ಕೆಂಪೇಗೌಡ ಏರ್ಪೋರ್ಟ್ ಮೊಗಸಾಲೆಗಳ ನವೀಕರಣ ಆರಂಭ
ಬೆಂಗಳೂರು, ಜೂನ್ 14: ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಮೊಗಸಾಲೆಗಳ ನವೀಕರಣ ಕಾರ್ಯ ಆರಂಭವಾಗಿದೆ. ಜೂನ್ 1 ರಿಂದ ಇದು ಆರಂಭಗೊಂಡಿದ್ದು 2021ರ ಮಾರ್ಚ್ ವರೆಗೂ ನಡೆಯಲಿದೆ.
ಪ್ರಯಾಣಿಕರಿಗೆ ನಿಲ್ದಾಣದಲ್ಲಿ ಅತ್ಯುತ್ತಮ ಪ್ರಯಾಣ ಅನುಭವ ಒದಗಿಸುವ ಗುರಿಯೊಂದಿಗೆ ಮೊಗಸಾಲೆ ನವೀಕರಣ ಕೆಲಸ ಕೈಗೆತ್ತಿಕೊಳ್ಳಲಾಗಿದೆ ಎಂದು ಕೆಐಎ ಮುಖ್ಯ ವಾಣಿಜ್ಯ ಅಧಿಕಾರಿ ಆರ್ ಕೆನ್ನೆತ್ ತಿಳಿಸಿದ್ದಾರೆ.
ಕೆಐಎನಲ್ಲಿ ಹಾಲಿ ನಾಲ್ಕು ಮೊಗಸಾಲೆಗಳಿವೆ, ಈ ಪೈಕಿ ಅಂತಾರಾಷ್ಟ್ರೀಯ ಸೆಕ್ಯುರಿಟಿ ಹೋಲ್ಡ್ ಪ್ರದೇಶದಲ್ಲಿ ಎರಡು ಮತ್ತು ದೇಶೀಯ ಸೆಕ್ಯುರಿಟಿ ಹೋಲ್ಡ್ ಪ್ರದೇಶದಲ್ಲಿ ಎರಡು ಮೊಗಸಾಲೆಗಳಿವೆ, ನವೀಕರಣ ಕಾಮಗಾರಿಯು ಎರಡು ಹಂತಗಳಲ್ಲಿ ನಡೆಯಲಿದೆ.
ಒಟ್ಟು 18-20 ತಿಂಗಳ ಕಾಲ ಈ ಕಾಮಗಾರಿ ನಡೆಯಲಿದೆ. ಅಂತಾರಾಷ್ಟ್ರೀಯ ಮೊಗಸಾಲೆಗಳು ಮತ್ತು ಟ್ರಾನ್ಸಿಟ್ ಹೋಟೆಲ್ನ ಕೆಲ ಭಾಗ ಬಂದ್ ಆಗಲಿವೆ. ನವೀಕರಣದ ಬಳಿಕ ಹೊಸ ಮೊಗಸಾಲೆಗಳನ್ನು ಗೇಟ್ ಗ್ರೂಪ್ ಅಂಡ್ ಟ್ರಾವೆಲ್ ಮತ್ತು ಫುಡ್ ಸರ್ವೀಸ್ ಇಂಡಿಯಾ ಜಂಟಿ ಸಹಭಾಗಿತ್ವದಲ್ಲಿ ನಿರ್ವಹಿಸಲಿವೆ.
Click it and Unblock the Notifications
Sign in with Google