ಇಎಂಐ ಪಡೆಯಲು ಹೋದ ಬ್ಯಾಂಕ್ ಏಜೆಂಟ್ ಹನಿಟ್ರ್ಯಾಪ್ನಲ್ಲಿ ಸಿಲುಕಿದ್ದು ಹೇಗೆ?
ಬೆಂಗಳೂರು, ಮಾರ್ಚ್ 7: ಬ್ಯಾಂಕ್ ಇಎಂಐ ಪಡೆಯಲು ಬಂದ ಬ್ಯಾಂಕ್ ಏಜೆಂಟ್ ಹನಿಟ್ರ್ಯಾಪ್ ನಲ್ಲಿ ಸಿಕ್ಕಿಬಿದ್ದಿರುವ ಪ್ರಕರಣವನ್ನು ಪೊಲೀಸರು ಬೇಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ನಾಲ್ವರು ಮಹಿಳೆಯರು ಸೇರಿ ಒಟ್ಟು 7 ಜನರ ತಂಡವು ಇಎಂಐ ನೀಡುವಂತೆ ಬ್ಯಾಂಕ್ ಏಜೆಂಟ್ಗಳಿಗೆ ಕರೆ ಮಾಡಿ ಅವರು ಹಣವನ್ನು ಪಡೆಯಲು ಬಂದಾಗ ಅವರನ್ನು ಲಾಕ್ ಮಾಡಿ ಅವರ ಬೇರೆ ಬೇರೆ ಭಂಗಿಯ ಫೋಟೊ ತೆಗೆದು ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋಡ್ ಮಾಡುವುದಾಗಿ ನಂಬಿಸಿ ಹಣವನ್ನು ಲೂಟಿ ಮಾಡುತ್ತಿದ್ದ ಗ್ಯಾಂಗ್ನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ಒಬ್ಬ ಮಹಿಳೆ ಬ್ಯಾಂಕ್ ಏಜೆಂಟ್ಗೆ ಕರೆ ಮಾಡಿ ಬ್ಯಾಂಕ್ ಲೋನ್ ಕಟ್ಟಬೇಕು ಹಣ ನೀಡುತ್ತೇನೆ ಬನ್ನಿ ಎಂದು ಕರೆದು ಆತ ಬಂದ ಬಳಿಕ ಹಣ ಮನೆಯಲ್ಲಿಯೇ ಮರೆತು ಬಿಟ್ಟು ಬಂದೆ ಮನೆವರೆಗೆ ಕರೆದುಕೊಂಡು ಹೋಗಿ ಎಂದು ಹೇಳಿ ಮನೆಗೆ ಹೋದ ಬಳಿಕ ಅವರನ್ನು ಕೂಡಿಹಾಕಿ ಹಣಕ್ಕೆ ಬೇಡಿಕೆ ಇಟ್ಟಿದ್ದರು.
ಒಂದೊಮ್ಮೆ ಹಣ ನೀಡಲು ಆಗದಿದ್ದರೆ ವೇಶ್ಯಾವಾಟಿಕೆ ನಡೆಸುತ್ತಿದ್ದ ಎಂದು ಹೇಳಿ ಫೋಟೊವನ್ನು ಟಿವಿಯಲ್ಲಿ ಪ್ರಸಾರ್ ಮಾಡುತ್ತೇವೆ ಎಂದು ಬೆದರಿಕೆ ಒಡ್ಡಿದ್ದರು. ಬಳಿಕ ಆತನ ಬಳಿ ಇದ್ದ 4 ಸಾವಿರ ನಗದು, ಮೊಬೈಲ್ ಫೋನ್ ತೆಗೆದುಕೊಂಡು ನಾಗರಬಾವಿ ಪಾರ್ಕ್ ಬಳಿ ಬಿಟ್ಟು ಹೋಗಿದ್ದರು.
ಒಂದು ಲಕ್ಷದ ಚೆಕ್ ಪಡೆದು ಒಂದೊಮ್ಮೆ ಒಂದು ದಿನದಲ್ಲಿ ಹಣವನ್ನು ಹೊಂದಿಸದಿದ್ದರೆ ಚೆಕ್ ಬೌನ್ಸ್ ಕೇಸ್ ಹಾಕುವುದಾಗಿ ಬೆದರಿಸಿದ್ದರು. ಆ ಗ್ಯಾಂಗ್ನಲ್ಲಿದ್ದ ಕೆಲವು ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ.
Click it and Unblock the Notifications
Sign in with Google