ಜಕ್ಕೂರಿನಲ್ಲಿ ಇಂಡಿಯಾ ಸ್ಪೀಡ್ ವೀಕ್ 2017
ಬೆಂಗಳೂರು, ಡಿಸೆಂಬರ್ 07 : ಬೈಕ್ ಮತ್ತು ಕಾರ್ ರೇಸ್ಗಳ ಬಗ್ಗೆ ವಿಪರೀತ ಮೋಹ ಇರಿಸಿಕೊಂಡಿರುವವರ ಸಂಖ್ಯೆಗೇನೂ ಕೊರತೆ ಇಲ್ಲ. ಇವುಗಳ ರೋಚಕತೆ ಅಂತಹುದು. ಬೈಕನ್ನು ಚಮತ್ಕಾರಿಕವಾಗಿ ಓಡಿಸುವ ಕೌಶಲ್ಯ, ಅತಿವೇಗವಾಗಿ ಕಾರು ಚಲಾಯಿಸುವ ಚಾಲಕನ ಮೋಡಿಯನ್ನು ಈ ರೇಸ್ನಲ್ಲಿ ಕಂಡು ಪುಳಕಿತರಾಗಬಹುದು.
ರುದ್ರ ಮೋಟಾರ್ ಸಂಸ್ಥೆ ಈ ಅವಕಾಶ ಮಾಡಿಕೊಟ್ಟಿದ್ದು ಬೆಂಗಳೂರು ಹೊರವಲಯದಲ್ಲಿರುವ ಜಕ್ಕೂರಿನಲ್ಲಿರು ಬೆಂಗಳೂರು ಜಕ್ಕೂರು ಏರೋಡ್ರಮ್ ನಲ್ಲಿ ಇಂಡಿಯಾ ಸ್ಪೀಡ್ ವೀಕ್ 2017 ಮೋಟಾರ್ ಬೈಕ್ ಹಾಗೂ ಕಾರ್ ರೇಸ್ ನ್ನು ಆಯೋಜಿಸಿದೆ.
ಇದು ಡಿಸೆಂಬರ್ 8 ರಿಂದ 10 ರವರೆಗೆ ಮೂರು ದಿನಗಳ ಕಾಲ ನಡೆಯಲಿದೆ. ಇದರ ಮೊದಲ ಸುತ್ತು ಅಕ್ಟೋಬರ್ 27 ರಿಂದ 29 ರವರೆಗೆ ನಡೆದಿದ್ದು ಇದೀಗ ಇದು ಎರಡನೇ ಸುತ್ತು.
ಈ ಕ್ರೇಜಿ ಬೈಕ್ಸ್ ರೇಸ್ ಬೆಂಗಳೂರಿನ ಮೋಟಾರ್ ರೇಸ್ ಪ್ರಿಯರಿಗೆ ರೋಚಕ ಅನುಭವ ನೀಡಲಿದೆ. 150ಕ್ಕೂ ಅಧಿಕ ಸಾಹಸಿಗಳು ತಮ್ಮ ಚಾಲನಾ ಕೌಶಲ್ಯ ಮೆರೆಯಲಿದ್ದಾರೆ.
Click it and Unblock the Notifications
Sign in with Google