ಕಂಟೋನ್ಮೆಂಟ್-ವೈಟ್ಫೀಲ್ಡ್ ಜೋಡಿ ರೈಲ್ವೆ ಹಳಿಗೆ ಸಮ್ಮತಿ
ಬೆಂಗಳೂರು, ಮಾರ್ಚ್ 22: ಕಂಟೋನ್ಮೆಂಟ್ ಮತ್ತು ವೈಟ್ಫೀಲ್ಡ್ ನಡುವೆ 25ಕಿ.ಮೀ ಉದ್ದದ ಹೊಸ ಜೋಡಿಹಳಿ ನಿರ್ಮಾಣಕ್ಕೆ ರೈಲ್ವೆ ಇಲಾಖೆ ಒಪ್ಪಿಗೆ ಸೂಚಿಸಿದೆ. ಇದು ಬೆಂಗಳೂರು ಉಪನಗರ ರೈಲು ಯೋಜನೆಗೆ ಪೂರಕವಾಗಿದೆ.
ವಿಧಾನಸಭೆ ಚುನಾವಣೆ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ | ಯಾವ ಪಕ್ಷಕ್ಕೆಷ್ಟು ಸೀಟು? ನೀವೇ ಊಹಿಸಿ
492.8 ಕೋಟಿ ರೂ ವೆಚ್ಚದಲ್ಲಿ ಈಗಿರುವ ಎರಡು ಹಳಿಯ ಮತ್ತೆರೆಡು ಹಳಿ ನಿರ್ಮಾಣವಾಗಲಿದೆ. ಐಟಿ ಕಾರಿಡಾರ್ ವೈಟ್ಫೀಲ್ಡ್ ಗೆ ಸಂಪರ್ಕಿಸುವ ಈ ಮಾರ್ಗದಲ್ಲಿ ಹೆಚ್ಚಿನ ರೈಲು ಓಡಾಟಕ್ಕೆ ಹಲವು ದಶಕಗಳಿಂದ ಬೇಡಿಕೆ ಇದೆ. 1997-98ರಲ್ಲಿ ಬೆಂಗಳೂರು ನಗರದಿಂದ ಕಂಟೋನ್ಮೆಂಟ್ ಮೂಲಕ ವೈಟ್ಫೀಲ್ಡ್ ವರೆಗೆ ಹೊಸ ಜೋಡಿ ಹಳಿ ನಿರ್ಮಾಣ ಯೋಜನೆ ಬಜೆಟ್ ನಲ್ಲಿ ಘೋಷಣೆಯಾಗಿತ್ತು.
ನಂತರದಲ್ಲಿ ಈ ಕುರಿತು ಯಾವುದೇ ಆಸಕ್ತಿಯನ್ನು ರೈಲ್ವೆ ಇಲಾಖೆ ವಹಿಸದಿದ್ದ ಕಾರಣ ಜಾಗದ ಕೊರತೆ, ಭೂಸ್ವಾಧೀನ ಮೌಲ್ಯ ಹೆಚ್ಚಾಗುತ್ತ ಯೋಜನೆಯೇ ರದ್ದಾಗುವ ಹಂತಕ್ಕೆ ಬಂದಿತ್ತು. 2013ರಲ್ಲಿ ಯೋಜನಾ ವೆಚ್ಚ ಹಂಚಿಕೊಳ್ಳುವ ಪ್ರಸ್ತಾವನೆಯನ್ನು ರಾಜ್ಯ ಸರ್ಕಾರ ಕಳುಹಿಸಿತ್ತಾದರೂ ಕೊನೆಯಲ್ಲಿ ಹಿಂದೆ ಸರಿದಿತ್ತು.
3ವರ್ಷಗಳಲ್ಲಿ ಪೂರ್ಣ: ಕಂಟೋನ್ಮೆಂಟ್ -ವೈಟ್ಫೀಲ್ಡ್ ನಡುವೆ ಅತಿ ಶೀಘ್ರ ಹಳಿ ಕಾಮಗಾರಿ ಪ್ರಾರಂಭಿಸಲು ರೈಲ್ವೆ ಇಲಾಖೆ ನಿರ್ಧರಿಸಿದ್ದು, ಮುಂದಿನ 3 ವರ್ಷದೊಳಗೆ ಕಾಮಗಾರಿ ಪೂರ್ಣಗೊಳಿಸುವುದಾಗಿ ತಿಳಿಸಿದೆ. ಈ ಮೂಲಕ ಐಟಿ ಹಬ್ ಗೆ ಸೂಕ್ತ ಸಾರಿಗೆ ಸಂಪರ್ಕ ದೊರೆಯಲಿದ್ದು, ನಿತ್ಯ 62ಸಾವಿರ ಪ್ರಯಾಣಿಕರಿಗೆ ಸಹಕಾರಿಯಾಗಲಿದೆ ಎಂದು ನೈಋತ್ಯ ರೈಲ್ವೆ ಅಂದಾಜಿಸಿದೆ.
ಬೆಂಗಳೂರು ಕಂಟೋನ್ಮೆಂಟ್, ಬೆಂಗಳೂರು ಈಸ್ಟ್, ಬೈಯಪ್ಪನಹಳ್ಳಿ, ಕೆಆರ್ ಪುರ, ಹೂಡಿ ಮತ್ತು ವೈಟ್ ಫೀಲ್ಡ್ ಹೀಗೆ 6 ನಿಲ್ದಾಣಗಳು ಈ ಮಾರ್ಗದಲ್ಲಿ 4 ಹಳಿಗೆ ತಕ್ಕಂತೆ ಅಭಿವೃದ್ಧಿಯಾಗಲಿದೆ. ಈಗ ಬೆಂಗಳೂರು ನಗರ ಮತ್ತು ವೈಟ್ಫೀಲ್ಡ್ ನಡುವೆ ಇರುವ ಏಕೈಕ ಜೋಫಡಿ ಹಳಿ ಅತಿಹೆಚ್ಚು ದಟ್ಟಣೆಯಿಂದ ಕೂಡಿದ್ದು, ಬೆಂಗಳೂರಿನಿಂದ 146 ಮತ್ತು ಯಶವಂತಪುರದಿಂದ 94ರೈಲುಗಳು ಈ ಮಾರ್ಗದಲ್ಲಿ ಸಂಚರಿಸುತ್ತಿವೆ.
Click it and Unblock the Notifications
Sign in with Google