ವಿಷ ಅನಿಲ ಲೀಕೇಜ್: ನಮ್ಮ ಮೆಟ್ರೋ ವಿರುದ್ಧ ಎಫ್ಐಆರ್
ಬೆಂಗಳೂರು, ಅಕ್ಟೋಬರ್ 29: ನಮ್ಮ ಮೆಟ್ರೋ ಕಾಮಗಾರಿ ವೇಳೆ ವಿಷ ಅನಿಲ ಸೋರಿಕೆಯಾಗಿದ್ದು, ಬಿಎಂಆರ್ಸಿಎಲ್ ಮತ್ತು ಐಟಿಡಿಸಿ ವಿರುದ್ಧ ಗೇಲ್ ಎಫ್ಐಆರ್ ದಾಖಲಿಸಿದೆ.
ಮೆಟ್ರೋ ಕಾಮಗಾರಿ ವೇಳೆ ಗ್ಯಾಸ್ ಪೈಪ್ ಲೀಕ್ ಆದ ಘಟನೆ ಐಟಿಪಿಎಲ್ ರಸ್ತೆಯಲ್ಲಿರುವ ಗರುಡಾಚಾರ್ ಪಾಳ್ಯದ ಬಳಿ ಸೋಮವಾರ ನಡೆದಿದೆ. ಮಹದೇವಪುರ ಪೊಲೀಸ್ ಠಾಣೆಯಲ್ಲಿ ಬಿಎಂಆರ್ಸಿಎಲ್ ಹಾಗೂ ಐಟಿಡಿಸಿ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.
ಕೆಲವು ದಿನಗಳ ಹಿಂದೆ ವೈದೇಹಿ ಆಸ್ಪತ್ರೆ ಬಳಿ ಗ್ಯಾಸ್ ಪೈಪ್ ಡ್ಯಾಮೇಜ್ ಆಗಿತ್ತು, ಇದೇ ರೀತಿಯ ಪ್ರಕರಣ ವರದಿಯಾಗಿದ್ದು ಆದರೂ ಬಿಎಂಆರ್ಸಿಎಲ್ ಯಾವುದೇ ಮುಂಜಾಗ್ರತಾ ಕ್ರಮವನ್ನು ಕೈಗೊಂಡಿರಲಿಲ್ಲ, ಇಂತಹ ಘಟನೆ ಮಮರುಕಳಿಸಿದರೂ ಎಚ್ಚೆತ್ತಿಕೊಳ್ಳದ ಬಿಎಂಆರ್ಸಿಎಲ್ ವಿರುದ್ಧ ಗೇಲ್ ಪ್ರಕರಣ ದಾಖಲಿಸಿದೆ.
ಮಹದೇವಪುರ ಠಾಣಾ ವ್ಯಾಪ್ತಿಯಲ್ಲಿ ಎಫ್ಐಆರ್ ದಾಖಲಾಗಿದ್ದು, ಇದೇ ಠಾಣಾ ವ್ಯಾಪ್ತಿಯಲ್ಲಿ ಎರಡನೇ ಎಫ್ಐಆರ್ ದಾಖಲಾಗಿದೆ. ನಿರ್ಲಕ್ಷ್ಯಕ್ಕೆ ಬಂಧಿಸಿದಂತೆ ಪ್ರಕರಣ ದಾಖಲಿಸಲಾಗಿದೆ. ಜನಸಂದಣಿ ಇಲ್ಲದಿದ್ದರಿಂದ ಯಾವುದೇ ಅಪಾಯ ಸಂಭವಿಸಿಲ್ಲ.
Click it and Unblock the Notifications
Sign in with Google