ಆ್ಯಪ್ ಆಧಾರಿತ ಟ್ಯಾಕ್ಸಿ ಸೇವೆ ದರ ಪರಿಷ್ಕರಣೆ: ಕಂಪನಿಗಳ ಜತೆ ಮಾತುಕತೆ

Updated: Saturday, March 10, 2018, 14:48 [IST]

ಬೆಂಗಳೂರು, ಮಾರ್ಚ್ 10: ಅಪ್ಲಿಕೇಷನ್ ಆಧಾರತ ಟ್ಯಾಕ್ಸಿ ಸೇವೆಗಳ ಕನಿಷ್ಠ ಮತ್ತು ಗರಿಷ್ಠ ದರವನ್ನು ಸಾರಿಗೆ ಇಲಾಖೆ ಪರಿಷ್ಕರಿಸಿದೆ.

ಈ ಸಂಬಂಧ ಅಪ್ಲಿಕೇಷನ್ ಆಧಾರಿತ ಟ್ಯಾಕ್ಸಿ ಸಂಸ್ಥೆಗಳ ಜತೆ ಮುಂದಿನ ವಾರದಲ್ಲಿ ಸಭೆ ನಡೆಸಲು ತೀರ್ಮಾನಿಸಿದೆ. ಬೆಂಗಳೂರಿಗೆ ಅನ್ವಯವಾಗುವಂತೆ ಜನವರಿಯಲ್ಲಿ ಅಪ್ಲಿಕೇಷನ್ ಆಧಾರಿತ ಟ್ಯಾಕ್ಸಿ ಸೇವೆಗಳಿಗೆ ಸಾರಿಗೆ ಇಲಾಖೆ ಮೊದಲ ಬಾರಿಗೆ ಹೊರಡಿಸಿದ್ದ ಕನಿಷ್ಠ ದರ ಆದೇಶದಲ್ಲಿ ಕೆಲ ಲೋಪಗಳಿದ್ದವು.

ಇದೇ ಅಂಶಗಳನ್ನು ಮುಂದಿಟ್ಟುಕೊಂಡು ಅಪ್ಲಿಕೇಷನ್ ಆಧಾರಿತ ಕಂಪನಿಗಳು ಕಳೆದೆರೆಡು ತಿಂಗಳಿನಿಂದ ಆದೇಶ ಪಾಲಿಸಲು ಹಿಂದೇಟು ಹಾಕಿದ್ದವು.

ಲೆಕ್ಕದಲ್ಲಿ ಇಲಾಖೆ ಎಡವಟ್ಟು: ಟ್ಯಾಕ್ಸಿಗಳಿಗೆ ಕನಿಷ್ಠ ದರ ನಿಗದಿಪಡಿಸುವ ವಿಚಾರದಲ್ಲಿ ಇಲಾಖೆ ಎಡವಿತ್ತು. ವಾಹನ ಬೆಲೆ ಆಧರಿಸಿ ಕಾರುಗಳನ್ನು ಎಬಿಸಿಡಿ ವರ್ಗ ಎಂದು ಇಲಾಖೆ ಬೇಪಡಿಸಿತ್ತು. ಎ ವರ್ಗವು ಅತಿ ಹೆಚ್ಚು ಬೆಲೆಯುಳ್ಳ ಕಾರುಗಳಾಗಿದ್ದು, ಡಿ ವರ್ಗದಲ್ಲಿ ಕನಿಷ್ಠ ಬೆಲೆಯ ಕಾರುಗಳಿವೆ . ಪರಿಷ್ಕೃತ ದರದಲ್ಲಿ ಸಿ ಮತ್ತು ಬಿ ವರ್ಗದ ವಾಹನಗಳು ಮೊದಲ 4ಕಿ.ಮೀಗೆ ಪಡೆಯಬೇಕಾದ ದರವನ್ನು ಇಲಾಖೆ ಪರಿಷ್ಕರಿಸಿದೆ.

ಕರ್ನಾಟಕ ಆನ್ ಡಿಮ್ಯಾಂಡ್ ಟ್ರಾನ್ಸ್ ಪೋರ್ಟೇಷನ್ ಟೆಕ್ನಾಲಜಿ ಅಗ್ರೆಗೇಟರ್ ರೂಲ್ಸ್ 2016ರ ಅನ್ವಯ ಬೆಂಗಳೂರು ನಗರ ಮಿತಿಯ ಬಳಿಕ 25ಕಿ.ಮೀ ವರೆಗೂ ಹವಾನಿಯಂತ್ರಿತ ಸಿಟಿ ಟ್ಯಾಕ್ಸಿಗಳಿಗೆ ಅನ್ವಯವಾಗುವಂತೆ ಕನಿಷ್ಠ-ಗರಿಷ್ಠ ದರ ಅನ್ವಯ ಎಂದು ಸಾರಿಗೆ ಇಲಾಖೆ ತಿಳಿಸಿತ್ತು.