Hebbal flyover: ಪ್ರಯಾಣಿಕರೇ... ಸಾಧ್ಯವಾದಷ್ಟು ಹೆಬ್ಬಾಳ ಫ್ಲೈಓವರ್ ಹತ್ತುವ ಮುನ್ನ ಯೋಚಿಸಿ

ಬೆಂಗಳೂರು, ಜುಲೈ. 16: ಹೆಬ್ಬಾಳ ಫ್ಲೈಓವರ್ ಹತ್ತುವ ಮುನ್ನ ಮತ್ತೆ ಮತ್ತೆ ಯೋಚನೆ ಮಾಡಬೇಕಾಗಿದೆ. ಫ್ಲೈಓವರ್ ಲೇನ್ ನಿರ್ಮಾಣ ಸೇರಿದಂತೆ ಹಲವು ಕಾಮಗಾರಿಗಳು ನಡೆಯುತ್ತಿದ್ದು, ಟ್ರಾಫಿಕ್ ಜಾಮ್ ಹೆಚ್ಚಾಗುತ್ತಲೆ ಇದೆ. ಕೇವಲ ನಾಲ್ಕು ಕಿಲೋಮೀಟರ್ ಕ್ರಮಿಸಲು ವಾಹನ ಸವಾರರು ಒಂದು ಗಂಟೆ ತೆಗೆದುಕೊಳ್ಳುತ್ತಿದ್ದಾರೆ.

ಸಿಲಿಕಾನ್ ಸಿಟಿಯಲ್ಲಿ ಸೋಮವಾರದ ಟ್ರಾಫಿಕ್ ಜಾಮ್ ಎಲ್ಲರಿಗೂ ತಿಳಿದಿದೆ. ಪೀಕ್ ಅವರ್‌ಗಳಲ್ಲಿ ಹೆಬ್ಬಾಳ ಫ್ಲೈಓವರ್ ಹತ್ತಿದರೆ ಮತ್ತೆ ಕೆಳಗಿಳಿಯಲು ಎಷ್ಟು ಸಮಯ ಬೇಕು ಎಂಬುದೆ ತಿಳಿಯದಂತಾಗಿದೆ. ಜನನಿಬಿಡ ಬಳ್ಳಾರಿ ರಸ್ತೆ ಎಸ್ಟೀಮ್ ಮಾಲ್ ಬಳಿ ವಾಹನಗಳಿಂದ ತುಂಬಿ ತುಳುಕುತ್ತದೆ. ಇಲ್ಲಿಂದ ವಾಹನ ಸವಾರರು ಟ್ರಾಫಿಕ್ ಜಾಮ್‌ಗೆ ಸಿಲುಕುತ್ತಾರೆ.

ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (ಬಿಡಿಎ) ಎಸ್ಟೀಮ್ ಮಾಲ್‌ನಿಂದ ಬ್ಯಾಪ್ಟಿಸ್ಟ್ ಆಸ್ಪತ್ರೆವರೆಗಿನ ಮೇಲ್ಸೇತುವೆಯಲ್ಲಿ ಹೆಚ್ಚುವರಿ ಲೇನ್‌ಗಳನ್ನು ನಿರ್ಮಿಸುವ ಕೆಲಸವನ್ನು ಒಂದು ವರ್ಷದ ಹಿಂದೆ ಪುನರಾರಂಭಿಸಿತು. ರಸ್ತೆಯ ದಟ್ಟಣೆಯು ಹಂತಹಂತವಾಗಿ ಹದಗೆಟ್ಟಿದೆ ಮತ್ತು ಹೆಬ್ಬಾಳ ಮೇಲ್ಸೇತುವೆ ಮತ್ತು ಸುತ್ತಮುತ್ತಲಿನ ಪ್ರದೇಶಗಳ ಮೇಲೆ ಕೂಡ ಪರಿಣಾಮ ಬೀರಿವೆ.

ಏಪ್ರಿಲ್‌ನಲ್ಲಿ ಎರಡು ಲೇನ್‌ಗಳನ್ನು ಕಿತ್ತುಹಾಕಿದ ನಂತರ, ಕೆಆರ್‌ ಪುರಂನಿಂದ ಬರುವ ವಾಹನಗಳಿಗೆ ಫ್ಲೈಓವರ್ ಹತ್ತುವುದು ಇನ್ನಷ್ಟು ಕಷ್ಟಕರವಾಗಿದೆ. ಅರ್ಧ ಕಿತ್ತುಹಾಕಿದ ರ‍್ಯಾಂಪ್‌ನಿಂದ ವಾಹನದ ಹೊರೆ ಈಗ ಸರ್ವಿಸ್ ರಸ್ತೆ ಮತ್ತು ಸರ್ವಿಸ್ ಲೂಪ್ ಮೇಲೆ ಬೀಳುತ್ತದೆ.

ಹೆಬ್ಬಾಳ ಮೇಲ್ಸೇತುವೆಯಲ್ಲಿ ಚಾಲನೆ

ಇನ್ನು, 'ದಿ ಹಿಂದೂ' ಪತ್ರಿಕೆ ಗ್ರೌಂಡ್ ರಿಪೋರ್ಟ್ ಮಾಡಿದ್ದು, ಬೈಕ್‌ನಲ್ಲಿ ಎಸ್ಟೀಮ್ ಮಾಲ್‌ನಿಂದ ಹೆಬ್ಬಾಳ ಪೊಲೀಸ್ ಠಾಣೆಗೆ 900 ಮೀಟರ್ ಪ್ರಯಾಣಿಸಲು 11.10 ರಿಂದ 11.40 ರವರೆಗೆ ಫ್ಲೈಓವರ್ ದಾಟಲು ತೆಗೆದುಕೊಳ್ಳುವ ಸಮಯ ತೆಗೆದುಕೊಂಡಿದೆ. ಮತ್ತು ಫ್ಲೈಓವರ್‌ನ ರ‍್ಯಾಂಪ್ ಹತ್ತಲು ಸುಮಾರು 13 ನಿಮಿಷಗಳನ್ನು ತೆಗೆದುಕೊಂಡಿತು. .

ಒಟ್ಟು ನಾಲ್ಕು ಕಿಲೋಮೀಟರ್ ದೂರ ಕ್ರಮಿಸಿದ ಹೆಬ್ಬಾಳ ಪೊಲೀಸ್ ಠಾಣೆ ತಲುಪಲು ತೆಗೆದುಕೊಂಡ ಸಮಯ 27 ನಿಮಿಷಗಳು. ಈ ವೇಳೆಗಾಗಲೇ ಪೀಕ್‌ ಅವರ್‌ ಟ್ರಾಫಿಕ್‌ ಕಡಿಮೆಯಾಗಲು ಆರಂಭಿಸಿತ್ತು. ಟ್ರಾಫಿಕ್ ಪೊಲೀಸ್ ಕಾನ್ಸ್‌ಟೇಬಲ್ ಪ್ರಕಾರ, ಫ್ಲೈಓವರ್‌ನಲ್ಲಿ ವಾಹನಗಳ ಪ್ರಮಾಣವು ಗರಿಷ್ಠ 8.30 ರಿಂದ 11.30 ರವರೆಗೆ ಇರುತ್ತದೆ. ಸಾಮಾನ್ಯ ಪ್ರಯಾಣಿಕರು ವಾರದ ದಿನಗಳಲ್ಲಿ ಫ್ಲೈಓವರ್ ದಾಟಲು 20 ನಿಮಿಷದಿಂದ ಒಂದು ಗಂಟೆ ತೆಗೆದುಕೊಳ್ಳುತ್ತಾರೆ ಎಂದು ವರದಿಯಾಗಿದೆ.

ದಟ್ಟಣೆಯಲ್ಲಿ ಹೆಚ್ಚಳ

ಬೆಂಗಳೂರು ಟ್ರಾಫಿಕ್ ಪೊಲೀಸರು (BTP) ASTraM (ಸುಸ್ಥಿರ ಸಂಚಾರ ನಿರ್ವಹಣೆಗಾಗಿ ಕ್ರಿಯಾಶೀಲ ಇಂಟೆಲಿಜೆನ್ಸ್) ಅನ್ನು ಬಳಸಿಕೊಂಡು ನಡೆಸಿದ ವಿಶ್ಲೇಷಣೆಯ ಪ್ರಕಾರ, ಕೆ.ಆರ್. ಪುರಂ ರ‍್ಯಾಂಪ್ ಆರಂಭವಾಗಿದ್ದು, ಕೊಡಿಗೇಹಳ್ಳಿ ಜಂಕ್ಷನ್‌ನಿಂದ ಹೆಬ್ಬಾಳ ಜಂಕ್ಷನ್ ನಡುವೆ ಜನದಟ್ಟಣೆ ಗಣನೀಯವಾಗಿ ಏರಿಕೆಯಾಗಿದೆ.

ಕಾಮಗಾರಿ ಶುರುವಾದ ನಂತರ 1 ರಿಂದ 3 ಕಿಲೋಮೀಟರ್‌ಗಳಿಂದ ಪೀಕ್ ಅವರ್‌ಗಳಲ್ಲಿ ದಿನಕ್ಕೆ ಸರಾಸರಿ ಟ್ರಾಫಿಕ್ ಜಾಮ್ ಉದ್ದವು 2 ರಿಂದ 12 ಕಿಲೋಮೀಟರ್‌ಗಳಿಗೆ ಏರಿದೆ. ವೀರಣ್ಣಪಾಳ್ಯ ಜಂಕ್ಷನ್‌ನಿಂದ ಹೆಬ್ಬಾಳ ಜಂಕ್ಷನ್‌ವರೆಗಿನ ಟ್ರಾಫಿಕ್‌ ಸಂಚಾರಕ್ಕೂ ತೊಂದರೆಯಾಗಿದ್ದು, ಪೀಕ್‌ ಅವರ್‌ನಲ್ಲಿ ಸರಾಸರಿ ಪ್ರಯಾಣದ ಸಮಯ 5.1 ನಿಮಿಷದಿಂದ 7.6 ನಿಮಿಷಕ್ಕೆ ಏರಿಕೆಯಾಗಿದೆ.

English summary

Hebbal flyover lane construction: Heavy traffic in Hebbal flyover, One hour to cover four kilometres. Know more details.