ಈಗ ಆತನ ದೊಡ್ಡ ಪ್ರಶ್ನೆಯಾಗಿದೆ. ಪ್ರಯಾಣದ ಸುದೀರ್ಘ ಸಮಯ ಅಥವಾ ವೈಯಕ್ತಿಕ ಕಾರಣಗಳನ್ನು ನೀಡಬಹುದೇ ಎಂದು ಆತ ಚಿಂತಿಸುತ್ತಿದ್ದಾನಾದರೂ, ಸುಳ್ಳು ಹೇಳುವುದು ಮುಂದಿನ ದಿನಗಳಲ್ಲಿ ಅಪಾಯ ತರಬಹುದು ಎಂದು ತಜ್ಞರು ಎಚ್ಚರಿಸಿದ್ದಾರೆ. ಈ ಕುರಿತು ರೆಡ್ಡಿಟ್ ಬಳಕೆದಾರರು ಆತನಿಗೆ ನೀಡಿರುವ ಸಲಹೆಗಳು ಬಹಳ ಮೌಲ್ಯಯುತವಾಗಿವೆ.
ಉದ್ಯೋಗಿ ಯಾವುದೇ ಕಾರಣಕ್ಕೂ ಸಂದರ್ಶನದಲ್ಲಿ ಅತಿಯಾಗಿ ರಕ್ಷಣಾತ್ಮಕವಾಗಿ ವರ್ತಿಸಬಾರದು. ಬದಲಾಗಿ, ಆ ಕಂಪನಿ ತನಗೆ 'ಸರಿಯಾದ ಆಯ್ಕೆಯಾಗಿರಲಿಲ್ಲ' ಎಂದು ವೃತ್ತಿಪರರಾಗಿ ವಿವರಿಸುವುದು ಉತ್ತಮ ಎಂದು ಹಲವರು ಸಲಹೆ ನೀಡಿದ್ದಾರೆ.
ಸಂದರ್ಶನದಲ್ಲಿ ಅನುಸರಿಸಬೇಕಾದ ಸೂತ್ರಗಳು
1. ಸಂಕ್ಷಿಪ್ತವಾಗಿ ಮತ್ತು ಸ್ಪಷ್ಟವಾಗಿ ಉತ್ತರಿಸಿ: ಕೆಲಸ ಬಿಟ್ಟ ವಿಷಯದ ಬಗ್ಗೆ ಹೆಚ್ಚಿನ ವಿವರಣೆ ಅಥವಾ ಸುಳ್ಳು ಹೇಳುವ ಬದಲು, ವಿಷಯವನ್ನು ಸಂಕ್ಷಿಪ್ತವಾಗಿ ಮತ್ತು ವೃತ್ತಿಪರವಾಗಿ ತಿಳಿಸಿ.
2. ಕಲಿಕೆಗೆ ಒತ್ತು ನೀಡಿ: "ಹಿಂದಿನ ಕಂಪನಿಯಲ್ಲಿ ನಾನು ಏನು ಕಲಿತಿದ್ದೇನೆ ಮತ್ತು ನನ್ನ ಮುಂದಿನ ಗುರಿ ಏನು ಎಂಬುದರ ಮೇಲೆ ಹೆಚ್ಚಿನ ಗಮನ ಹರಿಸಿ" ಎಂದು ಅನುಭವಿಗಳು ತಿಳಿಸಿದ್ದಾರೆ.
3. ಸುಳ್ಳು ಹೇಳಬೇಡಿ: ಯಾವುದೇ ಕಾರಣಕ್ಕೂ ಸುಳ್ಳು ಮಾಹಿತಿ ನೀಡಬೇಡಿ, ಏಕೆಂದರೆ ಭವಿಷ್ಯದಲ್ಲಿ ಹಿನ್ನೆಲೆ ಪರಿಶೀಲನೆಯ ಸಂದರ್ಭದಲ್ಲಿ ಇದು ಸಮಸ್ಯೆಯಾಗಬಹುದು.
4. ವೃತ್ತಿಪರ ಮೌಲ್ಯಗಳನ್ನು ಹಂಚಿಕೊಳ್ಳಿ: ಆ ಕಂಪನಿಯು ನಿಮ್ಮ ಕೌಶಲ್ಯಗಳಿಗೆ ಹೇಗೆ ಒಗ್ಗುತ್ತಿರಲಿಲ್ಲ ಮತ್ತು ಮುಂದಿನ ಅವಕಾಶಗಳಲ್ಲಿ ನೀವು ಹೇಗೆ ಉತ್ತಮವಾಗಿ ಕಾರ್ಯನಿರ್ವಹಿಸಲು ಸಿದ್ಧರಿದ್ದೀರಿ ಎಂಬುದನ್ನು ಎಚ್ಆರ್ ಮುಂದೆ ಸ್ಪಷ್ಟಪಡಿಸಿ.
ಈಗಿನ ಕಠಿಣ ಉದ್ಯೋಗ ಮಾರುಕಟ್ಟೆಯಲ್ಲಿ, ಇಂತಹ ಸವಾಲುಗಳನ್ನು ಎದುರಿಸುವುದು ಕಷ್ಟವಾದರೂ, ನಿರಾಶರಾಗದೆ ವೃತ್ತಿಪರ ಕೌಶಲ್ಯಗಳನ್ನು ಬೆಳೆಸಿಕೊಳ್ಳುವುದು ಮುಖ್ಯ. ಅನುಭವಗಳೇ ಮನುಷ್ಯನಿಗೆ ಉತ್ತಮ ಪಾಠಗಳನ್ನು ಕಲಿಸುತ್ತವೆ.
ಆದ್ದರಿಂದ, ಹಿಂದಿನ ಕಂಪನಿಯಲ್ಲಿನ ವೈಫಲ್ಯದ ಬಗ್ಗೆ ಚಿಂತಿಸುವ ಬದಲು, ಹೊಸದಾಗಿ ಸಿಗುವ ಅವಕಾಶಗಳಲ್ಲಿ ನಿಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಲು ಸಿದ್ಧರಾಗಿ. ವೃತ್ತಿಪರ ವಲಯದಲ್ಲಿ ಪ್ರಾಮಾಣಿಕತೆ ಮತ್ತು ಕಲಿಕಾ ಮನೋಭಾವಕ್ಕೆ ಯಾವಾಗಲೂ ಮನ್ನಣೆ ಇರುತ್ತದೆ ಎಂಬುದನ್ನು ಮರೆಯಬೇಡಿ.
Click it and Unblock the Notifications
Sign in with Google